അ​പ​ക​ട​ങ്ങ​ൾ പ​തി​വാ​കുന്ന വ​ള​വു​ക​ൾ നി​വ​ർ​ത്ത​ണ​മെ​ന്ന ആ​വ​ശ്യം ശ​ക്ത​മാ​കു​ന്നു
Sunday, April 28, 2024 7:09 AM IST
വൈ​ക്കം: വൈ​ക്കം -ത​ല​യോ​ല​പ്പ​റ​മ്പ്, വൈക്കം-വെച്ചൂർ റോ​ഡുകളിലെ വ​ള​വു​ക​ളി​ല്‍ അ​പ​ക​ടം തു​ട​ര്‍ക്ക​ഥ​യാ​കു​ന്നു. അ​പ​ക​ട​ങ്ങ​ളി​ൽ ജീ​വ​ൻ പൊ​ലി​ഞ്ഞി​ട്ടും പ്ര​ധാ​ന​നി​ര​ത്തി​ലെ അ​പ​ക​ട​ക്കെ​ണി​യാ​കു​ന്ന വ​ള​വു​ക​ൾ നി​വ​ര്‍ത്തു​ന്ന​തി​ന് ന​ട​പ​ടി​യി​ല്ല. വാ​ഹ​ന ഗ​താ​ഗ​ത​ത്തി​നും കാ​ൽ​ന​ട​ക്കാ​ർ​ക്കും ഒ​രു​പോ​ലെ വ​ള​വു​ക​ൾ ഭീ​ഷ​ണി​യാ​കു​ന്നു.

ത​ല​യോ​ല​പ്പ​റ​മ്പി​ലെ വ​ട​യാ​ര്‍, പൊ​തി മേ​ൽ​പാ​ലം, പൊ​ട്ട​ന്‍ചി​റ, ഉ​ദ​യ​നാ​പു​ര​ത്തെ വ​ല്ല​കം, പു​ളിം​ചു​വ​ട്, ചാ​ല​പ്പ​റ​മ്പ്, തോ​ട്ട​കം, ഉ​ദ​യ​നാ​പു​രം, കൂ​ട്ടു​മ്മേ​ല്‍ മേ​ഖ​ല​ക​ളി​ലെ വ​ള​വു​ക​ളി​ലാ​ണ് അ​പ​ക​ട​ങ്ങ​ൾ പ​തി​വാ​കു​ന്ന​ത്.

തോ​ട്ട​കം ഇ​ല​ഞ്ഞി​ച്ചു​വ​ട് ഭാ​ഗ​ത്തെ കൊ​ടും​വ​ള​വ് നി​ര​വ​ധി അ​പ​ക​ട​ങ്ങ​ള്‍ക്കാ​ണ് കാ​ര​ണ​മാ​കു​ന്ന​ത്. ഏ​താ​നും വ​ർ​ഷ​ങ്ങ​ൾ​ക്കു​ള്ളി​ൽ നി​ര​വ​ധി പേ​രാ​ണ് ഇ​വി​ടെ മ​രി​ച്ച​ത്. നാ​ലു​വ​ർ​ഷം മു​മ്പാ​ണ് ഇ​വി​ടെ ദ​മ്പ​തി​ക​ൾ അ​പ​ക​ട​ത്തി​ല്‍ ദാ​രു​ണ​മാ​യി മ​രി​ച്ച​ത്. മ​റു​വ​ശ​ത്തു​നി​ന്നു വ​രു​ന്ന വാ​ഹ​ന​ങ്ങ​ൾ കാ​ണാ​നാ​വാ​തെ വ​രു​ന്ന​താ​ണ് അ​പ​ക​ട​ങ്ങ​ള്‍ക്ക് ഇ​ട​യാ​ക്കു​ന്ന​ത്. വ​ല്ല​കം സ​ബ്‌​സ്റ്റേ​ഷ​നു മു​ന്നി​ലെ വ​ള​വും ഗ​താ​ഗ​ത​ത്തി​ന് വ​ലി​യ ഭീ​ഷ​ണി​യാ​ണ് ഉ​യ​ര്‍ത്തു​ന്ന​ത്.

ത​ല​യോ​ല​പ്പ​റ​മ്പ് റോ​ഡ് ആ​ധു​നി​ക​വ​ത്ക​രി​ച്ച​തി​നെ തു​ട​ര്‍ന്ന് ചാ​ല​പ​റ​മ്പ് റോ​ഡി​ലെ വ​ള​വി​ൽ റോ​ഡ​രി​കി​ലെ മ​തി​ല്‍ പ​ത്തു​ത​വ​ണ വാ​ഹ​ന​മി​ടി​ച്ചു ത​ക​ര്‍ന്നി​രു​ന്നു. ഇ​തി​നു​ശേ​ഷം അ​പ​ക​ട​ങ്ങ​ള്‍ കു​റ​യ്ക്കാ​ന്‍ ഇ​വി​ടെ സി​ഗ്ന​ല്‍ ലൈ​റ്റ് സ്ഥാ​പി​ച്ചി​ട്ടു​ണ്ടെ​ങ്കി​ലും ഇ​തു​കൊ​ണ്ട് ഒ​രു ത​ര​ത്തി​ലു​മു​ള്ള പ്ര​യോ​ജ​ന​വും ഉ​ണ്ടാ​കു​ന്നി​ല്ലെ​ന്ന് നാ​ട്ടു​കാ​ർ കു​റ്റ​പ്പെ​ടു​ത്തു​ന്നു.

കൊ​ടും​വ​ള​വി​ല്‍ അ​മി​ത​വേ​ഗ​ത​യി​ല്‍ പാ​ഞ്ഞെ​ത്തു​ന്ന വാ​ഹ​ന​ങ്ങ​ള്‍ക്ക് ഈ ​മു​ന്ന​റി​യി​പ്പു​ക​ൾ ശ്ര​ദ്ധി​ക്കാ​നു​മാ​കു​ന്നി​ല്ല. വൈ​ക്കം-​വെ​ച്ചൂ​ര്‍ റോ​ഡി​ൽ വ​ലി​യാ​ന​പ്പു​ഴ പാ​ലം മു​ത​ല്‍ വെ​ച്ചൂ​ര്‍ വ​രെ​യു​ള്ള വീ​തി കു​റ​ഞ്ഞ റോ​ഡി​ലെ വ​ള​വു​ക​ളി​ൽ നി​ര​ന്ത​രം അ​പ​ക​ട​ങ്ങ​ളു​ണ്ടാ​കു​ന്നു. ഈ ​റോ​ഡി​ല്‍ ഉ​ണ്ടാ​യ അ​പ​ക​ട​ങ്ങ​ളി​ല്‍ നി​ര​വ​ധി പേ​രാ​ണ് മ​ര​ണ​പ്പെ​ട്ടി​ട്ടു​ള്ള​ത്.

ചേ​ര്‍ത്ത​ല, ആ​ല​പ്പു​ഴ, വെ​ച്ചൂ​ര്‍ ഭാ​ഗ​ങ്ങ​ളി​ലേ​ക്കും വി​നോ​ദ സ​ഞ്ചാ​ര​കേ​ന്ദ്ര​മാ​യ കു​മ​ര​ക​ത്തേ​ക്കും ദി​നം​പ്ര​തി നൂ​റു​ക​ണ​ക്കി​ന് വാ​ഹ​ന​ങ്ങ​ളാ​ണ് ഇ​തു​വ​ഴി ക​ട​ന്നു​പോ​കു​ന്ന​ത്. വ​ള​വി​ലെ അ​പ​ക​ട സാ​ധ്യ​ത അ​റി​യാ​തെ പാ​ഞ്ഞെ​ത്തി വാ​ഹ​ന​ങ്ങ​ൾ മ​റ്റു വാ​ഹ​ന​ങ്ങ​ളെ മ​റി​ക​ട​ക്കു​മ്പോ​ൾ പ​ല​പ്പോ​ഴും അ​പ​ക​ട​പ്പെ​ടു​ന്ന​ത് ഇ​രു​ച​ക്ര​വാ​ഹ​ന യാ​ത്രി​ക​രും കാ​ൽ​ന​ട​ക്കാ​രു​മാ​ണ്.

റോ​ഡി​ലെ വ​ള​വു​ക​ളി​ൽ റോ​ഡി​ന്‍റെ ഇ​രു​വ​ശ​ങ്ങ​ളി​ലേ​ക്കും പ​ട​ര്‍ന്നു പ​ന്ത​ലി​ച്ചു ചാ​ഞ്ഞു​നി​ല്‍ക്കു​ന്ന മ​ര​ച്ചി​ല്ല​ക​ളും മ​റ്റും യ​ഥാ​സ​മ​യം വെ​ട്ടി​മാ​റ്റാ​ന്‍ അ​ധി​കൃ​ത​ർ ത​യ്യാ​റാ​കാ​ത്ത​തും അ​പ​ക​ട​ത്തി​നി​ട​യാ​ക്കു​ന്നു.

വൈ​ക്കം-​വെ​ച്ചൂ​ര്‍ റോ​ഡ് അ​ന്താ​രാ​ഷ്‌​ട്ര നി​ല​വാ​ര​ത്തി​ല്‍ വീ​തി​കൂ​ട്ടി പു​ന​ര്‍നി​ര്‍മി​ക്കു​മെ​ന്ന പ്ര​ഖ്യാ​പ​നം വ​ന്നി​ട്ട് നാ​ളേ​റെ​യാ​യെ​ങ്കി​ലും ന​ട​പ​ടി​ക​ള്‍ ഇ​ഴ​ഞ്ഞു​നീ​ങ്ങു​ക​യാ​ണ്. റോ​ഡ് വീ​തി​കൂ​ട്ടി വ​ള​വു​ക​ള്‍ നി​വ​ർ​ത്തി ഗ​താ​ഗ​തം സു​ര​ക്ഷി​ത​മാ​ക്ക​ണ​മെ​ന്ന് നാ​ട്ടു​കാ​ർ ആ​വ​ശ്യ​പ്പെ​ട്ടു.

Copyright @ 2022 , Rashtra Deepika Ltd.