പത്തനംതിട്ട: ഓമല്ലൂര് ഗ്രാമപഞ്ചായത്ത് പ്രസിഡന്റ് വി. ആതിരയെയും ഗ്രാമപഞ്ചായത്ത് അംഗങ്ങളെയും പാര്ട്ടി പ്രവര്ത്തകരെയും അടക്കം കള്ളക്കേസില് കുടുക്കാന് നിരന്തര ശ്രമങ്ങള് നടത്തുന്നതായി ബിജെപി ജില്ലാ പ്രസിഡന്റ് വി. എ. സൂരജ് പത്രസമ്മേളനത്തില് പറഞ്ഞു.
ഗ്രാമപഞ്ചായത്ത് പ്രസിഡന്റ് വി. ആതിരയ്ക്കു നേരെ വധഭീഷണി ഉള്പ്പെടെ നടത്തികൊണ്ട് നിരന്തരം അപമാനിക്കാന് പാസ്റ്റര് ബിനു വാഴമുട്ടവും കൂട്ടാളികളും ശ്രമിക്കുകയാണ്. ഇതിനെതിരേ പരാതി നല്കിയിട്ടും യാതൊരു നടപടിയും പോലീസ് സ്വീകരിച്ചില്ലെന്ന് സൂരജ് പറഞ്ഞു.
കഴിഞ്ഞദിവസം ആക്ഷന് കൗണ്സിലിന്റെ നേതൃത്വത്തില് ഓമല്ലൂരില് നടന്ന പ്രതിഷേധം എല്ലാ രാഷ്ട്രീയ പാര്ട്ടികളും ഉള്പ്പെടുന്നതായിരുന്നു. എന്നാല് ബിജെപി നടത്തിയ സമരമായി വ്യാഖാനിക്കപ്പെടാനുള്ള ബോധപൂര്വ്വമായ ശ്രമമാണ് നടന്നതെന്നും അദ്ദേഹം കുറ്റപ്പെടുത്തി.