4

തൊ​ടു​പു​ഴ: പ്ര​തി​ദി​ന സ​ര്‍​വീ​സു​ക​ള്‍ ന​ഷ്ട​ത്തി​ലാ​യ​തി​നെത്തു​ട​ര്‍​ന്ന് സ്വ​കാ​ര്യ​ബ​സ് വ്യ​വ​സാ​യ മേ​ഖ​ല​യി​ലു​ണ്ടാ​യി​രി​ക്കു​ന്ന പ്ര​തി​സ​ന്ധി ജി​ല്ല​യെ​യും കാ​ര്യ​മാ​യി ബാ​ധി​ക്കു​ന്നു. പ​ല സ്വ​കാ​ര്യബ​സു​ക​ളും സ​ര്‍​വീ​സു​ക​ള്‍ വെ​ട്ടി​ക്കു​റ​ച്ചു. ജി​ല്ല​യി​ല്‍ നാ​ലു ബ​സു​ക​ള്‍ താ​ത്കാ​ലി​ക​മാ​യി സ​ര്‍​വീ​സു​ക​ള്‍ നി​ര്‍​ത്തി വ​യ്ക്കാ​നു​ള്ള ജി ​ഫോം ന​ല്‍​കി. നി​ശ്ചി​ത കാ​ല​യ​ള​വി​ല്‍ വാ​ഹ​നം റോ​ഡി​ല്‍ ഓ​ടി​ക്കി​ല്ലെ​ന്നു മോ​ട്ടോ​ര്‍ വാ​ഹ​ന വ​കു​പ്പി​നെ മു​ന്‍​കൂ​ട്ടി അ​റി​യി​ക്കു​ന്ന​താ​ണ് ഇ​ത്. ജൂ​ണ്‍ 30ന് ​മു​മ്പായി​രു​ന്നു ജി ​ഫോം സ​മ​ര്‍​പ്പി​ക്കേ​ണ്ടി​യി​രു​ന്ന​ത്. ജി ​ഫോം സ​മ​ര്‍​പ്പി​ച്ചാ​ല്‍ താ​ത്കാ​ലി​ക​മാ​യി നി​കു​തി​യി​ല്‍നി​ന്ന് ഒ​ഴി​വാ​കാ​ന്‍ സാ​ധി​ക്കു​ന്ന​തി​നാ​ലാ​ണ് പ​ല ബ​സു​ട​മ​ക​ളും ഇ​തി​നു ത​യാ​റെ​ടു​ക്കു​ന്ന​ത്.

ഹൈ​റേ​ഞ്ച് മേ​ഖ​ല​യി​ല്‍ മി​ക്ക റൂ​ട്ടു​ക​ളി​ലും ക​ള​ക്‌ഷന്‍ കു​റ​ഞ്ഞ​തോ​ടെ ത​ങ്ങ​ള്‍ ക​ടു​ത്ത പ്ര​തി​സ​ന്ധി​യി​ലാ​യ​താ​യി ബ​സു​ട​മ​ക​ള്‍ പ​റ​യു​ന്നു. അ​ടി​മാ​ലി, മൂ​ന്നാ​ര്‍, ക​ട്ട​പ്പ​ന, കു​മ​ളി റൂ​ട്ടു​ക​ളി​ല്‍ ക​ള​ക്‌ഷന്‍ ഗ​ണ്യ​മാ​യി കു​റ​ഞ്ഞി​ട്ടു​ണ്ട്. പ​ല ദീ​ര്‍​ഘ​ദൂ​ര സ​ര്‍​വീ​സു​ക​ളും കൊ​റി​യ​ര്‍ സ​ര്‍​വീ​സ് ഉ​ള്ള​തി​നാ​ലാ​ണ് പി​ടി​ച്ചുനി​ല്‍​ക്കു​ന്ന​ത്. തൊ​ടു​പു​ഴ മേ​ഖ​ല​യി​ല്‍ മാ​ത്ര​മാ​ണ് ഭേ​ദ​പ്പെ​ട്ട വ​രു​മാ​ന​മു​ള്ള​ത്. സ്വ​കാ​ര്യബ​സു​ക​ള്‍ കൂ​ടു​ത​ലാ​യി സ​ര്‍​വീ​സ് ന​ട​ത്തു​ന്ന മൂ​വാ​റ്റു​പു​ഴ റൂ​ട്ടി​ല്‍ കെ​എ​സ്ആ​ര്‍​ടി​സി സൗ​ജ​ന്യയാ​ത്രാ പ​ദ്ധ​തി കൂ​ടു​ത​ല്‍ ബാ​ധി​ച്ചി​ട്ടി​ല്ലെ​ങ്കി​ലും മൂ​ല​മ​റ്റം റൂ​ട്ടി​ല്‍ സ്വ​കാ​ര്യബ​സു​ക​ളു​ടെ ക​ള​ക്‌ഷനെ ഇ​ത് ബാ​ധി​ച്ചി​ട്ടു​ണ്ട്. ഗ്രാ​മീ​ണ​മേ​ഖ​ല​ക​ളി​ലേ​ക്കു​ള്ള പ​ല സ​ര്‍​വീ​സു​ക​ളും ന​ഷ്ട​ത്തി​ലാ​ണ് ന​ട​ത്തു​ന്ന​ത്. കെ​എ​സ്ആ​ര്‍​ടി​സി ബ​സു​ക​ളി​ല്‍ വ​നി​ത​ക​ള്‍​ക്കാ​യു​ള്ള സൗ​ജ​ന്യ​യാ​ത്രാ പ​ദ്ധ​തി പ്ര​ഖ്യാ​പി​ച്ച​തോ​ടെ​യാ​ണ് സ്വ​കാ​ര്യ​ബ​സു​ക​ളു​ടെ വ​രു​മാ​നം കു​റ​ഞ്ഞ​ത്. സ്ഥി​രം യാ​ത്ര​ക്കാ​രി​ല്‍ അ​റു​പ​ത് ശ​ത​മാ​ന​ത്തോ​ളം സ്ത്രീ​ക​ളാ​യി​രു​ന്നു. ഇ​വ​രി​ല്‍ പ​ല​രും പ്രി​യ​ദ​ര്‍​ശി​നി പ​ദ്ധ​തി​യെ ആ​ശ്ര​യി​ക്കാ​ന്‍ തു​ട​ങ്ങി​യ​താ​ണ് ക​ള​ക്‌ഷനെ പ്ര​തി​കൂ​ല​മാ​യി ബാ​ധി​ച്ച​ത്.

പ്ര​തി​ദി​ന വ​രു​മാ​ന​ത്തി​ല്‍ വ​ന്‍ ഇ​ടി​വ്
ജൂ​ണ്‍ 15ന് ​സൗ​ജ​ന്യ​യാ​ത്രാ പ​ദ്ധ​തി ആ​രം​ഭി​ച്ച​തു മു​ത​ല്‍ പ്ര​തി​ദി​ന ക​ള​ക്‌ഷനി​ല്‍ 2,500 മു​ത​ല്‍ 3,000 രൂ​പ​യു​ടെവ​രെ കു​റ​വു​ണ്ടാ​യി​ട്ടു​ണ്ടെ​ന്ന് ബ​സു​ട​മ​ക​ള്‍ പ​റ​യു​ന്നു.
സ്ഥി​രം യാ​ത്ര​ക്കാ​രാ​യി​രു​ന്ന സ്ത്രീ​ക​ള്‍​ക്ക് ടി​ക്ക​റ്റി​ല്‍ പ്ര​ത്യേ​ക ഇ​ള​വ് ന​ല്‍​കു​ന്ന​തി​നൊ​പ്പം സ്റ്റോ​പ്പ് ഇ​ല്ലാ​ത്ത​യി​ട​ങ്ങ​ളി​ലും വീ​ടി​ന് സ​മീ​പ​ത്തും ബ​സ് നി​ർ​ത്തി യാ​ത്ര​ക്കാ​രെ ഇ​റ​ക്കി​യും ക​യ​റ്റി​യും സ്വ​കാ​ര്യബ​സു​ക​ളി​ല്‍ പ്ര​ത്യേ​ക പ​രി​ഗ​ണ​ന ന​ല്‍​കി​യി​രു​ന്നു. എ​ന്നാ​ല്‍ കെ​എ​സ്ആ​ര്‍​ടി​സി​യു​ടെ സൗ​ജ​ന്യ പ​ദ്ധ​തി വ​ന്ന​തോ​ടെ എ​ല്ലാം ത​കി​ടംമ​റി​ഞ്ഞു.
നി​കു​തി​യി​ല്‍ സ​ര്‍​ക്കാ​ര്‍ ഇ​ളവ് പ്ര​ഖ്യാ​പി​ച്ചെ​ങ്കി​ലും ഇ​ത് തി​ക​ച്ചും പ​രി​മി​ത​മാ​ണെ​ന്ന് പ്രൈ​വ​റ്റ് ബ​സ് ഓ​പ്പ​റേ​റ്റേ​ഴ്‌​സ് അ​സോ​സി​യേ​ഷ​ന്‍ പ്ര​സി​ഡ​ന്‍റ് തൂ​ഫാ​ന്‍ തോ​മ​സ് പ​റ​ഞ്ഞു. നി​കു​തി​യി​ല്‍ 50 ശ​ത​മാ​നം ഇ​ള​വ് സ​ര്‍​ക്കാ​ര്‍ പ്ര​ഖ്യാ​പി​ച്ചാ​ലും പ്ര​തി​ദി​നം 125 രൂ​പ മാ​ത്ര​മാ​ണ് ആ​നൂ​കൂ​ല്യ​മാ​യി ല​ഭി​ക്കു​ക​യെ​ന്ന് അ​ദ്ദേ​ഹം ചൂ​ണ്ടി​ക്കാ​ട്ടി. എ​ന്നാ​ല്‍ ഓ​രോ സ്വ​കാ​ര്യബ​സു​ം ഇ​ന്ധ​നം അ​ടി​ക്കു​ന്ന വ​ക​യി​ല്‍ 1,400 രൂ​പ​യോ​ളം സം​സ്ഥാ​ന സ​ര്‍​ക്കാ​രി​ന് നി​കു​തി​യാ​യി ന​ല്‍​കു​ന്നു​ണ്ട്.
ജീ​വ​ന​ക്കാ​രു​ടെ ശ​മ്പ​ള​വും മെ​യി​ന്‍റ​ന​ന്‍​സും ക​ഴി​ഞ്ഞാ​ല്‍ വ​രു​മാ​നം വ​ട്ട​പ്പൂ​ജ്യ​മാ​ണെ​ന്ന് ബ​സുട​മ​ക​ള്‍ ചൂ​ണ്ടി​ക്കാ​ട്ടി. ഇ​തി​നു പു​റ​മേ നി​കു​തി, ഇ-​ചെ​ല്ലാ​ന്‍, വി​വി​ധ​യി​ന​ങ്ങ​ളി​ല്‍ അ​ട​യ്‌​ക്കേ​ണ്ടി വ​രു​ന്ന പി​ഴ എ​ന്നി​വ​യെ​ല്ലാം ക​ണ​ക്കി​ലെ​ടു​ത്താ​ല്‍ സ്വ​കാ​ര്യബ​സ് വ്യ​വ​സാ​യം ന​ഷ്ട​ത്തി​ലേ​ക്കാ​ണ് കൂ​പ്പുകു​ത്തു​ന്ന​ത്.

റി​ലേ സ​ത്യ​ഗ്ര​ഹ സ​മ​രംതു​ട​ങ്ങു​ന്നു
പ്ര​തി​സ​ന്ധി പ​രി​ഹ​രി​ക്ക​ണ​മെ​ന്നാ​വ​ശ്യ​പ്പെ​ട്ട് ബ​സു​ട​മ​ക​ള്‍ സെ​ക്ര​ട്ടേ​റി​യ​റ്റി​ന് മു​ന്നി​ല്‍ 20 മു​ത​ല്‍ റി​ലേ സ​ത്യ​ഗ്ര​ഹസ​മ​രം ആ​രം​ഭി​ക്കും. സ​മ​ര​ത്തെത്തു​ട​ര്‍​ന്നെ​ങ്കി​ലും വി​ഷ​യ​ത്തി​ല്‍ അ​ടി​യ​ന്ത​ര​മാ​യി സ​ര്‍​ക്കാ​ര്‍ ഇ​ട​പെ​ട​ല്‍ ഉ​ണ്ടാ​കു​മെ​ന്നാ​ണ് ഉ​ട​മ​ക​ളുടെ പ്ര​തീ​ക്ഷ. സ്വ​കാ​ര്യബ​സു​ക​ള്‍ സ​ര്‍​ക്കാ​ര്‍ ഏ​റ്റെ​ടു​ത്ത് കി​ലോ​മീ​റ്റ​റി​ന് 55 രൂ​പ നി​ര​ക്കി​ല്‍ ന​ല്‍​കി​യാ​ല്‍ വാ​ഹ​ന​ങ്ങ​ള്‍ വി​ട്ടുന​ല്‍​കാ​ന്‍ ത​യാ​റാ​ണെ​ന്നും ഇ​വ​ര്‍ പ​റ​യു​ന്നു.

Tags : Nattuvishesham District news