ഇന്ത്യ-പാക് സംഘർഷം അവസാനിപ്പിച്ചത് താനെന്ന് ആവർത്തിച്ച് ട്രംപ്
Thursday, June 19, 2025 12:23 AM IST
ന്യൂയോർക്ക്: ഇന്ത്യ-പാക് യുദ്ധം അവസാനിപ്പിച്ചത് താനാണെന്ന് വാദം ആവർത്തിച്ച് യുഎസ് പ്രസിഡന്‍റ് ഡോണൾഡ് ട്രംപ്. പ്രധാനമന്ത്രി നരേന്ദ്ര മോദിയുമായി നടത്തിയ ടെലിഫോൺ സംഭാഷണത്തിനു ശേഷം മാധ്യമപ്രവർത്തകരോടു സംസാരിക്കവേയായിരുന്നു ട്രംപിന്‍റെ അവകാശവാദം.
“മോദി അസാധാരണ വ്യക്തിയാണ്. കഴിഞ്ഞ രാത്രി ഞാൻ അദ്ദേഹത്തോടു സംസാരിച്ചിരുന്നു. ഇന്ത്യയുടെ മോദിയുമായി വ്യാപാര കരാറുണ്ടാക്കാൻ പോകുകയാണ്. ഇന്ത്യയും പാക്കിസ്ഥാനും തമ്മിലുള്ള സംഘർഷം അവസാനിപ്പിച്ചത് ഞാനാണ്.”-ട്രംപ് പറഞ്ഞു.