9

എ​ട​ക്ക​ര: നി​ർ​മാ​ണം പൂ​ർ​ത്തി​യാ​ക്കി​യ തൂ​ക്കു​ഫെ​ൻ​സിം​ഗ് പ്ര​വ​ർ​ത്തി​പ്പി​ക്കാ​ൻ ന​ട​പ​ടി​യാ​യി​ല്ല. നി​ര​ന്ത​ര​മു​ള്ള കാ​ട്ടാ​ന​ശ​ല്യ​ത്തി​ൽ വ​ല​ഞ്ഞ് മൂ​ത്തേ​ട​ത്തെ ക​ർ​ഷ​ക​ർ. വെ​ള്ളി​യാ​ഴ്ച രാ​ത്രി നെ​ല്ലി​ക്കു​ത്തി​ലെ കൃ​ഷി​യി​ട​ത്തി​ലി​റ​ങ്ങി​യ കാ​ട്ടാ​ന​ക്കൂ​ട്ടം വ്യാ​പ​ക​മാ​യി കാ​ർ​ഷി​ക വി​ള​ക​ൾ ന​ശി​പ്പി​ച്ചു. നെ​ല്ലി​ക്കു​ത്ത് പൂ​വു​ണ്ട​ക്കു​ന്നി​ലെ മേ​ലേ​തി​ൽ അ​ബ്ദു​ൾ ക​രീ​മി​ന്‍റെ തോ​ട്ട​ത്തി​ൽ പ്ര​വേ​ശി​ച്ച കാ​ട്ടാ​ന​ക​ൾ വ​ൻ നാ​ശം വ​രു​ത്തി. ആ​റ് വ​ർ​ഷം പ്രാ​യ​മാ​യ 15 റ​ബ​ർ മ​ര​ങ്ങ​ളാ​ണ് കാ​ട്ടാ​ന​ക​ൾ ന​ശി​പ്പി​ച്ച​ത്.

ക​രു​ളാ​യി റേ​ഞ്ചി​ലെ പ​ടു​ക്ക വ​ന​ത്തി​ൽനി​ന്നെ​ത്തു​ന്ന കാ​ട്ടാ​ന​ക​ൾ റ​ബ​ർ മ​ര​ങ്ങ​ളു​ടെ തൊ​ലി പൊ​ളി​ച്ച് തി​ന്നു​ക​യാ​ണ് ചെ​യ്തി​ട്ടു​ള്ള​ത്. ഒ​രാ​ഴ്ച മു​ന്പ് നിരവധിറ​ബ​ർ മ​ര​ങ്ങ​ളു​ടെ തൊ​ലി കാ​ട്ടാ​ന​ക​ൾ തി​ന്നി​രു​ന്നു. തൊ​ലി പോ​യ മ​ര​ങ്ങ​ൾ പി​ന്നീ​ട് ഉ​ണ​ങ്ങി ന​ശി​ക്കു​ക​യാ​ണ് ചെ​യ്യു​ന്ന​ത്. വ​ന്യ​മൃ​ഗ​ശ​ല്യം കാ​ര​ണം കൃ​ഷി ന​ട​ത്താ​നാ​കാ​തെ ക​ഷ്ട​ത്തി​ലാ​യി​രി​ക്കു​ക​യാ​ണ് മേ​ഖ​ല​യി​ലെ ക​ർ​ഷ​ക​ൻ.

ആ​റ് വ​ർ​ഷം മു​ന്പ് അ​ബ്ദു​ൾ ക​രീ​മി​ന്‍റെ തോ​ട്ട​ത്തി​ലെ 1300 തൈ​ക​ളി​ൽ 140 എ​ണ്ണം മാ​ത്രം ബാ​ക്കി​വ​ച്ച് എ​ല്ലാ​തും കാ​ട്ടാ​ന​യും കാ​ട്ടു​പ​ന്നി​ക​ളും മു​ള്ള​ൻപ​ന്നി​ക​ളും ന​ശി​പ്പി​ച്ചി​രു​ന്നു. വ​നാ​തി​ർ​ത്തി​യി​ൽ നി​ർ​മി​ച്ച കി​ട​ങ്ങ് മ​ണ്ണി​ടി​ഞ്ഞും മ​റ്റും ന​ശി​ച്ചി​രി​ക്കു​ക​യാ​ണ്.

ഇ​തേ​ത്തു​ട​ർ​ന്ന് സ്വ​കാ​ര്യ​വ്യ​ക്തി​ക​ൾ സ്വ​ന്തം നി​ല​ക്ക് കൃ​ഷി​യി​ട​ത്തി​ന് ചു​റ്റും ഫെ​ൻ​സിം​ഗും മ​തി​ലും നി​ർ​മി​ച്ച് പ്ര​തി​രോ​ധി​ക്കാ​ൻ ശ്ര​മി​ച്ചെ​ങ്കി​ലും ഇ​വ​യും കാ​ട്ടാ​ന​യ്ക്ക് മു​ന്നി​ൽ ഫ​ലം ക​ണ്ടി​ല്ല. ഒ​ടു​വി​ൽ വ​നാ​തി​ർ​ത്തി​യോ​ട് ചേ​ർ​ന്നു​ള്ള റ​ബ​ർ, തേ​ക്ക് ഉ​ൾ​പ്പെ​ടെ​യു​ള്ള മ​ര​ങ്ങ​ൾ വെ​ട്ടി​മാ​റ്റി വ​നംവ​കു​പ്പ് നി​ർ​മി​ക്കു​ന്ന തൂ​ക്കു​ഫെ​ൻ​സിം​ഗി​ന് സ്ഥ​ലം വി​ട്ടു​ന​ൽ​കു​ക​യും ചെ​യ്തു.

പൂ​ള​ക്ക​പ്പാ​റ മു​ത​ൽ ക​ൽ​ക്കു​ളം തീ​ക്ക​ടി വ​രെ​യു​ള്ള വ​നാ​തി​ർ​ത്തി​യി​ൽ വ​നംവ​കു​പ്പ് തൂ​ക്ക് ഫെ​ൻ​സിം​ഗ് നി​ർ​മാ​ണം പൂ​ർ​ത്തി​യാ​ക്കി​യി​ട്ടും ഇ​തു​വ​രെ ചാ​ർ​ജ് ചെ​യ്തി​ട്ടി​ല്ലെ​ന്ന് ക​ർ​ഷ​ക​ർ പ​റ​യു​ന്നു. തൂ​ക്ക് ഫെ​ൻ​സിം​ഗ് എ​ത്ര​യും വേ​ഗം ചാ​ർ​ജ് ചെ​യ്ത് വ​ന്യ​മൃ​ഗ​ശ​ല്യ​ത്തി​ന് അ​ടി​യ​ന്ത​ര പ​രി​ഹാ​രം കാ​ണ​ണ​മെ​ന്നും അ​ല്ലാ​ത്ത​പ​ക്ഷം മ​തി​യാ​യ ന​ഷ്ട​പ​രി​ഹാ​രം ന​ൽ​ക​ണ​മെ​ന്നു​മാ​ണ് ക​ർ​ഷ​ക​രു​ടെ ആ​വ​ശ്യം.

Tags : nattu vishesham Hanging fence ready