കൂരാച്ചുണ്ട്: കേന്ദ്ര സർക്കാരിന്റെ ആയുഷ്മാൻ ഭാരത് ജൻ ആരോഗ്യ യോജന ഇൻഷ്വറൻസ് പദ്ധതി (പിഎംജെഎവൈ) വയോജനങ്ങൾക്കും ലഭ്യമാക്കണമെന്ന് കേരള സീനിയർ സിറ്റിസൺ ഫോറം കൂരാച്ചുണ്ട് പഞ്ചായത്ത് കമ്മിറ്റി സർക്കാരിനോട് ആവശ്യപ്പെട്ടു. വയോജന പീഡനവിരുദ്ധ ബോധവത്കരണ ദിനത്തോടനുബന്ധിച്ച് പഞ്ചായത്ത് ഹാളിൽ നടന്ന പരിപാടി പഞ്ചായത്ത് പ്രസിഡന്റ് സിനി ജിനോ ഉദ്ഘാടനം ചെയ്തു. സീനിയർ സിറ്റിസൺ ഫോറം കൂരാച്ചുണ്ട് യൂണിറ്റ് പ്രസിഡന്റ് ജോസ് ചെറുവള്ളിൽ അധ്യക്ഷത വഹിച്ചു.
കൂരാച്ചുണ്ട് പോലീസ് സബ് ഇൻസ്പെക്ടർ പി.എസ്. ഗ്രീഷ്മ മുഖ്യപ്രഭാഷണം നടത്തി. ജില്ലാ ജോയിന്റ് സെക്രട്ടറി ടി.കെ. ബാലൻ വിഷയാവതരണം നടത്തി. പഞ്ചായത്ത് വൈസ് പ്രസിഡന്റ് ബിജു കടലാശേരി, പഞ്ചായത്ത് ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ ചെറിയാൻ ജോസഫ് അറയ്ക്കൽ, മുൻ പഞ്ചായത്ത് പ്രസിഡന്റ് ഒ.കെ. അമ്മദ്, കെ.കെ. മത്തായി, സുലൈമാൻ ഹാജി നടൂപറമ്പിൽ, യൂണിറ്റ് സെക്രട്ടറി ലീലാമ്മ പുത്തേട്ടുപടവിൽ എന്നിവർ പ്രസംഗിച്ചു.