21

വൈ​പ്പി​ൻ: മ​ത്സ്യ​ബ​ന്ധ​ന വ്യ​വ​സാ​യ​ത്തെ സം​ര​ക്ഷി​ക്കാ​ൻ കേ​ര​ള മ​റൈ​ൻ ഫി​ഷിം​ഗ് റെ​ഗു​ലേ​ഷ​ൻ ആ​ക്ട് പ​രി​ഷ്ക​ര​ണ​വും ഡീ​സ​ൽ,പാ​ച​ക വാ​ത​ക സ​ബ്സി​ഡി​യുൾ​പ്പെ​ടെ​യു​ള്ള പാ​ക്കേ​ജ് പ്ര​ഖ്യാ​പി​ക്ക​ണ​മെ​ന്ന് മ​ത്സ്യ​ബ​ന്ധ​ന മേ​ഖ​ല​യി​ലെ വി​വി​ധ സം​ഘ​ട​ന​ക​ളും ബോ​ട്ടു​ട​മാ​സം​ഘ​ട​ന​ക​ളും സ​ർ​ക്കാ​രി​നോ​ട് ആ​വ​ശ്യ​പ്പെ​ട്ടു.

രാ​ജ്യ​ത്തി​ന് വി​ദേ​ശ​നാ​ണ്യം നേ​ടി​ത്ത​രു​ന്ന​തും അ​നു​ബ​ന്ധ മേ​ഖ​ല ഉ​ൾ​പ്പെ​ടെ പ​തി​നാ​യി​ര​ക്ക​ണ​ക്കി​ന് ആ​ളു​ക​ൾ​ക്ക് തൊ​ഴി​ൽ ന​ൽ​കു​ന്ന​തു​മാ​യ വ്യ​വ​സാ​യം ത​ക​ർ​ച്ച നേ​രി​ടു​ക​യാ​ണ്. പ​ശ്ചി​മേ​ഷ്യ​ൻ യു​ദ്ധ​ത്തി​ന്‍റെ പശ്ചാ​ത്ത​ല​ത്തി​ൽ ഡീ​സ​ലി​ന്‍റെ​യും വാ​ണി​ജ്യ പാ​ച​ക വാ​ത​ക​ത്തി​ന്‍റെ​യും വി​ല​വ​ർ​ധ​ന ക്ര​മാ​തീ​ത​മാ​യി ഉ​യ​ർ​ന്ന​തോ​ടെ വ്യ​വ​സാ​യം വ​ൻ ഭീ​ഷ​ണി​യി​ലാ​ണ്. മ​ത്‌​സ്യ​ബ​ന്ധ​ന​ത്തി​ന്‍റെ പ്ര​തി​ദി​ന ചെ​ല​വ് കി​ട്ടു​ന്ന മ​ത്സ്യ​ത്തി​ൽ നി​ന്നു​ള്ള വ​രു​മാ​ന​വും വ​ച്ചു​നോ​ക്കു​മ്പോ​ൾ ന​ഷ്ട​മാ​ണ്. ഈ ​സാ​ഹ​ച​ര്യ​ത്തി​ലാ​ണ് വ്യ​വ​സാ​യ​ത്തി​ന്‍റെ നി​ല​നി​ൽ​പ്പി​നു വേ​ണ്ടി ഡീ​സ​ലി​നും പാ​ച​ക​വാ​ത​ക​ത്തി​നും സ​ബ്സി​ഡി അ​നു​വ​ദി​ക്ക​ണ​മെ​ന്ന് ബോ​ട്ടു​ട​മാ സം​ഘ​ങ്ങ​ൾ ആ​വ​ശ്യ​പ്പെ​ടു​ന്ന​ത്.

അ​യ​ൽ സം​സ്ഥാ​ന​ങ്ങ​ളി​ൽ ഇ​ത്ത​ര​ത്തി​ൽ സ​ബ്സി​ഡി​ക​ൾ ന​ൽ​കു​ന്ന​ത് മാ​തൃ​ക​യാ​ക്ക​ണം. മാ​ത്ര​മ​ല്ല ബൈ​ക്യാ​ച്ചിംഗി​ൽ 40 ശ​ത​മാ​ന​ത്തി​ൽ കൂ​ടു​ത​ൽ ചെ​റു മ​ത്സ്യ​ങ്ങ​ൾ ഉ​ണ്ടെ​ങ്കി​ൽ മാ​ത്ര​മേ ബോ​ട്ടു​ക​ൾ​ക്കെ​തി​രെ ചെ​റു മ​ത്സ്യ​ബ​ന്ധ​ന​ത്തി​ന് നി​യ​മ​ന​ട​പ​ടി​ക​ൾ സ്വീ​ക​രി​ക്കാ​ൻ പാ​ടു​ള്ളു. ഇ​ക്കാ​ര്യം ക​ഴി​ഞ്ഞ സ​ർ​ക്കാ​രി​ന്‍റെ കാ​ല​ത്ത് ച​ർ​ച്ച​ചെ​യ്ത് തീ​രു​മാ​ന​മാ​യ​താ​ണ്. ഇ​ത് പു​തി​യ സ​ർ​ക്കാ​ർ ന​ട​പ്പി​ലാ​ക്ക​ണം.

ദി​വ​സ​ങ്ങ​ളോ​ളം ക​ട​ലി​ൽ കി​ട​ന്ന് പ​ണി​യെ​ടു​ത്ത് തീ​ര​ത്ത​ടു​ക്കു​ന്ന മ​ത്സ്യ​ബ​ന്ധ​ന ബോ​ട്ടു​ക​ളെ പി​ടി​കൂ​ടി അ​നാ​വ​ശ്യ​മാ​യി വ​ൻ പി​ഴ​ച്ചു​മ​ത്തു​ന്ന ന​ട​പ​ടി അ​വ​സാ​നി​പ്പി​ക്ക​ണ​മെ​ന്ന് മു​ന​മ്പം ബോ​ട്ട് ഓ​ണേ​ഴ്സ് ആ​ൻ​ഡ് ഓ​പ്പ​റേ​റ്റേ​ഴ്സ് കോ​ർ​ഡി​നേ​ഷ​ൻ ക​മ്മി​റ്റി ചെ​യ​ർ​മാ​ൻ കെ.​ബി. രാ​ജീ​വ്, മു​ന​മ്പം ട്രോ​ൾ നെ​റ്റ് ബോ​ട്ട് ഓ​ണേ​ഴ്സ് ഓ​ർ​ഗ​നൈ​സേ​ഷ​ൻ സെ​ക്ര​ട്ട​റി പി.​പി. ഗി​രീ​ഷ് എ​ന്നി​വ​ർ ആ​വ​ശ്യ​പ്പെ​ട്ടു.

Tags : Local News Nattuvishesham Ernakulam