സി​ദ്ധ​ന​ർ സ​ർ​വീ​സ് സൊ​സൈ​റ്റി​യു​ടെ സ്വ​ത്തു​ക്ക​ൾ ത​ട്ടി​യെ​ടു​ക്കാ​ൻ ശ്ര​മ​മെ​ന്ന്
Monday, August 4, 2025 3:55 AM IST
പ​ത്ത​നം​തി​ട്ട: സി​ദ്ധ​ന​ർ സ​ർ​വീ​സ് സൊ​സൈ​റ്റി​യു​ടെ സ്ഥാ​വ​ര​ജം​ഗ​മ വ​സ്തു​ക്ക​ൾ ത​ട്ടി​യെ​ടു​ക്കാ​ൻ ചി​ല​ർ ശ്ര​മി​ക്കു​ന്ന​താ​യി ഭാ​ര​വാ​ഹി​ക​ൾ പ​ത്ര​സ​മ്മേ​ള​ന​ത്തി​ൽ ആ​രോ​പി​ച്ചു. സം​ഘ​ട​ന​യി​ൽനി​ന്നു പു​റ​ത്താ​ക്ക​പ്പെ​ട്ട ചി​ല മു​ൻ ഭാ​ര​വാ​ഹി​ക​ളാ​ണ് ഇ​തി​നു പി​ന്നി​ൽ. പ​ഴ​യ ഭ​ര​ണ സ​മി​തി​യെ പി​രി​ച്ചുവി​ട്ട​തി​നെത്തുട​ർ​ന്ന് അ​ഡ്ഹോ​ക്ക് ക​മ്മി​റ്റി​ക്കാ​ണ് നി​ല​വി​ൽ ചു​മ​ത​ല.

ഹൈ​ക്കോ​ട​തി ക​മ്മീ​ഷ​നെ നി​യോ​ഗി​ച്ച് തെ​ര​ഞ്ഞെ​ടു​പ്പ് ന​ട​ത്താ​ൻ ശ്ര​മി​ക്കു​ക​യാ​ണ്. ഇ​തി​നി​ടെ ചി​ല മു​ൻ​ഭാ​ര​വാ​ഹി​ക​ൾ ചേ​ർ​ന്ന് സം​ഘ​ട​ന​യു​ടെ പേ​രി​ൽ സ​മ്മേ​ള​ന​ങ്ങ​ൾ ന​ട​ത്തു​ക​യും സ്ഥാ​പ​ന​ങ്ങ​ളി​ലും വ​സ്തു​വ​ക​ക​ളി​ലും കൈ​ക​ട​ത്തു​ക​യും നി​യ​ന്ത്ര​ണം ഏ​റ്റെ​ടു​ക്കു​ക​യും ചെ​യ്യു​ന്നു.

സം​ഘ​ട​ന​യു​ടെ ചു​മ​ത​ല​യി​ൽ ശൂ​ര​നാ​ട് ന​ടു​വി​ലെമു​റി​യി​ൽ പ്ര​വ​ർ​ത്തി​ക്കു​ന്ന ടി​കെ​ഡി​എം യു​പി സ്കൂ​ളിലെ അ​ധ്യാ​പ​ക നി​യ​മ​ന​വുമാ​യി ബ​ന്ധ​പ്പെ​ട്ടും ഇ​വ​രു​ടെ പേ​രി​ൽ​ അ​ഴി​മ​തി ആ​രോ​പ​ണ​വും നി​ലനി​ൽ​ക്കു​ന്നു​ണ്ട്. സ്കൂ​ൾ മാ​നേ​ജ​ർ സ്ഥാ​നം വ്യാ​ജ​രേ​ഖ ച​മ​ച്ചും വി​ദ്യാ​ഭ്യാ​സ വ​കു​പ്പി​ലെ ചി​ല​രെ സ്വാ​ധീ​നി​ച്ചും കൈ​വ​ശ​പ്പെ​ടു​ത്തി​യാ​ണ് പ​ണം വാ​ങ്ങി സ്കൂ​ളി​ൽ നി​യ​മ​നം ന​ട​ന്ന​ത്.

ഇ​തു​മാ​യി ബ​ന്ധ​പ്പെ​ട്ട പ​രാ​തി​യെത്തുട​ർ​ന്ന് വി​ദ്യാ​ഭ്യാ​സ വ​കു​പ്പ് സ്കൂ​ൾ മാ​നേ​ജ​രെ പി​രി​ച്ചു​വി​ട്ടു. സ​ർ​ക്കാ​ർ ന​ട​പ​ടി​ക്കു​ശേ​ഷം ഇ​ല്ലാ​ത്ത ത​സ്തി​ക​യു​ടെ പേ​രി​ൽ പ​ണം വാ​ങ്ങി ആ​ളെ നി​യ​മി​ച്ച​തു സം​ബ​ന്ധി​ച്ചു പോ​ലീ​സ് കേ​സും നി​ല​വി​ലു​ണ്ട്. സ്കൂ​ൾ ഇ​പ്പോ​ൾ സ​ർ​ക്കാ​ർ നി​യ​ന്ത്ര​ണ​ത്തി​ലാ​ണെ​ന്നും അ​ഡ്ഹോ​ക്ക് ക​മ്മി​റ്റി ഭാ​ര​വാ​ഹി​ക​ൾ പ​റ​ഞ്ഞു.

സം​സ്ഥാ​ന അ​ഡ്ഹോ​ക്ക് ക​മ്മി​റ്റി ക​ൺ​വീ​ന​ർ വാ​ള​ത്തും​ഗ​ൽ ര​ഘു, ചെ​യ​ർ​മാ​ൻ ക​രു​നാ​ഗ​പ്പ​ള്ളി രാ​ഘ​വ​ൻ, ജോ​യി​ന്‍റ് ക​ൺ​വീ​ന​ർ മ​നോ​ഹ​ര​ൻ മൈ​ല​വി​ള, സി.വി. മ​ധു, പു​ഷ്പ​ലാ​ൽ എ​ന്നി​വ​ർ പ​ത്ര​സ​മ്മേ​ള​ന​ത്തി​ൽ പ​ങ്കെ​ടു​ത്തു.
Copyright @ 2018 , Rashtra Deepika Ltd.