നാറാണംമൂഴി പഞ്ചായത്തിലെ കുളമ്പുരോഗ പ്രതിരോധ കുത്തിവയ്പ് യജ്ഞം പ്രസിഡന്റ് സുനില് കുമാര് ഉദ്ഘാടനം ചെയ്യുന്നു.
റാന്നി: ദേശീയ ജന്തുരോഗ നിയന്ത്രണ പദ്ധതിയുടെ ഭാഗമായി നാറാണംമൂഴി പഞ്ചായത്തില് കുളമ്പുരോഗ പ്രതിരോധ കുത്തിവയ്പ് യജ്ഞത്തിന് തുടക്കമായി. പഞ്ചായത്ത് പ്രസിഡന്റ് സുനില് കുമാര് ഉദ്ഘാടനം ചെയ്തു.
മൃഗസംരക്ഷണ വകുപ്പിന്റെ നേതൃത്വത്തില് മൃഗാശുപത്രിയില് നിന്നുള്ള വാക്സിനേഷന് സ്ക്വാഡ് ജൂലൈ 13 വരെ ക്ഷീര കര്ഷകരുടെ വീടുകളില് നേരിട്ടെത്തി പശുക്കള്ക്കും എരുമകള്ക്കും പ്രതിരോധ കുത്തിവയ്പ് നല്കും.
പരിപാടിയില് വാര്ഡ് മെംബര് ഏബ്രഹാം വര്ഗീസ്, വെറ്ററിനറി സര്ജന് ഡോ. സൂരജ് വി. ഷാജി, ലൈവ് സ്റ്റോക്ക് ഇന്സ്പെക്ടര്മാരായ ആതിര, പ്രണവ് എന്നിവര് പ്രസംഗിച്ചു.
കന്നുകാലികളുടെ ആരോഗ്യസംരക്ഷണത്തിനും കുളമ്പുരോഗ നിര്മാര്ജനത്തിനും ലക്ഷ്യമിട്ടുള്ള യജ്ഞത്തില് എല്ലാ ക്ഷീരകര്ഷകരും സഹകരിക്കണമെന്ന് അധികൃതര് അറിയിച്ചു.