കടുത്തുരുത്തി: തീര്ത്ഥാടന കേന്ദ്രമായ കോതനല്ലൂര് ഫൊറോനാ പള്ളിയില് കന്തീശങ്ങളുടെ തിരുനാളും ഇരട്ടകളുടെ മഹാസംഗമവും ഇന്ന് നടക്കും. തിരുനാളിനോടുനുബന്ധിച്ചു കന്തീശങ്ങളുടെ തിരുസ്വരൂപങ്ങള് ഇന്നലെ മോണ്ടളത്തില് പ്രതിഷ്ഠിച്ചു.
ഇന്നലെ രാത്രിയില് നടന്ന തിരുനാള് പ്രദക്ഷിണം ഭക്തിസാന്ദ്രമായി. പ്രധാന തിരുനാള് ദിനമായ ഇന്ന് രാവിലെ 5.45നും 7.15നും വിശുദ്ധ കുര്ബാന, നൊവേന. 8.30ന് ഇരട്ടകളുടെ രജിസ്ട്രേഷന് ആരംഭിക്കും. പത്തിന് തിരുനാള് കുര്ബാന- ഇരട്ട വൈദീകരായ ഫാ.റോബി കണ്ണംചിറ സിഎഐ, ഫാ.റോയി കണ്ണംചിറ സിഎംഐ, ഫാ.ആന്റോ പേഴുംകാട്ടില്, ഫാ.അജോ പേഴുംകാട്ടില്, ഫാ.ജോസഫ് കൊല്ലക്കൊമ്പില്, ഫാ.ബിജു കൊല്ലക്കൊമ്പില്, ഫാ.തോമസ് ചൂളപ്പറമ്പില് സിഎംഐ, ഫാ.ജോസഫ് ചൂളപ്പറമ്പില്, ഫാ.ജിസ്റ്റോ തയ്യില് ഒഎസ്ബി, ഫാ.ജസ്റ്റിന് തയ്യില് എന്നിവര് കാര്മികത്വം വഹിക്കും.
11.30ന് തിരുനാള് പ്രദക്ഷിണം, 12.30ന് ഇരട്ടകളുടെ സമര്പണ ശുശ്രൂഷയ്ക്കു വികാരി ഫാ.കുര്യന് കാലായില് നേതൃത്വം നല്കും. തുടര്ന്ന് സ്നേഹവിരുന്ന്. വൈകൂന്നേരം അഞ്ചിന് വിശുദ്ധ കുര്ബാന, സന്ദേശം, നൊവേന, 6.30ന് കൊടിയിറക്ക്, തുടര്ന്ന് കന്തീശങ്ങളുടെ തിരുസ്വരൂപങ്ങള് പുന:പ്രതിഷ്ഠിക്കുന്നതോടെ തിരുനാളിന് സമാപനമാകും.
കഴിഞ്ഞ വര്ഷം നടന്ന ഇരട്ടകളുടെ സംഗമത്തില് 324 ജോഡി ഇരട്ടകളാണ് പങ്കെടുത്തത്.
80 ഓളം ജോഡി ഇരട്ടകളാണ് ഈ ഇടവകയിലുള്ളത്. 2007 ല് വികാരിയായിരുന്ന ഫാ.ജോസഫ് പുത്തന്പ്പുരയാണ് കോതനല്ലൂര് പള്ളിയില് കന്തീശങ്ങളുടെ തിരുനാളിനോടുനുബന്ധിച്ചു ഇരട്ട സംഗമത്തിന് ആരംഭം കുറിച്ചത്.
Tags : Local News Nattuvishesham Kottayam