കല്ലാച്ചിയിൽ നടപ്പാതയിലേക്കും റോഡിലേക്കും തകർന്നുവീണ കെട്ടിട ഭാഗം.
നാദാപുരം: കല്ലാച്ചി വളയം റോഡിൽ കെട്ടിടം തകർന്നുവീണു. ഇന്നലെ രാവിലെ 11 ഓടെയാണ് സംഭവം. സ്വകാര്യ വ്യക്തിയുടെ ഉടമസ്ഥതയിലുള്ള ഉപയോഗശൂന്യമായ കടമുറിയാണ് മഴയിൽ തകർന്നു വീണത്.
നിരവധി ആളുകൾ സഞ്ചരിക്കുന്ന സ്ഥലത്താണ് കെട്ടിടാവശിഷ്ടങ്ങൾ തകർന്നുവീണത്. സംഭവ സമയം ആരും സ്ഥലത്തില്ലാത്തതിനാൽ അപകടം ഒഴിവായി. കെട്ടിടത്തിന്റെ ബാക്കി ഭാഗം ഏത് സമയവും നിലംപതിക്കാമെന്ന നിലയിലാണ്.
കല്ലാച്ചിയിൽ ഇതുപോലെ തകരാൻ പാകത്തിൽ നിരവധി കെട്ടിടങ്ങൾ ഉണ്ടെന്നും അധികൃതർ നടപടിയെടുക്കുന്നില്ലെന്നും നാട്ടുകാർ പറയുന്നു.
Tags : Local News Nattuvishesham Kozhikode