തൊടുപുഴ: പെട്രോളിയം ഉത്പന്നങ്ങളുടെ ക്രമാതീതമായ വിലവര്ധന പിന്വലിക്കണമെന്നാവശ്യപ്പെട്ട് പ്രൈവറ്റ് ബസ് ഓപ്പറേറ്റേഴ്സ് അസോസിയേഷന് ജില്ലാ കമ്മിറ്റിയുടെ നേതൃത്വത്തില് തൊടുപുഴ ഇന്കം ടാക്സ് ഓഫീസിലേക്ക് മാര്ച്ചും ധര്ണയും നടത്തുമെന്ന് ഭാരവാഹികള് പത്രസമ്മേളനത്തില് അറിയിച്ചു.
നാളെ രാവിലെ 11ന് ഗവ. ചീഫ് വിപ്പ് അപു ജോണ് ജോസഫ് ഉദ്ഘാടനം നിര്വഹിക്കും. തൊടുപുഴ മര്ച്ചന്റ് അസോസിയേഷന് പ്രസിഡന്റ് പി.എ. സലിംകുട്ടി, വര്ക്ക്ഷോപ്പ് അസോസിയേഷന് ജില്ലാ പ്രസിഡന്റ് വിനോദ് എന്നിവര് പ്രസംഗിക്കും. 15 മുതല് കെഎസ്ആര്ടിസിയില് സ്ത്രീകള്ക്ക് സൗജന്യയാത്ര നല്കുന്നതില് സംഘടന എതിരല്ല. എന്നാല്, സ്വകാര്യബസുകളുടെ വരുമാനം ഗണ്യമായി കുറയും.
സ്ത്രീകള്ക്ക് സൗജന്യയാത്ര അനുവദിച്ചാല് സ്വകാര്യ ബസുകളിലെ പകുതിയിലധികം സ്ത്രീകളും കെഎസ്ആര്ടിസിയിലേക്ക് മാറുന്ന സ്ഥിതി വരും. ഡീസല് അടിക്കാനുള്ള ദിവസവരുമാനം പോലും കിട്ടാതാകുമെന്നും ഭാരവാഹികള് പറഞ്ഞു.
വിദ്യാര്ഥികളുടെ കണ്സഷന് നിരക്ക് വര്ധിപ്പിക്കുക, സ്വകാര്യബസും കെഎസ്ആര്ടിസിയും ഒരു പോലെ സംരക്ഷിക്കാനുള്ള ഗതാഗതനയം രൂപവത്കരിക്കുക തുടങ്ങിയ ആവശ്യങ്ങളും ധര്ണയില് ഉന്നയിക്കും.
പത്രസമ്മേളനത്തില് സംസ്ഥാന പ്രസിഡന്റ് കെ.കെ. തോമസ്, ജില്ലാ സെക്രട്ടറി കെ.കെ. അജിത്കുമാര്, ജില്ലാ വൈസ് പ്രസിഡന്റ് കെ.എം. സലിം, ട്രഷറര് പി.എം. ജോര്ജ് എന്നിവര് പങ്കെടുത്തു.
Tags : Nattuvishesham Local News Fuel price hike Bus owners' march begins