കുര്യനും സരസ,ുവും അഭയഭവനിലെ ജീവനക്കാർക്കൊപ്പം.
പെരുമ്പാവൂർ: രോഗാതുരമായ വാർധക്യത്തിലും ഒറ്റപ്പെടലിലും അവശതയനുഭവിച്ച കുര്യൻ (71), സരസു (68) ദമ്പതികൾക്ക് ഇനി ബത്ലേഹം അഭയഭവന്റെ സ്നേഹത്തണൽ.
കോടനാട് ആലട്ടുചിറ റോഡ് തുമ്പയിൽ വീട്ടിൽ കഴിഞ്ഞ 20 വർഷമായി പരസ്പരം തുണയായി കഴിഞ്ഞവരാണിവർ.
ഗുരുതരമായ രോഗങ്ങൾ ബാധിച്ച് ഇരുവരും കിടപ്പിലായതോടെ ജീവിതം പൂർണമായും ദുരിതത്തിലാവുകയായിരുന്നു. ലൈഫ് മിഷൻ പദ്ധതിയിൽ ലഭിച്ച വീടൊഴിച്ചാൽ ഇവർക്ക് മറ്റ് സമ്പാദ്യങ്ങളൊന്നുമില്ലായിരുന്നു. ഒറ്റപ്പെട്ട വീട്ടിൽ ഇവർ അനുഭവിച്ച നരകയാതന ശ്രദ്ധയിൽപ്പെട്ടതോടെ പഞ്ചായത്ത് അധികൃതരും ജനപ്രതിനിധികളും ആശാ വർക്കർമാരും ഉടനടി രംഗത്തിറങ്ങി.
ബന്ധുക്കളുടെ സമ്മതത്തോടെ ഇരുവരെയും സുരക്ഷിതമായി ബത്ലേഹം അഭയഭവനിലേക്ക് മാറ്റി അഡ്മിറ്റ് ചെയ്തു.
Tags : Local News Nattuvishesham Ernakulam