1

ഗ്വാ​ഡ​ലൂ​പ്പെ: 2022 ലോ​ക​പ്പ് സെ​മി ഫൈ​ന​ലി​സ്റ്റു​ക​ളാ​യ മൊ​റോ​ക്കോ, ഇ​ത്ത​വ​ണ​യും റോ​ക്കിം​ഗ് പ്ര​ക​ട​ന​വു​മാ​യി മു​ന്നോ​ട്ട്. റൗ​ണ്ട് ഓ​ഫ് 32ല്‍ ​ക​രു​ത്ത​രാ​യ നെ​ത​ര്‍​ല​ന്‍​ഡ്‌​സി​നെ പെ​നാ​ല്‍​റ്റി ഷൂ​ട്ടൗ​ട്ടി​ലൂ​ടെ വീ​ഴ്ത്തി മൊ​റോ​ക്കോ പ്രീ​ക്വാ​ര്‍​ട്ട​റി​ല്‍ പ്ര​വേ​ശി​ച്ചു.

2022ല്‍ ​ബെ​ല്‍​ജി​യം, സ്‌​പെ​യി​ന്‍, പോ​ര്‍​ച്ചു​ഗ​ല്‍ ടീ​മു​ക​ളെ കീ​ഴ​ട​ക്കി​യ മൊ​റോ​ക്കോ സെ​മി ഫൈ​ന​ലി​ല്‍ പ്ര​വേ​ശി​ച്ച് ച​രി​ത്രം കു​റി​ച്ചി​രു​ന്നു. ഫി​ഫ ലോ​ക​ക​പ്പ് ച​രി​ത്ര​ത്തി​ല്‍ സെ​മി​യി​ല്‍ പ്ര​വേ​ശി​ക്കു​ന്ന ആ​ദ്യ ടീം ​എ​ന്ന റി​ക്കാ​ര്‍​ഡാ​ണ് 2022ല്‍ ​മൊ​റോ​ക്കോ സ്വ​ന്ത​മാ​ക്കി​യ​ത്.

സ്റ്റോ​പ്പേ​ജ് ടൈം ​ഗോ​ള്‍

ഗോ​ള്‍​ര​ഹി​ത​മാ​യ ഒ​രു മ​ണി​ക്കൂ​റി​നു​ശേ​ഷം കോ​ഡി ഗാ​ക്‌​പോ​യു​ടെ മി​ന്നും ഫി​നി​ഷിം​ഗി​ലൂ​ടെ നെ​ത​ര്‍​ല​ന്‍​ഡ്‌​സ് ലീ​ഡ് നേ​ടി. 72-ാം മി​നി​റ്റി​ല്‍ ക്രി​സെ​ന്‍​സി​യൊ സ​മ്മ​ര്‍​വി​ല്ലി​ന്‍റെ അ​സി​സ്റ്റി​ല്‍​നി​ന്നാ​യി​രു​ന്നു ഗാ​ക്‌​പോ​യു​ടെ ഗോ​ള്‍. ഒ​രു ഗോ​ളി​ന്‍റെ ജ​യ​ത്തോ​ടെ നെ​ത​ര്‍​ല​ന്‍​ഡ്‌​സ് പ്രീ​ക്വാ​ര്‍​ട്ട​റി​ലേ​ക്കു മാ​ര്‍​ച്ച് ചെ​യ്യു​മെ​ന്നു തോ​ന്നി​പ്പി​ച്ചി​ട​ത്താ​ണ് മൊ​റോ​ക്കോ​യു​ടെ റോ​ക്കിം​ഗ് റി​ട്ടേ​ണ്‍​. സ്റ്റോ​പ്പേ​ജ് ടൈ​മി​ന്‍റെ ആ​ദ്യ മി​നി​റ്റി​ല്‍ ചെം​സി​ദി​ന്‍ ത​ല്‍​ബി​യു​ടെ ക്രോ​സി​ല്‍​നി​ന്ന് ഈസ ദി​യോ​പ്പി​ന്‍റെ ഹെ​ഡ​ര്‍. പ​ന്ത് വ​ല​യി​ല്‍.

90+1-ാം മി​നി​റ്റി​ലെ ആ ​ഗോ​ള്‍ മ​ത്സ​രം അ​ധി​ക സ​മ​യ​ത്തേ​ക്കു നീ​ട്ടി. അ​ധി​ക സ​മ​യ​ത്ത് പ​ക്ഷേ, ഇ​രു​ടീ​മി​നും ഗോ​ള്‍ നേ​ടാ​ന്‍ സാ​ധി​ച്ചി​ല്ല. അ​തോ​ടെ മ​ത്സ​രം ഷൂ​ട്ടൗ​ട്ടി​ലേ​ക്ക്.

ഷൂ​ട്ടൗ​ട്ട്

ഷൂ​ട്ടൗ​ട്ടി​ല്‍ നെ​ത​ര്‍​ല​ന്‍​ഡ്‌​സി​നാ​യി​രു​ന്നു ആ​ദ്യ കി​ക്ക്. ട്യൂ​ണ്‍ കൂ​പ്‌​മൈ​നേ​ഴ്‌​സി​ന്‍റെ ഷോ​ട്ട് വ​ല​യി​ല്‍. എ​ന്നാ​ല്‍, മൊ​റോ​ക്കോ​യു​ടെ ആ​ദ്യ കി​ക്കെ​ടു​ത്ത നീ​ല്‍ എ​ല്‍ അ​യ്‌​നൗ​യി​ക്കു പി​ഴ​ച്ചു. പന്ത് ക്രോ​സ് ബാ​റി​ല്‍ ഇ​ടി​ച്ചു മ​ട​ങ്ങി. നെ​ത​ര്‍​ല​ന്‍​ഡ്‌​സി​ന്‍റെ ര​ണ്ടാം കി​ക്കെ​ടു​ത്ത ജ​സ്റ്റി​ന്‍ ക്ലു​യി​വെ​ര്‍​ട്ടി​ന്‍റെ ഷോ​ട്ടും പോ​സ്റ്റി​ലി​ടി​ച്ചു.

മൊ​റോ​ക്കോ​യു​ടെ ര​ണ്ടും (സൂ​ഫി​യാ​ന്‍ റ​ഹി​മി) മൂ​ന്നും (ചെം​സി​ദി​ന്‍ ത​ല്‍​ബി) ഷോ​ട്ടു​ക​ള്‍ വ​ല​യി​ല്‍. നെ​ത​ര്‍​ല​ന്‍​ഡ്‌​സി​ന്‍റെ മൂ​ന്നാം ഷോ​ട്ടും (വെ​ഹ്‌​ഹോ​സ്റ്റ്) ല​ക്ഷ്യം ക​ണ്ടു. അ​തോ​ടെ 2-2 സ​മ​നി​ല.

നാ​ലാം കി​ക്കെ​ടു​ത്ത നെ​ത​ര്‍​ല​ന്‍​ഡ്‌​സി​ന്‍റെ ടിം​ബെ​റി​നും മൊ​റോ​ക്കോ​യു​ടെ അ​ച്‌​റ​ഫ് ഹ​ക്കി​മി​ക്കും ല​ക്ഷ്യം നേ​ടാ​ന്‍ സാ​ധി​ച്ചി​ല്ല. നെ​ത​ര്‍​ല​ന്‍​ഡ്‌​സി​ന്‍റെ സ​മ്മ​ര്‍​വി​ല്ലി​ന്‍റെ ഷോ​ട്ടും പു​റ​ത്ത്. മൊ​റോ​ക്ക​ൻ താ​രം ഇ​സ്മ​യി​ല്‍ സൈ​ബാ​രി​യു​ടെ അ​ഞ്ചാം കി​ക്ക് വ​ല​യി​ല്‍. അ​തോ​ടെ 3-2ന്‍റെ ​ജ​യ​ത്തോ​ടെ മൊ​റോ​ക്കോ പ്രീ​ക്വാ​ര്‍​ട്ട​റി​ല്‍.

നി​ര്‍​ഭാ​ഗ്യ​വാ​ന്‍..!

മൊ​റോ​ക്കോ​യ്ക്ക് എ​തി​രാ​യ പെ​നാ​ല്‍​റ്റി ഷൂ​ട്ടൗ​ട്ടി​ല്‍ നെ​ത​ര്‍​ല​ന്‍​ഡ്‌​സ് ഗോ​ള്‍ കീ​പ്പ​ര്‍ ബാ​ര്‍​ട്ട് വെ​ര്‍​ബ്ര​ഗ​ന്‍റെ നി​ര്‍​ഭാ​ഗ്യം ശ്ര​ദ്ധി​ക്ക​പ്പെ​ട്ടു. വെ​ര്‍​ബ്ര​ഗ​ന്‍റെ നി​ര്‍​ഭാ​ഗ്യ​മാ​ണോ അ​തോ മൊ​റോ​ക്കോ​യു​ടെ സൂ​ഫി​യാ​ന്‍ റ​ഹി​മി​യു​ടെ ഭാ​ഗ്യ​മാ​ണോ എ​ന്ന​തും ചോ​ദ്യ​മാ​യി.
ഷൂ​ട്ടൗ​ട്ടി​ല്‍ മൊ​റോ​ക്കോ​യു​ടെ ര​ണ്ടാം കി​ക്കെ​ടു​ത്ത​ത് റ​ഹി​മി. കൃ​ത്യ​മാ​യി ഡൈ​വ് ചെ​യ്ത വെ​ര്‍​ബ്ര​ഗ​ന്‍ പ​ന്ത് ത​ട​ഞ്ഞു. എ​ന്നാ​ല്‍, വെ​ര്‍​ബ്ര​ഗ​ന്‍റെ കീ​ഴി​ലൂ​ടെ ഉ​രു​ണ്ട പ​ന്ത് ഗോ​ള്‍ ലൈ​ന്‍ ക​ട​ന്നു. ഒ​രാ​ളു​ടെ നി​ര്‍​ഭാ​ഗ്യം മ​റ്റൊ​രാ​ളു​ടെ ഭാ​ഗ്യം..!

Tags :