നിലന്പൂർ: ഭിന്നശേഷിക്കാരുടെ ദേശീയ സംഘടനയായ ഇൻഡാക് (ഇന്ത്യൻ നാഷണൽ ഡിഫറന്റ്ലി എബ്ൾ പിപ്പ്ൾസ് കോണ്ഗ്രസ്) ജില്ലാ കമ്മിറ്റിയുടെ നേതൃത്വത്തിൽ വയനാട്ടിലേക്ക് സ്നേഹയാത്ര സംഘടിപ്പിച്ചു. നിലന്പൂർ നഗരസഭാ ചെയർപേഴ്സണ് പദ്മിനി ഗോപിനാഥ് ഫ്ളാഗ് ഓഫ് ചെയ്തു.
ജില്ലയുടെ വിവിധ ഭാഗങ്ങളിൽനിന്നായി 55 പേരാണ് സ്നേഹ യാത്രയിൽ പങ്കാളികളായത്. ചടങ്ങിൽ "ഇൻഡാക്' സംസ്ഥാന ആക്ടിംഗ് പ്രസിഡന്റ് റഹ്മാൻ മുണ്ടോടൻ അധ്യക്ഷത വഹിച്ചു. ജില്ലാ പ്രസിഡന്റ് കെ.ടി. നൗഷാദ്, സംസ്ഥാന സെക്രട്ടറി മുഹസിൻ വണ്ടൂർ, ജില്ലാ സെക്രട്ടറി എൻ. സുലൈഖ, ജില്ലാ കോ ഓർഡിനേറ്റർ കെ. സുഭാഷ് ഭാസി, വൈസ് പ്രസിഡന്റുമാരായ യാസർ അറഫാത്ത്, നാസർ കുറുവ, സുബൈർ കൽപ്പകഞ്ചേരി എന്നിവർ പ്രസംഗിച്ചു.
Tags : nattu vishesham "INDAC" organized