7

തൃ​ശൂ​ർ: കു​റു​പ്പം​റോ​ഡി​ലെ കാ​ന-​ഫു​ട്പാ​ത്ത് നി​ർ​മാ​ണം അ​ശാ​സ്ത്രീ​യ​മാ​ണെ​ന്ന പ​രാ​തി​യെ​ത്തു​ട​ർ​ന്ന് മേ​യ​ർ ഡോ. ​നി​ജി ജ​സ്റ്റി​ൻ ഉ​ദ്യോ​ഗ​സ്ഥ​രെ​യും പ​രാ​തി​ക്കാ​രെ​യും കൗ​ണ്‍​സി​ല​ർ​മാ​രെ​യും പ​ങ്കെ​ടു​പ്പി​ച്ച് യോ​ഗം വി​ളി​ച്ചു. കോ​ർ​പ​റേ​ഷ​ൻ പൊ​തു​മ​രാ​മ​ത്ത് വി​ഭാ​ഗ​വും പി​ഡ​ബ്ല്യു​ഡി റോ​ഡ് വി​ഭാ​ഗം എ​ൻ​ജി​നി​യ​ർ​മാ​രും സ്ഥ​ല​ത്ത് അ​ടി​യ​ന്ത​ര പ​രി​ശോ​ധ​ന ന​ട​ത്ത​ണ​മെ​ന്നു മേ​യ​ർ നി​ർ​ദേ​ശി​ച്ചു. കാ​ന നി​ർ​മാ​ണ​പ്ര​വൃ​ത്തി​യും എ​സ്റ്റി​മേ​റ്റും പ​ഠി​ച്ച് വി​ശ​ദ റി​പ്പോ​ർ​ട്ട് ത​യാ​റാ​ക്കാ​നാ​യി ഗ​വ. എ​ൻ​ജി​നീ​യ​റിം​ഗ് കോ​ള​ജ് പ്രി​ൻ​സി​പ്പ​ലി​നു ക​ത്തു​ന​ൽ​കാ​നും തീ​രു​മാ​നി​ച്ചു.

കോ​ണ്‍​ക്രീ​റ്റ് ചെ​യ്ത​തോ​ടെ കു​റു​പ്പം​റോ​ഡി​ന് ഇ​രു​വ​ശ​ങ്ങ​ളി​ലു​മു​ള്ള ഫു​ട്പാ​ത്തും കാ​ന​യു​മായുള്ള ഉ​യ​രം ആ​നു​പാ​തി​ക​മ​ല്ലാ​താ​യെ​ന്നു മേ​യ​ർ പ​റ​ഞ്ഞു. മു​ൻ​ഭ​ര​ണ​സ​മി​തി റോ​ഡി​ന്‍റെ നി​ർ​മാ​ണം മാ​ത്രം പൂ​ർ​ത്തീ​ക​രി​ച്ചാ​ണു തു​റ​ന്നു​കൊ​ടു​ത്ത​ത്. ഇ​വി​ടെ അ​പ​ക​ട​ങ്ങ​ൾ പ​തി​വാ​യ​തോ​ടെ​യാ​ണ് അ​ടി​യ​ന്ത​ര​മാ​യി കാ​ന ന​വീ​ക​രി​ച്ച് ഫു​ട്പാ​ത്ത് നി​ർ​മി​ക്കാ​ൻ അ​നു​മ​തി ന​ൽ​കി​യ​തെ​ന്നു മേ​യ​ർ വ്യ​ക്ത​മാ​ക്കി. റോ​ഡ് നി​ർ​മാ​ണ​ത്തി​നു ന​ൽ​കി​യി​രു​ന്ന സാ​ങ്കേ​തി​ക അ​നു​മ​തി​യി​ൽ നി​ർ​മാ​ണ​വൈ​ക​ല്യ​ങ്ങ​ൾ മു​ൻ​കൂ​ട്ടി ക​ണ്ടെ​ങ്കി​ലും റി​പ്പോ​ർ​ട്ട് ചെ​യ്തി​ട്ടി​ല്ലെ​ന്നു മേ​യ​ർ പ​റ​ഞ്ഞു.

ഡെ​പ്യൂ​ട്ടി​മേ​യ​ർ എ. ​പ്ര​സാ​ദ്, വി​ക​സ​ന​കാ​ര്യ സ്റ്റാ​ൻ​ഡിം​ഗ് ക​മ്മ​ിറ്റി ചെ​യ​ർ​പേ​ഴ്സ​ണ്‍ അ​ഡ്വ. വി​ല്ലി ജി​ജോ, പ്ര​തി​പ​ക്ഷ ന​താ​വ് ടി.​ആ​ർ. ഹി​ര​ണ്‍, ബി​ജെ​പി പാ​ർ​ലി​മെ​ന്‍റ​റി പാ​ർ​ട്ടി നേ​താ​വ് ര​ഘു​നാ​ഥ്. സി. ​മേ​നോ​ൻ, ഡി​വി​ഷ​ൻ കൗ​ണ്‍​സി​ല​ർ പൂ​ർ​ണി​മ സു​രേ​ഷ്, സൂ​പ്ര​ണ്ടിം​ഗ് എ​ൻ​ജി​നി​യ​ർ ഷൈ​ബി ജോ​ർ​ജ്, അ​സി. എ​ൻ​ജി​നി​യ​ർ പി.​എ. മ​ഹേ​ന്ദ്ര​ൻ എ​ന്നി​വ​ർ പ​ങ്കെ​ടു​ത്തു.

Tags : Nattuvishesham DistrictNews DeepikaNews Road