സിപിആർ ബോധവത്കരണ പരിശീലന പരിപാടി ഡെപ്യൂട്ടി സൂപ്രണ്ട് ഓഫ് പൊലിസ് കെ.പി. വിനോദ് ഉദ്ഘാടനം ചെയ്യുന്നു.
അടൂർ: ലോക ഹൃദയദിനത്തോടനുബന്ധിച്ച് അടൂർ ലൈഫ് ലൈൻ മൾട്ടിസ്പെഷ്യാലിറ്റി ആശുപത്രിയുടെ ആഭിമുഖ്യത്തിൽ സിപിആർ ബോധവത്കരണവും പരിശീലനവും സംഘടിപ്പിച്ചു.
ഹൃദയസ്തംഭനം സംഭവിക്കുന്ന അടിയന്തര സാഹചര്യങ്ങളിൽ ജീവൻ രക്ഷിക്കുന്നതിനുള്ള പ്രഥമ ശുശ്രൂഷയെക്കുറിച്ചായിരുന്നു പരിശീലനം.
പരിപാടി അടൂർ ഡെപ്യൂട്ടി സൂപ്രണ്ട് ഓഫ് പൊലിസ് കെ.പി. വിനോദ് ഉദ്ഘാടനം ചെയ്തു. ലൈഫ് ലൈൻ മൾട്ടിസ്പെഷ്യാലിറ്റി ആശുപത്രി ചെയർമാൻ ഡോ. എസ്. പാപ്പച്ചൻ അധ്യക്ഷത വഹിച്ചു.
കാർഡിയോളജി വിഭാഗം മേധാവി ഡോ. സാജൻ അഹമ്മദ്, കാർഡിയോളജിസ്റ്റ് ഡോ. സന്ദീപ് ജോർജ്, മെഡിക്കൽ ഡയറക്ടർ ഡോ. മാത്യൂസ് ജോൺ, പീഡിയാട്രിക് കാർഡിയോളജിസ്റ്റ് ഡോ. സുഫിഖിർ അഹമ്മദ്, ചീഫ് എക്സിക്യൂട്ടീവ് ഓഫിസർ ഡോ. ജോർജ് ചാക്കച്ചേരി എന്നിവർ പ്രസംഗിച്ചു.
ഡോ. അനൂപിന്റെ നേതൃത്വത്തിൽ സിപിആർ പരിശീലനവും തത്സമയ പ്രദർശനവും നടത്തി.