4

തൊ​ടു​പു​ഴ: സ്ഥാ​നാ​ര്‍​ഥി പ്ര​ഖ്യാ​പ​ന​ങ്ങ​ള്‍ അ​ന്തി​മ​ഘ​ട്ട​ത്തി​ലേ​ക്ക് എ​ത്തി​യ​തോ​ടെ ജി​ല്ല​യും തെ​ര​ഞ്ഞെ​ടു​പ്പ് ആ​വേ​ശ​ത്തി​ലേ​ക്ക് ക​ട​ന്നു. അ​ഞ്ച് നി​യോ​ജ​ക മ​ണ്ഡ​ല​ങ്ങ​ളി​ലും സ്ഥാ​നാ​ര്‍​ഥി​ക​ളെ പ്ര​ഖ്യാ​പി​ച്ച​തോ​ടെ ഇ​ട​തു​മു​ന്ന​ണി ആ​ദ്യ​ഘ​ട്ട പ്ര​ചാ​ര​ണ​ത്തി​ല്‍ ഒ​രു​പ​ടി മു​ന്നി​ലെ​ത്തി. തൊ​ടു​പു​ഴ നി​യോ​ജ​ക മ​ണ്ഡ​ല​ത്തി​ല്‍ കേ​ര​ള കോ​ണ്‍​ഗ്ര​സ്-​എം സ്ഥാ​നാ​ര്‍​ഥി​യാ​യി സി​റി​യ​ക് ചാ​ഴി​കാ​ട​ന്‍ കൂ​ടി എ​ത്തി​യ​തോ​ടെ​യാ​ണ് എ​ല്‍​ഡി​എ​ഫ് പ്ര​ചാ​ര​ണ​ത്തി​ല്‍ മു​ന്നി​ലെ​ത്തി​യ​ത്.

ദി​വ​സ​ങ്ങ​ള്‍​ക്കു മു​മ്പു​ത​ന്നെ പ്ര​ഖ്യാ​പി​ച്ച​തി​നാ​ല്‍ മ​ന്ത്രി റോ​ഷി അ​ഗ​സ്റ്റി​ന്‍ ഇ​ടു​ക്കി നി​യോ​ജ​ക മ​ണ്ഡ​ല​ത്തി​ല്‍ പ്ര​ചാ​ര​ണം നേ​ര​ത്തേ ആ​രം​ഭി​ച്ചി​രു​ന്നു. സി​പി​എം സ്ഥാ​നാ​ര്‍​ഥി​ക​ളാ​യ കെ.​കെ. ജ​യ​ച​ന്ദ്ര​ന്‍ ഉ​ടു​മ്പ​ന്‍​ചോ​ല​യി​ലും എ. ​രാ​ജ ദേ​വി​കു​ള​ത്തും സി​പി​ഐ സ്ഥാ​നാ​ര്‍​ഥി​യാ​യ കെ. ​സ​ലിം​കു​മാ​ര്‍ പീ​രു​മേ​ട്ടി​ലും തെ​ര​ഞ്ഞെ​ടു​പ്പ് പ​ര്യ​ട​ന​ത്തി​ന്‍റെ തി​ര​ക്കി​ലാ​ണ്. റോ​ഡ്ഷോ ന​ട​ത്തി​യും പ​ര​മാ​വ​ധി വോ​ട്ട​ര്‍​മാ​രെ നേ​രി​ല്‍ ക​ണ്ടു​മാ​ണ് സ്ഥാ​നാ​ര്‍​ഥി​ക​ളും പ്ര​വ​ര്‍​ത്ത​ക​രും പ്ര​ചാ​ര​ണം കൊ​ഴു​പ്പി​ക്കു​ന്ന​ത്.

ഇ​ന്ന​ലെ തൊ​ടു​പു​ഴ​യി​ല്‍ മാ​ധ്യ​മ​പ്ര​വ​ര്‍​ത്ത​ക​രു​മാ​യി കൂ​ടി​ക്കാ​ഴ്ച ന​ട​ത്തി​യ ശേ​ഷ​മാ​ണ് സി​റി​യ​ക് ചാ​ഴി​കാ​ട​ന്‍ പ​ര്യ​ട​നം ആ​രം​ഭി​ച്ച​ത്. തു​ട​ര്‍​ന്ന് ടൗ​ണി​ലെ വ്യാ​പാ​ര​സ്ഥാ​പ​ന​ങ്ങ​ളി​ല്‍ അ​ദ്ദേ​ഹം വോ​ട്ട​ഭ്യ​ര്‍​ഥി​ച്ചു. ന​ഗ​ര​ത്തി​ല്‍ റോ​ഡ്ഷോ​യും ന​ട​ത്തി. കേ​ര​ള കോ​ണ്‍​ഗ്ര​സ്-​എം നേ​താ​ക്ക​ളാ​യ കെ.​ഐ. ആ​ന്‍റ​ണി, ജി​മ്മി മ​റ്റ​ത്തി​പ്പാ​റ, റെ​ജി കു​ന്നം​കോ​ട്ട്, സി​പി​എം നേ​താ​ക്ക​ളാ​യ കെ.​പി. മേ​രി, ലി​നു ജോ​സ് എ​ന്നി​വ​രും സ്ഥാ​നാ​ര്‍​ഥി​ക്കൊ​പ്പ​മു​ണ്ടാ​യി​രു​ന്നു. പി​ന്നീ​ട് ക​രി​ങ്കു​ന്ന​ത്തുനി​ന്നാ​രം​ഭി​ച്ച പ​ര്യ​ട​നം വെ​ങ്ങ​ല്ലൂ​ര്‍, മു​ത​ല​ക്കോ​ടം, ക​ല​യ​ന്താ​നി, ആ​ല​ക്കോ​ട്, കു​ന്നം തു​ട​ങ്ങി വി​വി​ധ കേ​ന്ദ്ര​ങ്ങ​ളി​ലൂ​ടെ സ​ഞ്ച​രി​ച്ച് തൊ​ടു​പു​ഴ​യി​ല്‍ സ​മാ​പി​ച്ചു.

കേ​ര​ള കോ​ണ്‍​ഗ്ര​സ് സ്ഥാ​നാ​ര്‍​ഥി​യാ​യി ഇ​ന്ന​ലെ പ്ര​ഖ്യാ​പി​ച്ച അ​പു ജോ​ണ്‍ ജോ​സ​ഫ് ഇ​ന്നു മു​ത​ല്‍ പ്ര​ചാ​ര​ണ​രം​ഗ​ത്ത് സ​ജീ​വ​മാ​കും. പി​താ​വാ​യ പി.​ജെ. ജോ​സ​ഫി​ന്‍റെ ത​ട്ട​ക​മെ​ന്ന നി​ല​യി​ല്‍ തൊ​ടു​പു​ഴ നി​യോ​ജ​കമ​ണ്ഡ​ല​ത്തി​ല്‍ അ​ദ്ദേ​ഹ​ത്തി​നു​ള്ള വ്യ​ക്തി​ബ​ന്ധ​ങ്ങ​ളും മ​റ്റും തെ​ര​ഞ്ഞെ​ടു​പ്പു രം​ഗ​ത്ത് അ​നു​കൂ​ല​മാ​കു​മെ​ന്നാ​ണ് പ്ര​തീ​ക്ഷ. അ​പു ജോ​ണ്‍ ജോ​സ​ഫി​ന്‍റെ തെ​ര​ഞ്ഞെ​ടു​പ്പ് അ​ര​ങ്ങേ​റ്റം വ​ലി​യ തോ​തി​ല്‍ ആ​വേ​ശ​ക​ര​മാ​ക്കാ​നാ​ണ് പ്ര​വ​ര്‍​ത്ത​ക​ര്‍ ഒ​രു​ങ്ങു​ന്ന​ത്. പി.​ജെ. ജോ​സ​ഫ് തൊ​ടു​പു​ഴ​യി​ല്‍ കൊ​ണ്ടു​വ​ന്ന വി​ക​സ​ന​നേ​ട്ട​ങ്ങ​ളാ​കും അ​പു​വി​ന്‍റെ പ്ര​ധാ​ന പ്ര​ചാ​ര​ണാ​യു​ധം.

കോ​ണ്‍​ഗ്ര​സ് ആ​ദ്യം പു​റ​ത്തി​റ​ക്കി​യ സ്ഥാ​നാ​ര്‍​ഥി​പ്പ​ട്ടി​ക​യി​ല്‍ ഇ​ടു​ക്കി ഉ​ള്‍​പ്പെ​ടാ​ത്ത​തി​നാ​ല്‍ പാ​ര്‍​ട്ടി മ​ത്സ​രി​ക്കു​ന്ന നാ​ലു നി​യോ​ജ​ക മ​ണ്ഡ​ല​ങ്ങ​ളി​ലും ചി​ത്രം വ്യ​ക്ത​മാ​യി​ട്ടി​ല്ല. ഇ​ന്നു സ്ഥാ​നാ​ര്‍​ഥി പ്ര​ഖ്യാ​പ​ന​മു​ണ്ടാ​കു​മെ​ന്നാ​ണ് യു​ഡി​എ​ഫ് പ്ര​വ​ര്‍​ത്ത​ക​രു​ടെ പ്ര​തീ​ക്ഷ. സ്ഥാ​നാ​ര്‍​ഥി പ്ര​ഖ്യാ​പ​നം പൂ​ര്‍​ത്തി​യാ​കാ​ത്ത​തി​നാ​ല്‍ എ​ന്‍​ഡി​എ​യും പ്ര​ചാ​ര​ണ രം​ഗ​ത്ത് സ​ജീ​വ​മാ​യി​ട്ടി​ല്ല.

ദേ​വി​കു​ള​ത്ത് എ​സ്. രാ​ജേ​ന്ദ്ര​നും ഉ​ടു​മ്പ​ന്‍​ചോ​ല​യി​ല്‍ സം​ഗീ​ത വി​ശ്വ​നാ​ഥ​നു​മാ​ണ് എ​ന്‍​ഡി​എ​ക്കു​വേ​ണ്ടി മ​ത്സ​രി​ക്കു​ന്ന​ത്. ഇ​ടു​ക്കി, തൊ​ടു​പു​ഴ, പീ​രു​മേ​ട് മ​ണ്ഡ​ല​ങ്ങ​ളി​ല്‍ എ​ന്‍​ഡി​എ സ്ഥാ​നാ​ര്‍​ഥി​ക​ളെ പ്ര​ഖ്യാ​പി​ച്ചി​ട്ടി​ല്ല.

Tags : LDF candidates nattuvishesham local news