4

ചെ​റു​തോ​ണി: പൈ​പ്പ് പൊ​ട്ടി വെ​ള്ളം ന​ഷ്ട​പ്പെ​ടു​ന്ന​തി​നാ​ൽ ആ​ഴ്ച​ക​ളാ​യി കു​ടി​വെ​ള്ളം ല​ഭി​ക്കു​ന്നി​ല്ലെ​ന്ന് പ​രാ​തി. ജ​ല​വി​ത​ര​ണ അ​ഥോ​റി​ട്ടി​യു​ടെ മൂ​ക്കി​ന് താ​ഴെ​യാ​ണ് പൈ​പ്പ് പൊ​ട്ടിയൊഴു​കു​ന്ന​ത്. വാ​ഴ​ത്തോ​പ്പ് പ​ഞ്ചാ​യ​ത്തി​ൽ ഭൂ​മി​യാം​കു​ളം - അ​ഗ​സ്ത്യ​പു​ര​ത്താ​ണ് പൈ​പ്പ് പൊ​ട്ടി കു​ടി​വെ​ള്ളം പാ​ഴാ​കു​ന്ന​ത്. കു​ടി​വെ​ള്ള​ക്ഷാ​മം രൂ​ക്ഷ​മാ​യ മ​ല​മു​ക​ളി​ലു​ള്ള കു​ടും​ബ​ങ്ങ​ൾ​ക്ക് ആ​ശ്ര​യ​മാ​യി​രു​ന്ന കു​ടി​വെ​ള്ള സം​വി​ധാ​ന​മാ​ണ് ഇ​തോ​ടെ താ​റു​മാ​റാ​യ​ത്.

റോ​ഡ​രികി​ൽ സ്ഥാ​പി​ച്ചി​രി​ക്കു​ന്ന പൈ​പ്പി​ന്‍റെ ജോ​യി​ന്‍റ് ഇ​ള​കി​മാ​റി​യാ​ണ് വെ​ള്ളം ന​ഷ്ട​മാ​കു​ന്ന​ത്. വൈ​ദ്യു​തി ക​ണ​ക്‌ഷ​ൻ ഉ​ൾ​പ്പെ​ടെ എ​ന്തു സ​ഹാ​യ​വും ചെ​യ്തു​ത​രാ​മെ​ന്ന് സ​മീ​പവാ​സി​ക​ൾ അ​റി​യി​ച്ചെ​ങ്കി​ലും ക​രാ​റു​കാ​ര​ൻ പൈ​പ്പ് ന​ന്നാ​ക്കാ​ൻ ത​യാ​റാ​കു​ന്നി​ല്ലെ​ന്നാ​ണ് നാ​ട്ടു​കാ​രു​ടെ ആ​രോ​പ​ണം. ഇ​വി​ടെ വെ​ള്ളം പാ​ഴാ​കു​ന്ന​തി​നാ​ൽ മു​ക​ൾ​ഭാ​ഗ​ത്തു​ള്ള വീ​ടു​ക​ളി​ലേ​ക്ക് വെ​ള്ള​മെ​ത്തു​ന്നി​ല്ല. ആ​ഴ്ച​ക​ളാ​യി പ്ര​ദേ​ശ​വാ​സി​ക​ൾ ലി​റ്റ​റി​ന് 50 പൈ​സ ചെ​ല​വാ​ക്കി​യാ​ണ് വീ​ട്ടാ​വ​ശ്യ​ങ്ങ​ൾ​ക്കാ​യി വെ​ള്ളം എ​ത്തി​ക്കു​ന്ന​ത്.

വാ​ഴ​ത്തോ​പ്പ് പ​ഞ്ചാ​യ​ത്തി​ൽ നി​ര​വ​ധി സ്ഥ​ല​ങ്ങ​ളി​ൽ പൈ​പ്പ് പൊ​ട്ടി കു​ടി​വെ​ള​ളം ന​ഷ്ട​പ്പെ​ടു​ന്നു​ണ്ട്. ക​രാ​റു​കാ​ർ​ക്ക് ലാ​ഭ​മു​ണ്ടാ​ക്കാ​ൻ ജ​ലവി​ത​ര​ണ അ​ഥോ​റി​റ്റി ഉ​ദ്യോ​ഗ​സ്ഥ​ർ കൂ​ട്ടു​നി​ൽ​ക്കു​ന്ന​താ​ണ് ചെ​റി​യ തോ​തി​ലു​ള്ള കേ​ടു​പാ​ടു​ക​ൾ പ​രി​ഹ​രി​ക്കാ​തെ കൂ​ടു​ത​ൽ വ​ഷ​ളാ​കുംവ​രെ നീ​ട്ടാ​ൻ കാ​ര​ണ​മെ​ന്ന് നാ​ട്ടു​കാ​ർ ആ​രോ​പി​ച്ചു.

അ​ടി​യ​ന്ത​ര​മാ​യി അ​ഗ​സ്ത്യ​പു​ര​ത്തെ കു​ടി​വെ​ള്ള വി​ത​ര​ണം പു​നഃ​സ്ഥാ​പി​ച്ചി​ല്ലെ​ങ്കി​ൽ പൈ​നാ​വ് ജ​ല അ​ഥോ​റി​റ്റി ഓ​ഫീ​സി​നു മു​ന്നി​ൽ സ​മ​ര​പ​രി​പാ​ടി​ക​ൾ സം​ഘ​ടി​പ്പി​ക്കു​മെ​ന്ന് പ്ര​ദേ​ശ​വാ​സി​ക​ൾ മു​ന്ന​റി​യി​പ്പ് ന​ൽ​കി.

Tags : Drinking water nattuvishesham local news