14

മ​ദ്യ​ല​ഹ​രി​യി​ൽ കാ​ക്ക​യു​ടെ തൂ​വ​ലു​ക​ൾ പി​ഴു​തെ​ടു​ത്ത് സൈ​ക്കി​ൾ കാ​രി​യ​റി​ൽ കെ​ട്ടി​യി​ട്ട് കൊ​ണ്ടു​പോ​യ​യാ​ളെ മൃ​ഗ​സ്നേ​ഹി​ക​ൾ ത​ട​ഞ്ഞു. പ​ക്ഷി​ക്ക് ക്രൂ​ര​മാ​യ പീ​ഡ​ന​മേ​ൽ​പ്പി​ച്ച ശേ​ഷം അ​തി​നെ പാ​കം ചെ​യ്ത് തി​ന്നാ​നാ​യി​രു​ന്നു ഇ​യാ​ളു​ടെ നീ​ക്കം. ഇ​ൻ​സ്റ്റാ​ഗ്രാ​മി​ലെ ഒ​രു മൃ​ഗ​സം​ര​ക്ഷ​ണ പേ​ജി​ലൂ​ടെ പ്ര​ച​രി​ച്ച വീ​ഡി​യോ​യി​ലൂ​ടെ​യാ​ണ് ഈ ​ദാ​രു​ണ സം​ഭ​വം പു​റം​ലോ​ക​മ​റി​ഞ്ഞ​ത്.

ന​ട​ക്കാ​ൻ പോ​ലും ബു​ദ്ധി​മു​ട്ടു​ന്ന​ത്ര ക​ടു​ത്ത മ​ദ്യ​പാ​ന​ത്തി​ലാ​യി​രു​ന്ന ഇ​യാ​ൾ വ​ഴി​യി​ലൂ​ടെ സൈ​ക്കി​ളി​ൽ പോ​കു​മ്പോ​ഴാ​ണ് വ​ഴി​പോ​ക്ക​രു​ടെ ശ്ര​ദ്ധ​യി​ൽ​പ്പെ​ട്ട​ത്. സം​ശ​യം തോ​ന്നി ചോ​ദ്യം ചെ​യ്ത​പ്പോ​ഴാ​ണ് കാ​ക്ക​യെ തി​ന്നാ​നാ​യി കൊ​ണ്ടു​പോ​കു​ക​യാ​ണെ​ന്ന് ഇ​യാ​ൾ യാ​തൊ​രു കൂ​സ​ലു​മി​ല്ലാ​തെ വെ​ളി​പ്പെ​ടു​ത്തി​യ​ത്. ഇ​തോ​ടെ മൃ​ഗ​സ്നേ​ഹി​ക​ൾ ഇ​ട​പെ​ട്ട് കാ​ക്ക​യെ ര​ക്ഷ​പ്പെ​ടു​ത്തു​ക​യാ​യി​രു​ന്നു.

പോ​ലീ​സി​ൽ പ​രാ​തി​പ്പെ​ടു​മെ​ന്ന് പ​റ​ഞ്ഞ​തോ​ടെ പ്ര​കോ​പി​ത​നാ​യ ഇ​യാ​ൾ അ​സ​ഭ്യം പ​റ​യു​ക​യും കാ​ക്ക​യെ തി​രി​കെ പി​ടി​ച്ചെ​ടു​ക്കാ​ൻ ശ്ര​മി​ക്കു​ക​യും ചെ​യ്തു. എ​ന്നാ​ൽ മൃ​ഗ​സ്നേ​ഹി​ക​ളു​ടെ ശ​ക്ത​മാ​യ പ്ര​തി​രോ​ധ​ത്തെ തു​ട​ർ​ന്ന് ഇ​യാ​ൾ​ക്ക് സം​ഭ​വ​സ്ഥ​ല​ത്തു​നി​ന്ന് മ​ട​ങ്ങേ​ണ്ടി​വ​ന്നു.

നി​ല​വി​ൽ മൃ​ഗ​സം​ര​ക്ഷ​ക​രു​ടെ സം​ര​ക്ഷ​ണ​യി​ലു​ള്ള കാ​ക്ക, ആ​രോ​ഗ്യം വീ​ണ്ടെ​ടു​ത്ത ശേ​ഷം വ​ന​മേ​ഖ​ല​യി​ലേ​ക്ക് പ​റ​ത്തി​വി​ടും. സോ​ഷ്യ​ൽ മീ​ഡി​യ​യി​ൽ പ​ങ്കു​വെ​ച്ച വി​വ​ര​ങ്ങ​ളു​ടെ അ​ടി​സ്ഥാ​ന​ത്തി​ലാ​ണ് വാ​ർ​ത്ത​യെ​ങ്കി​ലും, സം​ഭ​വ​ത്തെ​ക്കു​റി​ച്ച് ഔ​ദ്യോ​ഗി​ക സ്ഥി​രീ​ക​ര​ണ​ങ്ങ​ൾ ല​ഭ്യ​മാ​യി​ട്ടി​ല്ല.

Tags : Nagpur NagpurNews Maharashtra BreakingNews IndiaNews ViralVideo