6

ഫി​ഫ 2026 ലോ​ക​ക​പ്പ് പ്രീ​ക്വാ​ര്‍​ട്ട​റി​ല്‍ ഫ്രാ​ന്‍​സി​ന് എ​തി​രേ പെ​നാ​ല്‍​റ്റി ഗോ​ളി​ല്‍ പ​രാ​ഗ്വെ 1-0നു ​പ​രാ​ജ​യ​പ്പെ​ട്ടെ​ന്ന​ത് മ​ത്സ​ര​ഫ​ലം. ബോ​ക്‌​സി​നു​ള്ളി​ല്‍ ഫ്രാ​ന്‍​സി​ന്‍റെ ഡെ​സി​റെ ഡൂ​വേ​യെ വീ​ഴ്ത്തി​യ​തി​നാ​യി​രു​ന്നു വി​എ​ആ​റി​ലൂ​ടെ റ​ഫ​റി പെ​നാ​ല്‍​റ്റി വി​ധി​ച്ച​ത്. എ​ന്നാ​ല്‍, ഒ​രു താ​ര​ത്തി​നും കാ​ര്‍​ഡ് ല​ഭി​ച്ചി​ല്ല. മ​ഞ്ഞ​ക്കാ​ര്‍​ഡ് പോ​ലും ന​ല്‍​കാ​ന്‍​മാ​ത്ര​മു​ള്ള ഫൗ​ള്‍ ന​ട​ന്നി​ല്ലെ​ന്നു ചു​രു​ക്കം. എ​ന്നി​ട്ടും പെ​നാ​ല്‍​റ്റി വി​ധി​ച്ചു.

വി​എ​ആ​റി​ലൂ​ടെ​യു​ള്ള ക​ണ്ടെ​ത്ത​ല്‍ പ​രാ​ഗ്വെ​യു​ടെ പ്ര​തി​രോ​ധ​താ​രം ഗു​സ്താ​വൊ ഗോ​മ​സ് ഡൂ​വേ​യെ വീ​ഴ്ത്തി എ​ന്ന​താ​ണ്. എ​ന്നാ​ല്‍, കാ​ര്‍​ഡ് ന​ല്‍​കാ​ന്‍ മാ​ത്ര​മു​ള്ള ഫൗ​ള്‍ ന​ന്നി​ട്ടി​ല്ല. പ​ക്ഷേ, ഡൂ​വേ ന​ന്നാ​യി അ​ഭി​ന​യി​ച്ചു. ഇ​തോ​ടെ 2026 ലോ​ക​ക​പ്പി​ലെ വി​എ​ആ​ര്‍ പി​ഴ​വു​ക​ളു​ടെ പ​ട്ടി​ക​യി​ലേ​ക്ക് ഈ ​തീ​രു​മാ​ന​വും ചേ​ര്‍​ക്ക​പ്പെ​ട്ടു. സാ​ങ്കേ​തി​ക​മാ​യി ഏ​റ്റ​വും പു​രോ​ഗ​മി​ച്ച ലോ​ക​ക​പ്പ് എ​ന്ന വി​ശേ​ഷ​ണ​മു​ള്ള​പ്പോ​ഴും 2026ല്‍ ​റ​ഫ​റി​മാ​രു​ടെ പി​ഴ​വി​ന് അ​വ​സാ​ന​മി​ല്ലെ​ന്ന വി​മ​ര്‍​ശ​നം ശ​ക്ത​മാ​യി​ട്ടു​ണ്ട്.

ഫ്രാ​ന്‍​സി​ന് എ​തി​രാ​യ പ്രീ​ക്വാ​ര്‍​ട്ട​റി​ല്‍ പ​രാ​ഗ്വെ ഒ​രു മ​ഞ്ഞ​ക്കാ​ര്‍​ഡ് പോ​ലും ക​ണ്ടി​ല്ലെ​ന്ന​തും ശ്ര​ദ്ധേ​യം. അ​തേ​സ​മ​യം, മൂ​ന്നു ഫ്ര​ഞ്ച് താ​ര​ങ്ങ​ള്‍ മ​ഞ്ഞ​ക്കാ​ര്‍​ഡ് ക​ണ്ടു.

ഒ​ര്‍​ലാ​ന്‍റൊ x എം​ബ​പ്പെ

ഫി​ഫ 2026 ലോ​ക​ക​പ്പി​ല്‍ ത​രം​ഗ​മാ​യ ഗോ​ള്‍ കീ​പ്പ​ര്‍ കേ​പ് വെ​ര്‍​ദെ​യു​ടെ 40കാ​ര​ന്‍ വൊ​സീ​ഞ്ഞ​യാ​ണ്. റൗ​ണ്ട് ഓ​ഫ് 32ല്‍ ​അ​ര്‍​ജ​ന്‍റൈ​ന്‍ സൂ​പ്പ​ര്‍​താ​രം ല​യ​ണ​ല്‍ മെ​സി​യു​ടെ മാ​ത്രം അ​ഞ്ച് ഷോ​ട്ടാ​ണ് വൊ​സീ​ഞ്ഞ ത​ട​ഞ്ഞ​ത്.

അ​തി​നു പി​ന്നാ​ലെ അ​ര​ങ്ങേ​റി​യ ഫ്രാ​ന്‍​സ് x പ​രാ​ഗ്വെ പോ​രാ​ട്ട​ത്തി​ല്‍ കി​ലി​യ​ന്‍ എം​ബ​പ്പെ​യു​ടെ മൂ​ന്നു ഗോ​ള്‍ ഷോ​ട്ട് ത​ട​ഞ്ഞ് പ​രാ​ഗ്വെ​യു​ടെ ഒ​ര്‍​ലാ​ന്‍റൊ ഗി​ല്ലും ശ്ര​ദ്ധി​ക്ക​പ്പെ​ട്ടു. ഫ്രാ​ന്‍​സി​ന്‍റെ ഫീ​ല്‍​ഡ് ഗോ​ള്‍ ശ്ര​മ​ങ്ങ​ളെ​ല്ലാം നി​ഷ്പ്ര​ഭ​മാ​യ​ത് ഒ​ര്‍​ലാ​ന്‍റൊ​യു​ടെ മു​ന്നി​ലാ​യി​രു​ന്നു.

55-ാം മി​നി​റ്റി​ല്‍ ഫ്രാ​ന്‍​സി​ന്‍റെ ബ്രാ​ഡ്‌​ലി ബ​ര്‍​കോ​ള​യു​ടെ ഗോ​ളെ​ന്നു​ള്ള ലോം​ഗ് റേ​ഞ്ച് കു​ത്തി​യ​ക​റ്റി​യ​തും 90+6-ാം മി​നി​റ്റി​ല്‍ കി​ലി​യ​ന്‍ എം​ബ​പ്പെ​യു​ടെ ഇ​ര​ട്ട​ഷോ​ട്ട് ത​ഞ്ഞ​തും ഒ​ര്‍​ലാ​ന്‍റൊ ഗി​ല്ലി​ന്‍റെ റേ​ഞ്ച് വ്യ​ക്ത​മാ​ക്കി. ഡൂ​വേ​യു​ടെ പാ​സ് സ്വീ​ക​രി​ച്ച എം​ബ​പ്പെ ക്ലോ​സ് റേ​ഞ്ചി​ല്‍ ആ​ദ്യ ഷോ​ട്ട് എ​ടു​ത്തു. ഗി​ല്ലി​ന്‍റെ ബ്ലോ​ക്ക്.

റീ​ബൗ​ണ്ടാ​യെ​ത്തി​യ പ​ന്തി​ല്‍ ര​ണ്ടാ​മ​തും എം​ബ​പ്പെ​യു​ടെ ഷോ​ട്ട്. ഇ​ത്ത​വ​ണ പ​രാ​ഗ്വെ​ന്‍ ഗോ​ള്‍ കീ​പ്പ​ര്‍ പ​ന്ത് സ്റ്റോ​പ്പ് ചെ​യ്തു. ഈ ​ലോ​ക​ക​പ്പി​ലെ മി​ന്നും സേ​വ് എ​ന്നു വി​ശേ​ഷി​പ്പി​ക്കാ​വു​ന്ന നി​മി​ഷം. 2026 ലോ​ക​ക​പ്പി​ല്‍ ഇ​തു​വ​രെ ഏ​റ്റ​വും കൂ​ടു​ത​ല്‍ സേ​വ് ന​ട​ത്തി​യ​തും ഒ​ര്‍​ലാ​ന്‍റൊ ഗി​ല്ലാ​ണ്, 28 സേ​വു​ക​ള്‍.

Tags : No yellow Paraguay FIFA World Cup Football Orlando gill