12

സ​താം​പ്ട​ണ്‍: ഇം​ഗ്ല​ണ്ടി​ന് എ​തി​രാ​യ അ​ഞ്ചാം ട്വ​ന്‍റി-20 ക്രി​ക്ക​റ്റി​നു​ള്ള ഇ​ന്ത്യ​ന്‍ പ്ലേ​യിം​ഗ് ഇ​ല​വ​നി​ല്‍ മ​ല​യാ​ളി വി​ക്ക​റ്റ് കീ​പ്പ​ര്‍ സ​ഞ്ജു സാം​സ​ണ്‍ ഇ​ടം​പി​ടി​ച്ചു.

കൗ​മാ​ര താ​രം വൈ​ഭ​വ് സൂ​ര്യ​വം​ശി​യെ ഒ​ഴി​വാ​ക്കി​യാ​ണ് സ​ഞ്ജു​വി​നെ പ്ലേ​യിം​ഗ് ഇ​ല​വ​നി​ല്‍ ഉ​ള്‍​പ്പെ​ടു​ത്തി​യ​ത്. അ​യ​ര്‍​ല​ന്‍​ഡ് പ​ര്യ​ട​ന​ത്തി​ലും ഇം​ഗ്ല​ണ്ടി​ന് എ​തി​രാ​യ ആ​ദ്യ മ​ത്സ​ര​ത്തി​ലും (5, 0, 1) ര​ണ്ട​ക്കം പോ​ലും കാ​ണാ​തി​രു​ന്ന​തോ​ടെ​യാ​ണ് സ​ഞ്ജു​വി​നു പു​റ​ത്തി​രി​ക്കേ​ണ്ടി​വ​ന്ന​തെ​ന്ന​തും ശ്ര​ദ്ധേ​യം.

ടോ​സ് ന​ഷ്ട​പ്പെ​ട്ട് ആ​ദ്യം ക്രീ​സി​ലെ​ത്തി​യ ഇം​ഗ്ല​ണ്ട്, 20 ഓ​വ​റി​ല്‍ ത​ല്ലി​ക്കൂ​ട്ടി​യ​ത് മൂ​ന്നു വി​ക്ക​റ്റ് ന​ഷ്ട​ത്തി​ല്‍ 257 റ​ണ്‍​സ്. 64 പ​ന്തി​ല്‍ എ​ട്ട് സി​ക്‌​സും 12 ഫോ​റും അ​ട​ക്കം 131 റ​ണ്‍​സ് അ​ടി​ച്ചെ​ടു​ത്ത ജോ​സ് ബ​ട്‌‌​ല​റി​ന്‍റെ സെ​ഞ്ചു​റി​യാ​ണ് ഇം​ഗ്ലീ​ഷ് ഇ​ന്നിം​ഗ്‌​സി​നു ക​രു​ത്തേ​കി​യ​ത്. ക്യാ​പ്റ്റ​ന്‍ ഹാ​രി ബ്രൂ​ക്ക് 45 പ​ന്തി​ല്‍ 95 റ​ണ്‍​സു​മാ​യി പു​റ​ത്താ​കാ​തെ നി​ന്നു. ഇ​ന്ത്യ​ക്കെ​തി​രേ ഇം​ഗ്ല​ണ്ടി​ന്‍റെ റി​ക്കാ​ര്‍​ഡ് ട്വ​ന്‍റി-20 സ്‌​കോ​റാ​ണ് 257/3.

മ​ത്സ​ര​ത്തി​ൽ ഇ​ന്ത്യ 56 റ​ണ്‍​സി​ന് പ​രാ​ജ​യ​പ്പെ​ട്ടു. 20 ഓ​വ​റി​ൽ എ​ട്ട് വി​ക്ക​റ്റ് ന​ഷ്ട​ത്തി​ൽ 201 റ​ണ്‍​സ് എ​ടു​ക്കാ​നേ ഇ​ന്ത്യ​ക്കു സാ​ധി​ച്ചു​ള്ളൂ. ഓ​പ്പ​ണിം​ഗ് ഇ​റ​ങ്ങി​യ സ​ഞ്ജു സാം​സ​ണ്‍ 14 പ​ന്തി​ൽ 27 റ​ണ്‍​സ് നേ​ടി. ഇ​ഷാ​ൻ കി​ഷ​നാ​ണ് (35 പ​ന്തി​ൽ 56) ഇ​ന്ത്യ​ൻ ഇ​ന്നിം​ഗ്സി​ലെ ടോ​പ് സ്കോ​റ​ർ.

തി​ല​ക് വ​ർ​മ​യും (25 പ​ന്തി​ൽ 53) അ​ർ​ധ​സെ​ഞ്ചു​റി സ്വ​ന്ത​മാ​ക്കി. ക്യാ​പ്റ്റ​ൻ ശ്രേ​യ​സ് അ​യ്യ​ർ 28 റ​ണ്‍​സ് നേ​ടി. അ​ഭി​ഷേ​ക് ശ​ർ​മ (3) തു​ട​ക്ക​ത്തി​ലേ പു​റ​ത്താ​യി. ഇ​തോ​ടെ ശ്രേ​യ​സ് അ​യ്യ​റി​ന്‍റെ ക്യാ​പ്റ്റ​ൻ​സി​യി​ലെ ആ​ദ്യ ര​ണ്ട് പ​ര​ന്പ​ര​യും ഇ​ന്ത്യ ദ​യ​നീ​യ​മാ​യി പ​രാ​ജ​യ​പ്പെ​ട്ടു.

Tags : Cricket India England T20 Cricket FIFAWorldCup Football Soccer WorldCup2026 Sports SportsNews Highlights Tennis Cricket Badminton