5

തൃ​ക്ക​രി​പ്പൂ​ർ: പ​തി​റ്റാ​ണ്ടു​ക​ളു​ടെ കാ​ത്തി​രി​പ്പി​ന് ഒ​ടു​വി​ൽ ബീ​രി​ച്ചേ​രി മേ​ൽ​പാ​ലം നി​ർ​മാ​ണ​ത്തി​ന്‍റെ മു​ന്നോ​ടി​യാ​യി അ​തി​രു​ക​ല്ലി​ട​ൽ തു​ട​ങ്ങി. തൃ​ക്ക​രി​പ്പൂ​ർ -പ​യ്യ​ന്നൂ​ർ പ്ര​ധാ​ന​പാ​ത​യി​ലെ 265 ന​മ്പ​ർ ബീ​രി​ച്ചേ​രി റെ​യി​ൽ​വേ ലെ​വ​ൽ ക്രോ​സി​ൽ റോ​ഡ്‌​സ് ആ​ൻ​ഡ് ബ്രി​ഡ്ജ​സ് കോ​ർ​പ​റേ​ഷ​ൻ സ​മ​ർ​പ്പി​ച്ച ജ​ന​റ​ൽ അ​റേ​ഞ്ച്‌​ഡ് ഡ്രോ​യിം​ഗി​ന് അ​ടു​ത്തി​ടെ റെ​യി​ൽ​വേ അം​ഗീ​കാ​രം ന​ൽ​കി​യ​തോ​ടെ​യാ​ണ് ന​ട​പ​ടി​ക​ൾ​ക്ക് തു​ട​ക്ക​മി​ട്ട​ത്.

ആ​ർ​ബി​ഡി​സി​കെ​യ്ക്ക് നി​ർ​മാ​ണ​ചു​മ​ത​ല​യു​ള്ള പ്ര​വ​ർത്ത​ന​ങ്ങ​ൾ​ക്ക് കി​റ്റ്കോ നേ​തൃ​ത്വ​ത്തി​ലാ​ണ് അ​തി​രു​ക​ല്ലി​ട​ൽ ആ​രം​ഭി​ച്ച​ത്. മു​നി​വ്വി​റു​ൽ അ​റ​ബി​ക് കോ​ള​ജ് പ​രി​സ​ര​ത്ത് നി​ന്നാ​ണ് ഇ​ന്ന​ലെ രാ​വി​ലെ അ​തി​രു​ക​ല്ലി​ടു​ന്ന​തി​ന് തു​ട​ക്ക​മി​ട്ട​ത്. മൂ​ന്നു ദി​വ​സ​ത്തി​ന​കം പൂ​ർ​ത്തീ​ക​രി​ക്കു​മെ​ന്ന് അ​ധി​കൃ​ത​ർ പ​റ​ഞ്ഞു. 439.46 മീ​റ്റ​റാ​ണ് ബീ​രി​ച്ചേ​രി മേ​ൽ​പാ​ല​ത്തി​ന്‍റെ ആ​കെ ദൈ​ർ​ഘ്യം. റെ​യി​ൽ​വേ ഗേ​റ്റി​ന് തെ​ക്കു​ഭാ​ഗ​ത്ത് 208 മീ​റ്റ​റും വ​ട​ക്കു ഭാ​ഗ​ത്ത് 185 മീ​റ്റ​റു​മാ​ണ് നീ​ളം. 10.5 മീ​റ്റ​റാ​ണ് പാ​ല​ത്തി​ന്‍റെ വീ​തി. ഇ​തി​ൽ 7.5 മീ​റ്റ​ർ ക്യാ​ര​ജ് വേ​യും ഇ​രു​വ​ശ​ങ്ങ​ളി​ലു​മാ​യി ന​ട​പ്പാ​ത​യും ഉ​ൾ​പ്പെ​ടു​ന്നു. അ​തി​രു​ക​ല്ലി​ട​ൽ പൂ​ർ​ത്തി​യാ​ക്കു​ന്ന​തോ​ടെ ഇ​രു​ഭാ​ഗ​ങ്ങ​ളി​ൽ നി​ന്നും ഭൂ​മി ഏ​റ്റെ​ടു​ക്കു​ന്ന ന​ട​പ​ടി ആ​രം​ഭി​ക്കും. സ്വ​കാ​ര്യ വ്യ​ക്തി​ക​ളി​ൽ നി​ന്നാ​യി ഏ​താ​ണ്ട് ഒ​രേ​ക്ക​ർ ഭൂ​മി​യാ​ണ് ഏ​റ്റെ​ടു​ക്കേ​ണ്ട​ത്.

ഈ ​ഭൂ​മി​യി​ൽ ഉ​ൾ​പ്പെ​ടു​ന്ന കെ​ട്ടി​ട​ങ്ങ​ളും പൊ​ളി​ച്ചു നീ​ക്കേ​ണ്ട​തു​ണ്ട്. 28.23 കോ​ടി രൂ​പ​യാ​ണ് പാ​ലം നി​ർ​മാ​ണ​ത്തി​ന്‍റെ എ​സ്‌​റ്റി​മേ​റ്റ് തു​ക. ഏ​റ്റെ​ടു​ക്കു​ന്ന ഭൂ ​ഉ​ട​മ​ക​ൾ​ക്ക് ന​ൽ​കേ​ണ്ടു​ന്ന ന​ഷ്ട​പ​രി​ഹാ​ര തു​ക കൂ​ടി ഉ​ൾ​പ്പെ​ടു​ത്തി​യാ​ണി​ത്.നാ​ലു​കോ​ടി രൂ​പ​യി​ൽ​പ​രം ന​ഷ്ട​പ​രി​ഹാ​ര തു​ക​യാ​യി നീ​ക്കി​യി​ട്ടു​ണ്ട്. തൃ​ക്ക​രി​പ്പൂ​ർ ടൗ​ണി​ലും സ​മീ​പ റോ​ഡു​ക​ളി​ലും രൂ​ക്ഷ​മാ​യ ഗ​താ​ഗ​ത​ക്കു​രു​ക്കി​ന് കാ​ര​ണ​മാ​കു​ക​യും ജ​ന​ജീ​വി​ത​വും വ്യാ​പാ​ര രം​ഗ​വും ദു​രി ത​പൂ​ർ​ണ​മാ​ക്കു​ക​യും ചെ​യ്ത തൃ​ക്ക​രി​പ്പൂ​രി​ലെ റെ​യി​ൽ​വേ ഗേ​റ്റു​ക​ളി​ൽ മേ​ൽ​പാ​ല​ങ്ങ​ൾ യാ​ഥാ​ർ​ഥ്യ​മാ​യാ​ൽ തൃ​ക്ക​രി​പ്പൂ​രി​നു മാ​ത്ര​മ​ല്ല ജി​ല്ല​യി​ലെ പ്ര​ധാ​ന വി​നോ​ദ​സ​ഞ്ചാ​ര​കേ​ന്ദ്ര​മാ​യ വ​ലി​യ​പ​റ​മ്പി​നും പ​ട​ന്ന ഉ​ൾ​പ്പെ​ടെ​യു​ള്ള തൊ​ട്ട​ടു​ത്ത പ​ഞ്ചാ​യ​ത്തു​ക​ൾ​ക്കും ഗ​താ​ഗ​ത മേ​ഖ​ല​യി​ൽ നേ​ട്ട​മു​ണ്ടാ​കും.

Tags : railway overbridge NattuVishasham DistrictNews