6

തി​രു​വാ​ങ്കു​ളം: പൊ​തു​മ​രാ​മ​ത്ത് വ​കു​പ്പി​ന് കീ​ഴി​ലു​ള്ള റി​ഫൈ​ന​റി റോ​ഡി​ല്‍ ഇ​രു​മ്പ​നം പു​തി​യ​റോ​ഡ് ക​വ​ല മു​ത​ല്‍ ചി​ത്ര​പ്പു​ഴ പാ​ലം വ​രെ​യു​ള്ള ഭാ​ഗം നാ​ലു​വ​രി​യാ​ക്കാ​ന്‍ ധാ​ര​ണ​യാ​യ​താ​യി മ​ന്ത്രി അ​നൂ​പ് ജേ​ക്ക​ബ് അ​റി​യി​ച്ചു. തി​രു​വാ​ങ്കു​ളം മു​നി​സി​പ്പ​ല്‍ സോ​ണ​ല്‍ ഓ​ഫീ​സി​ൽ മ​ന്ത്രി​യു​ടെ അ​ധ്യ​ക്ഷ​ത​യി​ല്‍ ന​ട​ന്ന ഉ​ന്ന​ത​ത​ല യോ​ഗ​ത്തി​ലാ​ണ് ധാ​ര​ണ​യാ​യ​ത്.

പി​ഡ​ബ്ല്യു​ഡി, റി​ഫൈ​ന​റി ഉ​ദ്യോ​ഗ​സ്ഥ​ര്‍ ഉ​ട​ന്‍ ത​ന്നെ സം​യു​ക്ത പ​രി​ശോ​ധ​ന ന​ട​ത്തി അ​ന്തി​മ തീ​രു​മാ​ന​മെ​ടു​ക്കാ​ന്‍ മ​ന്ത്രി നി​ര്‍​ദേ​ശി​ച്ചു. എ​സ്റ്റി​മേ​റ്റ് തീ​രു​മാ​നി​ച്ച് ഫ​ണ്ട് ന​ല്‍​കു​ന്ന മു​റ​യ്ക്ക് ടെ​ൻഡ​ര്‍ ന​ട​പ​ടി ആ​രം​ഭി​ക്കു​മ​ന്നും മ​ന്ത്രി അ​റി​യി​ച്ചു. അ​തോ​ടൊ​പ്പം, ഇ​രു​മ്പ​നം ജം​ഗ്ഷ​ന് വ​ട​ക്ക് സീ​പോ​ര്‍​ട്ട് - എ​യ​ര്‍​പോ​ര്‍​ട്ട് റോ​ഡി​ലെ വെ​ള്ള​ക്കെ​ട്ട് നി​വാ​ര​ണ പ്ര​വൃ​ത്തി​യും ഇ​തി​ലു​ള്‍​പ്പെ​ടു​ത്താ​ൻ യോ​ഗ​ത്തി​ല്‍ ധാ​ര​ണ​യാ​യി.

നാ​ല് വ​രി​യാ​ക്കു​മ്പോ​ള്‍ മ​ധ്യ​ഭാ​ഗ​ത്ത് വീ​തി​യു​ള്ള മീ​ഡി​യ​നും ഇ​രു​വ​ശ​ത്തേ​യ്ക്കും സ്ട്രീ​റ്റ് ലൈ​റ്റു​ക​ളും കാ​ന​ക​ളും അ​തി​ന് മു​ക​ളി​ല്‍ സ്ലാ​ബ് വി​രി​ച്ചു ഫു​ട്പാ​ത്തും പ​രി​ഗ​ണി​ക്കും. നി​ല​വി​ലു​ള്ള പൈ​പ്പ് കൾ​വെ​ര്‍​ട്ടു​ക​ള്‍ പ​രി​ശോ​ധി​ക്കാ​നും മ​ന്ത്രി നി​ര്‍​ദേശി​ച്ചു. പി​ഡ​ബ്ല്യു​ഡി, റി​ഫൈ​ന​റി ഉ​ന്ന​ത ഉ​ദ്യോ​ഗ​സ്ഥ​രും മു​നി​സി​പ്പ​ല്‍ കൗ​ണ്‍​സി​ല​ര്‍​മാ​രും യോ​ഗ​ത്തി​ൽ പ​ങ്കെ​ടു​ത്തു.

മു​ൻ​പ് ചി​ത്ര​പ്പു​ഴ മു​ത​ല്‍ എ​ച്ച്ഒ​സി ഗേ​റ്റ് വ​രെ നാ​ലു​വ​രി​യാ​ക്കാ​ന്‍ ടെ​ൻഡ​ര്‍ ന​ട​പ​ടി​ക​ള്‍ പു​രോ​ഗ​മി​ക്ക​വേ, പു​തി​യ​റോ​ഡ് ജം​ഗ്ഷ​ന്‍ വ​രെ നാ​ല് വ​രി​യാ​ക്കി​യാ​ല്‍ മാ​ത്ര​മേ വി​ക​സ​ന​ത്തി​ന്റെ പ്ര​യോ​ജ​നം ല​ഭി​ക്കു​ക​യു​ള്ളു​വെ​ന്ന് ചൂ​ണ്ടി​ക്കാ​ട്ടി സ്ഥ​ലം എം​എ​ല്‍​എ കൂ​ടി​യാ​യ മ​ന്ത്രി അ​നൂ​പ് ജേ​ക്ക​ബ് പൊ​തു​മ​രാ​മ​ത്ത് മ​ന്ത്രി​യ്ക്കും റി​ഫൈ​ന​റി അ​ധി​കൃ​ത​ര്‍​ക്കും നി​വേ​ദ​ന​ങ്ങ​ള്‍ ന​ല്‍​കി​യി​രു​ന്നു.

ഇ​തി​ന്‍റെ അ​ടി​സ്ഥാ​ന​ത്തി​ല്‍ ഈ​ഭാ​ഗ​വും നാ​ലു​വ​രി​യാ​ക്കാ​ന്‍ റി​ഫൈ​ന​റി ഒ​രു​ക്ക​മാ​യി​രു​ന്നെ​ങ്കി​ലും അ​തി​നാ​യി ത​യാ​റാ​ക്കി​യ 17 കോ​ടി രൂ​പ​യു​ടെ എ​സ്റ്റി​മേ​റ്റ് വ​ള​രെ കൂ​ടു​ത​ലാ​ണെ​ന്ന് റി​ഫൈ​ന​റി സം​ശ​യം പ്ര​ക​ടി​പ്പി​ച്ച​തി​ന്‍റെ അ​ടി​സ്ഥാ​ന​ത്തി​ലാ​ണ് മ​ന്ത്രി അ​നൂ​പ് ജേ​ക്ക​ബ് യോ​ഗം വി​ളി​ച്ച​ത്.

Tags : Local News Nattuvishesham Ernakulam