ശക്തമായ തിരയില് പെട്ട് നീണ്ടകര കടലില് മറിഞ്ഞ വള്ളം.
ചവറ : നീണ്ടകര പുത്തന്തുറയില് നിന്നു മത്സ്യബന്ധനത്തിനു പോയ വള്ളം കടലില് മുങ്ങി. പുത്തന്തുറ ചന്ദ്രമംഗലത്ത് ബൈജുവിന്റെ ഉടമയിലുള്ള പൂജ എന്ന വള്ളമാണ് ശക്തമായ തിരയില്പ്പെട്ട് മുങ്ങിയത്. ഇന്നലെ പുലര്ച്ചെ ഉടമസ്ഥന് ബൈജുവും ബാബു എന്ന തൊഴിലാളിയും കൂടിയാണ് മത്സ്യബന്ധനത്തിനായി പോയത്. നീണ്ടകര തുറമുഖത്തിന് പടിഞ്ഞാറായിട്ടാണ് വള്ളം മുങ്ങിയത്.
വിവരമറിഞ്ഞ് മറൈന് എന്ഫോഴ്സ്മെന്റ് പോലീസ് എത്തിയാണ് തൊഴിലാളികളെ രക്ഷപ്പെടുത്തിയത്. തുടര്ന്ന് മറ്റ് വള്ളക്കാരുടെ സഹായത്തോടെ കടലില് മുങ്ങിയ വള്ളത്തെ കെട്ടിവലിച്ച് കരയ്ക്ക് എത്തിച്ചു. വള്ളത്തില് ഉണ്ടായിരുന്ന വല, കാമറ, ബാറ്ററി, വയര്ലെസ് എന്നിവ നഷ്ടപ്പെട്ടു. വള്ളത്തിനും എന്ജിനും കേടുപാടുകള് സംഭവിച്ചു. രണ്ട് ലക്ഷം രൂപയുടെ നഷ്ടം കണക്കാക്കപ്പെടുന്നു.
ജോണ്, ചാള്സ്, തോമസ് എന്നീ മറൈന് എന്ഫോഴ്സ്മെന്റ് പോലീസ് ഉദ്യോഗസ്ഥരുടെ നേതൃത്വത്തിലായിരുന്നു രക്ഷാപ്രവര്ത്തനം നടത്തിയത്.
Tags : Local News Nattuvishesham Kollam