പുന്നപ്ര പറവൂർ അടിപ്പാതയുടെ മുകളിലെ വിള്ളലിൽ അറ്റകുറ്റപ്പണി നടത്തുന്നു.
അമ്പലപ്പുഴ: ദേശിയപാത പുന്നപ്ര പറവൂർ ജംഗ്ഷനിലെ അടിപ്പാതയ്ക്കു മുകളിലെ വിള്ളലിൽ, അറ്റകുറ്റപ്പണി നടത്തി. നേരത്തെ വിള്ളൽ വീണ ഭാഗം ജെസിബി ഉപയോഗിച്ചു നീക്കം ചെയ്തതിനുശേഷം ഇരുമ്പുകമ്പികൾ നിരത്തി കോൺക്രീറ്റ് ചെയ്യുകയായിരുന്നു. ആഴ്ചകൾക്കു മുമ്പാണ് നിർമാണം പൂർത്തിയാകാറായ അടിപ്പാതയുടെ മുകളിൽ തെക്കും വടക്കും ഭാഗങ്ങളിൽ ഏകദേശം 150 മീറ്ററിൽ വിള്ളൽ രൂപപ്പെട്ടത്.
വടക്കുഭാഗത്തെ വിള്ളലിൽ ടാറിംഗ് ചെയ്തെങ്കിലും തെക്ക് ഭാഗം സിമന്റ് പൊടിയും മണ്ണും വിതറുക മാത്രമാണ് ചെയ്തത്. ഇതു നാട്ടുകാരുടെ ശ്രദ്ധയിൽപ്പെട്ടതിനെത്തുടർന്നു പ്രതിഷേധം കടുത്തു മാധ്യമങ്ങളിലും വാർത്തയായി. തുടർന്നാണ് യുദ്ധകാലാടിസ്ഥാനത്തിൽ ദേശീയപാതാ വിഭാഗത്തിന്റെ നിർമാണജോലികൾ ആരംഭിച്ചത്. ഇവിടെ മേൽപ്പാലത്തിൽ കൂടിയുള്ള ഗതാഗതം നിയന്ത്രിച്ചിരിക്കുകയാണ്
Tags : Nattuvishesham District news