പ​ള്ളി​ച്ചി​റ​യി​ൽ കാ​ട്ടാ​നശ​ല്യം രൂ​ക്ഷം
Tuesday, April 30, 2024 1:52 AM IST
പു​ൽ​പ്പ​ള്ളി: ചാ​ത്ത​മം​ഗ​ലം പ​ള്ളി​ച്ചി​റ​യി​ൽ കാ​ട്ടാ​ന​ശ​ല്യം രൂ​ക്ഷ​മാ​കു​ന്നു. ക​ഴി​ഞ്ഞ ദി​വ​സ​ങ്ങ​ളി​ൽ ജ​ന​വാ​സ മേ​ഖ​ല​യി​ലി​റ​ങ്ങി​യ കാ​ട്ടാ​ന വ്യാ​പ​ക കൃ​ഷി​നാ​ശ​മാ​ണ് വ​രു​ത്തി​യ​ത്. വ​നാ​തി​ർ​ത്തി പ്ര​ദേ​ശ​മാ​യ പ​ള്ളി​ച്ചി​റ​യി​ൽ ക​ഴി​ഞ്ഞ മൂ​ന്ന് ദി​വ​സ​മാ​യി കാ​ട്ടാ​ന ഭീ​തി​വി​ത​യ്ക്കു​ക​യാ​ണ്. ഇ​വി​ടു​ത്തെ വ​നാ​തി​ർ​ത്തി​യി​ൽ ജ​ന​കീ​യ പ​ങ്കാ​ളി​ത്ത​ത്തോ​ടെ സോ​ളാ​ർ വൈ​ദ്യു​തി വേ​ലി സ്ഥാ​പി​ച്ച് വ​ന്യ​മൃ​ഗ​ങ്ങ​ൾ നാ​ടി​റ​ങ്ങു​ന്ന​ത് ഫ​ല​പ്ര​ദ​മാ​യി ത​ട​ഞ്ഞി​രു​ന്നു.

എ​ന്നാ​ൽ ക​ഴി​ഞ്ഞ ദി​വ​സം ഈ ​വൈ​ദ്യു​തി വേ​ലി ത​ക​ർ​ത്താ​ണ് കാ​ട്ടാ​ന നാ​ട്ടി​ലേ​ക്കി​റ​ങ്ങി​യ​ത്. ചെ​ത​ല​ത്ത് റേ​ഞ്ചി​ലെ പാ​തി​രി സെ​ക്ഷ​നി​ലെ ച​ങ്ങ​ല​ഗേ​റ്റ് വ​ന​ഭാ​ഗ​ത്തു​നി​ന്നാ​ണ് കാ​ട്ടാ​ന ഇ​വി​ടേ​യ്ക്കെ​ത്തു​ന്ന​ത്. രാ​ത്രി​യോ​ടെ ജ​ന​വാ​സ മേ​ഖ​ല​യി​ലേ​ക്കി​റ​ങ്ങി കൃ​ഷി​യി​ട​ങ്ങ​ളി​ൽ ത​ന്പ​ടി​ക്കു​ന്ന ആ​ന നേ​രം പു​ല​ർ​ന്നാ​ലേ തി​രി​കെ കാ​ടു​ക​യ​റൂ.

ഞാ​യ​റാ​ഴ്ച രാ​ത്രി ജ​ന​വാ​സ മേ​ഖ​ല​യി​ലി​റ​ങ്ങി​യ ആ​ന കൈ​നി​ക്കു​ടി ബേ​ബി, മാ​ള​പ്പു​ര തി​മ്മ​പ്പ​ൻ, കൈ​നി​ക്കു​ടി ലാ​ലി എ​ന്നി​വ​രു​ടെ കൃ​ഷി​യി​ടം ന​ശി​പ്പി​ച്ചു. തോ​ട്ട​ത്തി​ലു​ണ്ടാ​യി​രു​ന്ന വാ​ഴ​ക​ളും ക​മു​കു​മാ​ണ് ആ​ന വ്യാ​പ​ക​മാ​യി ന​ശി​പ്പി​ച്ച​ത്.

കൈ​നി​ക്കു​ടി ബേ​ബി​യു​ടെ വീ​ട്ടി​ലേ​ക്കു​ള്ള കു​ടി​വെ​ള്ള പൈ​പ്പും മോ​ട്ടോ​റി​ലേ​ക്കു​ള്ള വൈ​ദ്യു​തി വ​യ​റു​ക​ളും ആ​ന ന​ശി​പ്പി​ച്ചു. നാ​ട്ടു​കാ​ർ ചേ​ർ​ന്ന് പ​ട​ക്കം​പൊ​ട്ടി​ച്ചാ​ണ് ആ​ന​യെ കാ​ട്ടി​ലേ​ക്ക് തു​ര​ത്തി​യ​ത്. ത​ക​ർ​ന്ന വൈ​ദ്യു​തി വേ​ലി എ​ത്ര​യും വേ​ഗം പു​ന​സ്ഥാ​പി​ക്ക​ണ​മെ​ന്നും കാ​ട്ടാ​ന​ശ​ല്യ​ത്തി​ന് ശാ​ശ്വ​ത പ​രി​ഹാ​രം ന​ൽ​ക​ണ​മെ​ന്നു​മാ​ണ് പ്ര​ദേ​ശ​വാ​സി​ക​ളു​ടെ ആ​വ​ശ്യം.

Copyright @ 2022 , Rashtra Deepika Ltd.