8

ചെ​ങ്ങ​ന്നൂ​ർ: മ​ക​ളു​ടെ വി​വാ​ഹം ക​ഴി​ഞ്ഞ് ര​ണ്ടാ​ഴ്ച തി​ക​യും മു​ൻ​പ് കു​ടും​ബ​നാ​ഥ​നെ കാ​റി​ടി​ച്ചുവീ​ഴ്ത്തി നി​ർ​ത്താ​തെ പോ​യ സം​ഭ​വ​ത്തി​ൽ പോ​ലീ​സ് അ​ന്വേ​ഷ​ണം അ​ട്ടി​മ​റി​ക്കു​ന്ന​താ​യി പ​രാ​തി. പു​ലി​യൂ​ർ പ​ഞ്ചാ​യ​ത്ത് പ​തി​നൊ​ന്നാം വാ​ർ​ഡി​ൽ തോ​ന​ക്കാ​ട് ആ​ദി​ത്യ ഭ​വ​ന​ത്തി​ൽ അ​നി​ൽകു​മാ​റാ​ണ് (45) അ​പ​ക​ട​ത്തി​ൽ ഗു​രു​ത​ര​മാ​യി പ​രി​ക്കേ​റ്റ് ജീ​വി​തം വ​ഴി​മു​ട്ടി​യ അ​വ​സ്ഥ​യി​ൽ ക​ഴി​യു​ന്ന​ത്. ക​ഴി​ഞ്ഞ മേ​യ് പ​തി​നൊ​ന്നി​ന് രാ​ത്രി ജോ​ലി ക​ഴി​ഞ്ഞ് മ​ട​ങ്ങ​വേ മാ​വേ​ലി​ക്ക​ര ത​ട്ടാ​ര​മ്പ​ലം ജം​ഗ്ഷ​നി​ൽ വ​ച്ചാ​യി​രു​ന്നു അ​പ​ക​ടം.

കെ​എ​സ്ഇ​ബി താ​ത്കാ​ലി​ക ജീ​വ​ന​ക്കാ​ര​നാ​യ അ​നി​ൽകു​മാ​റി​നെ ഇ​ടി​ച്ചി​ട്ടശേ​ഷം സ്വി​ഫ്റ്റ് കാ​ർ നി​ർ​ത്താ​തെ പോ​കു​ക​യാ​യി​രു​ന്നു. ചോ​ര വാ​ർ​ന്നുകി​ട​ന്ന ഇ​ദ്ദേ​ഹ​ത്തെ ഹ​രി​പ്പാ​ട്ടു​നി​ന്നും വ​ന്ന ആം​ബു​ല​ൻ​സ് ജീ​വ​ന​ക്കാ​രാ​ണ് മാ​വേ​ലി​ക്ക​ര ജ​ന​റ​ൽ ആ​ശു​പ​ത്രി​യി​ലും തു​ട​ർ​ന്ന് കോ​ട്ട​യം മെ​ഡി​ക്ക​ൽ കോ​ള​ജി​ലു​മെ​ത്തി​ച്ച​ത്.

തു​ട​ർ​ചി​കി​ത്സ പ്ര​തി​സ​ന്ധി​യി​ൽ

ഗു​രു​ത​ര​മാ​യി പ​രി​ക്കേ​റ്റ അ​നി​ൽകു​മാ​റി​ന്‍റെ കാ​ലി​ലെ ഒ​രു വി​ര​ൽ മു​റി​ച്ചു​മാ​റ്റി. മ​റ്റ് മൂ​ന്നു വി​ര​ലു​ക​ളി​ലെ അ​സ്ഥി​ക​ൾ ത​ക​ർ​ന്ന നി​ല​യി​ൽ ക​മ്പി​യി​ട്ടി​രി​ക്കു​ക​യാ​ണ്. പ​ല്ലു​ക​ൾ കൊ​ഴി​യു​ക​യും മു​ഖ​ത്ത് ആ​ഴ​ത്തി​ൽ പ​രി​ക്കേ​ൽ​ക്കു​ക​യും ചെ​യ്ത ഇ​ദ്ദേ​ഹ​ത്തി​ന് ഇ​നി​യും പ്ലാ​സ്റ്റി​ക് സ​ർ​ജ​റി ഉ​ൾ​പ്പെ​ടെ​യു​ള്ള തു​ട​ർ​ചി​കി​ത്സ​ക​ൾ ആ​വ​ശ്യ​മാ​ണ്.

ഇ​ൻ​ഷു​റ​ൻ​സ് പ​രി​ര​ക്ഷ ഇ​ല്ലാ​ത്ത​തി​നാ​ൽ ഭീ​മ​മാ​യ തു​ക​യ്ക്കു​ള്ള മ​രു​ന്നു​ക​ൾ പൂ​ർ​ണ​മാ​യും പു​റ​ത്തു​നി​ന്നാ​ണ് വാ​ങ്ങു​ന്ന​ത്. ദി​വ​സേ​ന​യു​ള്ള ഡ്ര​സിംഗി​നാ​യി കി​ലോ​മീ​റ്റ​റു​ക​ൾ സ​ഞ്ച​രി​ച്ച് ആ​ശു​പ​ത്രി​യി​ൽ പോ​കേ​ണ്ട അ​വ​സ്ഥ​യി​ലാ​ണി​പ്പോ​ൾ ഈ ​കു​ടും​ബം.

ജ​പ്തി ഭീ​തി​യി​ൽ കു​ടും​ബം

ക​ഴി​ഞ്ഞ ഏ​പ്രി​ൽ ഇ​രു​പ​ത്തി​യാ​റി​നാ​യി​രു​ന്നു അ​നി​ൽകു​മാ​റി​ന്‍റെ മൂ​ത്ത​മ​ക​ളു​ടെ വി​വാ​ഹം. ഇ​തി​നാ​യി വി​വി​ധ ബാ​ങ്കു​ക​ളി​ൽനി​ന്നും മൈ​ക്രോഫി​നാ​ൻ​സ് സ്ഥാ​പ​ന​ങ്ങ​ളി​ൽനി​ന്നു​മാ​യി ഏ​ഴു ല​ക്ഷ​ത്തോ​ളം രൂ​പ​യാ​ണ് കു​ടും​ബം ക​ട​മെ​ടു​ത്തി​ട്ടു​ള്ള​ത്. ഇ​തി​ന്‍റെ പ്ര​തി​വാ​ര-​പ്ര​തി​മാ​സ തി​രി​ച്ച​ട​വു​ക​ൾ മു​ട​ങ്ങി​യ​തോ​ടെ കു​ടും​ബം ക​ടു​ത്ത മാ​ന​സി​ക സ​മ്മ​ർ​ദ​ത്തി​ലാ​ണ്. ആ​യു​ർ​വേ​ദ ന​ഴ്സാ​യി ജോ​ലി ല​ഭി​ച്ച ഇ​ള​യ മ​ക​ൾ​ക്ക് അ​ച്ഛ​ന്‍റെ അ​പ​ക​ട​ത്തെ ത്തുട​ർ​ന്ന് ജോ​ലി​ക്ക് പ്ര​വേ​ശി​ക്കാ​നും ക​ഴി​ഞ്ഞി​ട്ടി​ല്ല.

വ​രു​മാ​നം പൂ​ർ​ണ​മാ​യി നി​ല​ച്ച​തോ​ടെ വ​രും​ദി​വ​സ​ങ്ങ​ളി​ൽ എ​ങ്ങ​നെ മു​ന്നോ​ട്ടുപോ​കു​മെ​ന്ന​റി​യാ​തെ പ​ക​ച്ചു​നി​ൽ​ക്കു​ക​യാ​ണ് അ​നി​ലി​ന്‍റെ ഭാ​ര്യ നി​ഷ​യും മ​ക്ക​ളും.

ഉ​ന്ന​ത ഉ​ദ്യോ​ഗ​സ്ഥ​ർ​ക്കു പ​രാ​തി ന​ൽ​കി​യി​ട്ടും ന​ട​പ​ടി​യി​ല്ല

അ​പ​ക​ടം ന​ട​ന്ന് ആ​ഴ്ച​ക​ൾ പി​ന്നി​ട്ടി​ട്ടും പ്ര​തി​ക​ളെ ക​ണ്ടെ​ത്താ​ൻ മാ​വേ​ലി​ക്ക​ര പോ​ലീ​സ് ത​യാറാ​കു​ന്നി​ല്ലെ​ന്നാ​ണ് കു​ടും​ബ​ത്തി​ന്‍റെ പ്ര​ധാ​ന ആ​ക്ഷേ​പം. സ്റ്റേ​ഷ​നി​ൽ അ​ന്വേ​ഷി​ച്ചു​ചെ​ല്ലു​മ്പോ​ൾ ഒ​ഴു​ക്ക​ൻ മ​റു​പ​ടി​ക​ൾ ന​ൽ​കി മ​ട​ക്കു​ക​യാ​ണ് ചെ​യ്യു​ന്ന​ത്. ത​ട്ടാ​ര​മ്പ​ലം ജം​ഗ്ഷ​നി​ലെ സി​സി​ടി​വി ദൃ​ശ്യ​ങ്ങ​ൾ കൃ​ത്യ​മാ​യി പ​രി​ശോ​ധി​ച്ചാ​ൽ പ്ര​തി​ക​ളെ ക​ണ്ടെ​ത്താ​മെ​ന്നി​രി​ക്കേ പോ​ലീ​സ് കാ​ണി​ക്കു​ന്ന മെ​ല്ലെ​പ്പോ​ക്ക് ന​യം സം​ശ​യ​ങ്ങ​ൾ​ക്കി​ട​യാ​ക്കു​ന്നു​ണ്ട​ന്ന് ആ​ക്ഷേ​പ​മു​ണ്ട്.

അ​പ​ക​ട​മു​ണ്ടാ​ക്കി​യ വാ​ഹ​നം എ​ത്ര​യും വേ​ഗം ക​ണ്ടെ​ത്തി കു​റ്റ​ക്കാ​ർ​ക്കെ​തി​രേ ന​ട​പ​ടി​യെ​ടു​ക്ക​ണ​മെ​ന്നും ഈ ​കു​ടും​ബ​ത്തെ ജ​പ്തി ന​ട​പ​ടി​ക​ളി​ൽനി​ന്ന് ഒ​ഴി​വാ​ക്കാ​ൻ അ​ധി​കാ​രി​ക​ൾ ഇ​ട​പെ​ട​ണ​മെ​ന്നു​മാ​ണ് നാ​ട്ടു​കാ​രു​ടെ ആ​വ​ശ്യം.

സ്റ്റേ​ഷ​നി​ൽ ചെ​ന്ന​പ്പോ​ൾ അ​ന്വേ​ഷി​ക്കു​ന്നു​ണ്ടെ​ന്നാ​ണ് പോ​ലീ​സ് പ​റ​ഞ്ഞ​ത്. എ​ന്നാ​ൽ, പോ​ലീ​സ് ഭാ​ഗ​ത്തുനി​ന്ന് ക്രി​യാ​ത്മ​ക​മാ​യ ന​ട​പ​ടി​ക​ൾ ഉ​ണ്ടാ​യി​ട്ടു​ള്ള​താ​യി അ​റി​വി​ല്ല. അഭിഭാഷകന്‍റെ നി​ർ​ദേ​ശ​പ്ര​കാ​രം ആ​ല​പ്പു​ഴ ജി​ല്ലാ പോ​ലീ​സ് മേ​ധാ​വി​ക്കും ചെ​ങ്ങ​ന്നൂ​ർ ഡി​വൈ​എ​സ്പി​ക്കും നേ​രി​ട്ട് പ​രാ​തി ന​ൽ​കി.

അ​വി​ടെ​യു​ള്ള ഉ​ദ്യോ​ഗ​സ്ഥ​ർ മാ​വേ​ലി​ക്ക​ര സ്റ്റേ​ഷ​നി​ലേ​ക്ക് വി​ളി​ച്ചു ചോ​ദി​ച്ച​പ്പോ​ഴും അ​ന്വേ​ഷി​ക്കു​ന്നു​ണ്ടെ​ന്ന മ​റു​പ​ടി​യാ​ണ് ന​ൽ​കി​യ​ത്. എ​ന്നാ​ൽ, ഇ​ന്നു​വ​രെ ഞ​ങ്ങ​ളെ ബ​ന്ധ​പ്പെ​ടാ​നോ വ​ണ്ടി ക​ണ്ടെ​ത്താ​നോ പോ​ലീ​സ് ത​യാ​റാ​യി​ട്ടി​ല്ല.ഞ​ങ്ങ​ൾ​ക്ക് സ്വാ​ധീ​ന​മി​ല്ലാ​ത്ത​തു​കൊ​ണ്ടാ​കാം ഈ ​അ​വ​ഗ​ണ​ന- അ​നി​ൽ കു​മാ​റി​ന്‍റെ ഭാ​ര്യ നി​ഷ.

Tags : nattu vishesham finger was amputated