19

ത​ങ്ങ​ൾ ചെ​യ്ത തെ​റ്റു​ക​ൾ പ​ര​സ്യ​മാ​യി ഏ​റ്റു​പ​റ​ഞ്ഞ്, കു​റ്റ​കൃ​ത്യ​ങ്ങ​ളു​ടെ ലോ​ക​ത്തോ​ട് വി​ട​പ​റ​യാ​ൻ ഒ​രു​പ​റ്റം യു​വാ​ക്ക​ൾ ഒ​ന്നി​ച്ചു​കൂ​ടി​യ വേ​റി​ട്ടൊ​രു കാ​ഴ്ച​യ്ക്കാ​ണ് ഹ​രി​യാ​ന​യി​ലെ നൂ​ഹ് ജി​ല്ല സാ​ക്ഷ്യം വ​ഹി​ച്ച​ത്.

ന​ഗീ​ന പോ​ലീ​സ് സ്റ്റേ​ഷ​ൻ പ​രി​ധി​യി​ലെ സു​ഖ്‌​പു​രി ഗ്രാ​മ​ത്തി​ൽ ഒ​ത്തു​കൂ​ടി​യ യു​വാ​ക്ക​ൾ, ത​ങ്ങ​ൾ നി​യ​മ​വി​രു​ദ്ധ പ്ര​വ​ർ​ത്ത​ന​ങ്ങ​ൾ​ക്ക് ഉ​പ​യോ​ഗി​ച്ചി​രു​ന്ന 55 മൊ​ബൈ​ൽ ഫോ​ണു​ക​ൾ നാ​ട്ടു​കാ​രു​ടെ മു​ന്നി​ലി​ട്ട് ത​ല്ലി​ത്ത​ക​ർ​ത്തു.

ഇ​നി ഒ​രി​ക്ക​ലും തെ​റ്റാ​യ വ​ഴി​യി​ലേ​ക്ക് പോ​കി​ല്ലെ​ന്നും മാ​ന്യ​മാ​യി അ​ധ്വാ​നി​ച്ച് ജീ​വി​ക്കു​മെ​ന്നും അ​വ​ർ പ​ര​സ്യ​മാ​യി പ്ര​തി​ജ്ഞ​യെ​ടു​ത്തു. നൂ​ഹ് പോ​ലീ​സ് സൂ​പ്ര​ണ്ട് ഡോ. ​അ​ർ​പി​ത് ജെ​യി​ന്‍റെ നേ​തൃ​ത്വ​ത്തി​ൽ കു​റ്റ​കൃ​ത്യ​ങ്ങ​ളി​ൽ പെ​ട്ട​വ​രെ മു​ഖ്യ​ധാ​ര​യി​ലേ​ക്ക് കൊ​ണ്ടു​വ​രു​ന്ന​തി​നാ​യി ന​ട​ത്തി​യ പ്ര​ത്യേ​ക ബോ​ധ​വ​ൽ​ക്ക​ര​ണ പ​രി​പാ​ടി​യാ​ണ് യു​വാ​ക്ക​ളി​ൽ ഇ​ത്ത​ര​മൊ​രു മ​നം​മാ​റ്റ​മു​ണ്ടാ​ക്കി​യ​ത്.

ച​ട​ങ്ങി​ൽ പ​ങ്കെ​ടു​ത്ത ഉ​യ​ർ​ന്ന പോ​ലീ​സ് ഉ​ദ്യോ​ഗ​സ്ഥ​ർ യു​വാ​ക്ക​ളു​ടെ ഈ ​തി​രു​ത്ത​ൽ തീ​രു​മാ​ന​ത്തെ അ​ഭി​ന​ന്ദി​ക്കു​ക​യും അ​വ​ർ​ക്ക് ആ​വ​ശ്യ​മാ​യ എ​ല്ലാ പി​ന്തു​ണ​യും ഉ​റ​പ്പു​ന​ൽ​കു​ക​യും ചെ​യ്തു.

തെ​റ്റ് ചെ​യ്ത​വ​രെ ഒ​റ്റ​പ്പെ​ടു​ത്താ​തെ, അ​വ​ർ​ക്ക് പു​തി​യൊ​രു ജീ​വി​തം കെ​ട്ടി​പ്പ​ടു​ക്കാ​ൻ ആ​വ​ശ്യ​മാ​യ തൊ​ഴി​ൽ പ​രി​ശീ​ല​ന​വും വി​ദ്യാ​ഭ്യാ​സ​വും ന​ൽ​കി ഒ​പ്പം നി​ർ​ത്താ​നാ​ണ് കു​ടും​ബാം​ഗ​ങ്ങ​ളും ഗ്രാ​മ​വാ​സി​ക​ളും തീ​രു​മാ​നി​ച്ചി​രി​ക്കു​ന്ന​ത്. പ​ശ്ചാ​ത്താ​പ​ത്തി​ന്‍റെ ഈ ​വേ​റി​ട്ട മാ​തൃ​ക ഇ​പ്പോ​ൾ വ​ലി​യ രീ​തി​യി​ൽ പ്ര​ശം​സി​ക്ക​പ്പെ​ടു​ക​യാ​ണ്.

Tags : HaryanaNews CrimeReform PoliceOutreach SocialChange Rehabilitation