8

കോ​ന്നി: ക​ന​ത്ത മ​ഴ​യി​ലും കാ​റ്റി​ലും ത​ണ്ണി​ത്തോ​ട്ടി​ൽ സ്കൂ​ൾ കെ​ട്ടി​ട​ത്തി​ന് വ​ൻ നാ​ശ​ന​ഷ്ടം. ത​ണ്ണി​ത്തോ​ട് സെ​ന്‍റ് ബെ​ന​ഡി​ക്ട് എം​എ​സ് സി ​ഹൈ​സ്കൂ​ളി​ന്‍റെ ര​ണ്ടാം​നി​ല കെ​ട്ടി​ട​ത്തി​ന്‍റെ മേ​ൽ​ക്കൂ​ര​യാ​ണ് പൂ​ർ​ണ​മാ​യും ഇ​ള​കി​മാ​റി സ​മീ​പ​ത്തെ പാ​ണ​ത​ല​യ്ക്ക​ൽ വീ​ടി​ന് മു​ക​ളി​ലേ​ക്കു പ​തി​ച്ച​ത്. മു​ക​ളി​ൽ പ​തി​ച്ച​ത്. ഞാ​യ​റാ​ഴ്ച​യാ​യ​തി​നാ​ൽ സ്കൂ​ളി​ന് അ​വ​ധി​യാ​യി​രു​ന്ന​തു​കൊ​ണ്ട് അ​പ​ക​ട​ങ്ങ​ൾ ഒ​ഴി​വാ​യി.

ഇ​ന്ന​ലെ ഉ​ച്ച​യ്ക്ക് 12.30 ഓ​ടെ​യാ​യി​രു​ന്നു നാ​ടി​നെ ന​ടു​ക്കി​യ സം​ഭ​വം. പെ​ട്ടെ​ന്നു​ണ്ടാ​യ ശ​ക്ത​മാ​യ കാ​റ്റി​ൽ വ​ലി​യ ശ​ബ്ദ​ത്തോ​ടെ കെ​ട്ടി​ട​ത്തി​ന്റെ മേ​ൽ​ക്കൂ​ര​യാ​കെ ഇ​ള​കി മാ​റു​ക​യാ​യി​രു​ന്നു. ഹൈ​സ്കൂ​ൾ വി​ഭാ​ഗം ക്ലാ​സ് മു​റി​ക​ൾ പ്ര​വ​ർ​ത്തി​ക്കു​ന്ന പ്ര​ധാ​ന കെ​ട്ടി​ട​ത്തി​ന്‍റെ മേ​ൽ​ക്കൂ​ര​യാ​ണ് കാ​റ്റി​ൽ പ​റ​ന്നു​പോ​യ​ത്. മേ​ൽ​ക്കൂ​ര​യി​ലെ ഷീ​റ്റു​ക​ളും ഇ​രു​മ്പ് തൂ​ണു​ക​ളും ഉ​ൾ​പ്പെ​ടെ​യു​ള്ള​വ സ​മീ​പ​ത്തെ പ​റ​മ്പു​ക​ളി​ലേ​ക്കും വ​ഴി​ക​ളി​ലേ​ക്കും തെ​റി​ച്ചു​വീ​ണു.

ഷീ​റ്റു​ക​ൾ സ​മീ​പ​ത്തെ വീ​ടി​ന്‍റെ മേ​ൽ​ക്കൂ​ര​യി​ലും പ​തി​ച്ചു. മേ​ൽ​ക്കൂ​ര വീ​ണ വീ​ട്ടി​ൽ ആ​ൾ​താ​മ​സം ഇ​ല്ലാ​തി​രു​ന്ന​തും തു​ണ​യാ​യി. ഈ ​വീ​ടി​നും കേ​ടു​പാ​ടു​ക​ൾ സം​ഭ​വി​ച്ചി​ട്ടു​ണ്ട്. ക​ന​ത്ത മ​ഴ​യ്ക്കൊ​പ്പം അ​തി​ശ​ക്ത​മാ​യ കാ​റ്റും വീ​ശി​യ​ടി​ച്ച​താ​ണ് സ്കൂ​ൾ കെ​ട്ടി​ട​ത്തി​ന് കേ​ടു​പാ​ടു​ക​ൾ വ​രു​ത്തി​യ​ത്.

സ്കൂ​ളി​നു വ​ൻ നാ​ശ​ന​ഷ്ടം

നൂ​റു​ക​ണ​ക്കി​ന് കു​ട്ടി​ക​ൾ പ​ഠി​ക്കു​ന്ന ഹൈ​സ്കൂ​ളി​ൽ ഇ​ന്ന​ലെ അ​വ​ധി​യാ​യി​രു​ന്ന​തി​നാ​ൽ ഒ​ഴി​വാ​യ​ത് വ​ൻ ദു​ര​ന്ത​മാ​ണ്. ഞാ​യ​റാ​ഴ്ച​യാ​യ​തി​നാ​ൽ ക്ലാ​സ് മു​റി​ക​ളി​ലോ സ്കൂ​ൾ പ​രി​സ​ര​ത്തോ ആ​രും ഉ​ണ്ടാ​യി​രു​ന്നി​ല്ല. കെ​ട്ടി​ട​ത്തി​ന്‍റെ മേ​ൽ​ക്കൂ​ര പൂ​ർ​ണ​മാ​യി ത​ക​ർ​ന്ന​തി​നു പു​റ​മേ, ക്ലാ​സ് മു​റി​ക​ളി​ലേ​ക്ക് മ​ഴ​വെ​ള്ളം കു​ത്തി​യൊ​ലി​ച്ചി​റ​ങ്ങി കം​പ്യൂ​ട്ട​റു​ക​ൾ, ഫ​ർ​ണി​ച്ച​റു​ക​ൾ, പാ​ഠ​പു​സ്ത​ക​ങ്ങ​ൾ, മ​റ്റ് രേ​ഖ​ക​ൾ എ​ന്നി​വ​യ്ക്കും നാ​ശ​ന​ഷ്ടം സം​ഭ​വി​ച്ചി​ട്ടു​ണ്ട്. ല​ക്ഷ​ക്ക​ണ​ക്കി​ന് രൂ​പ​യു​ടെ ന​ഷ്ട​മാ​ണ് പ്രാ​ഥ​മി​ക​മാ​യി ക​ണ​ക്കാ​ക്കു​ന്ന​ത്.

സ്കൂ​ൾ കെ​ട്ടി​ട​ത്തി​ന്‍റെ ര​ണ്ടാം നി​ല​യു​ടെ മേ​ൽ​ക്കൂ​ര പൂ​ർ​ണ​മാ​യി ഇ​ള​കി മാ​റു​ക​യാ​യി​രു​ന്നു. അ​ഞ്ച് ക്ലാ​സ് മു​റി​ക​ളാ​ണ് ഇ​വി​ടെ പ്ര​വ​ർ​ത്തി​ച്ചി​രു​ന്ന​ത്. സം​ഭ​വ​മ​റി​ഞ്ഞ് സ്കൂ​ൾ അ​ധി​കൃ​ത​രും പോ​ലീ​സും നാ​ട്ടു​കാ​രും ജ​ന​പ്ര​തി​നി​ധി​ക​ളും സ്ഥ​ല​ത്തെ​ത്തി. നാ​ട്ടു​കാ​രും ര​ക്ഷി​താ​ക്ക​ളും ചേ​ർ​ന്ന് സ്കൂ​ൾ ഉ​പ​ക​ര​ണ​ങ്ങ​ളും പു​സ്ത​ക​ങ്ങ​ളും ഫ​ർ​ണി​ച്ച​റു​ക​ളും സു​ര​ക്ഷി​ത സ്ഥാ​ന​ങ്ങ​ളി​ലേ​ക്ക് നീ​ക്കി. വ​രും ദി​വ​സ​ങ്ങ​ളി​ൽ ക്ലാ​സു​ക​ൾ എ​ങ്ങ​നെ പു​നഃ​ക്ര​മീ​ക​രി​ക്കു​മെ​ന്ന ആ​ശ​ങ്ക​യി​ലാ​ണ് അ​ധ്യാ​പ​ക​രും ര​ക്ഷി​താ​ക്ക​ളും. മേ​ൽ​ക്കൂ​ര പു​ന​ർ​നി​ർ​മി​ക്കാ​ൻ അ​ടി​യ​ന്ത​ര സ​ർ​ക്കാ​ർ സ​ഹാ​യം വേ​ണ​മെ​ന്ന് നാ​ട്ടു​കാ​ർ ആ​വ​ശ്യ​പ്പെ​ട്ടു.

വ​രും ദി​വ​സ​ങ്ങ​ളി​ലും ശ​ക്ത​മാ​യ മ​ഴ​യ്ക്ക് സാ​ധ്യ​ത​യു​ള്ള​തി​നാ​ൽ സ്കൂ​ൾ കെ​ട്ടി​ട​ത്തി​ന്‍റെ സു​ര​ക്ഷ ഉ​റ​പ്പാ​ക്കാ​നു​ള്ള ന​ട​പ​ടി​ക​ൾ അ​ടി​യ​ന്ത​ര​മാ​യി സ്വീ​ക​രി​ക്കു​മെ​ന്ന് സ്കൂ​ൾ മാ​നേ​ജ്മെ​ന്‍റ് അ​റി​യി​ച്ചു.

Tags : Local News Nattuvishesham Pathanamthitta