9

ആ​ല​പ്പു​ഴ: ചൊ​വ്വ​യി​ലെ റോ​വ​റു​ക​ളെ ഭൂ​മി​യി​ലി​രു​ന്ന് നി​യ​ന്ത്രി​ക്കു​ന്ന അ​ത്യാ​ധു​നി​ക സാ​ങ്കേ​തി​ക​വി​ദ്യ​യു​ടെ മാ​തൃ​ക​യി​ൽ വി​ദൂ​ര​നി​യ​ന്ത്രി​ത റോ​വ​ർ നി​ർ​മാ​ണ​മു​ൾ​പ്പെടെ കു​ട്ടി​ക​ളെ പ​രി​ച​യ​പ്പെ​ടു​ത്തു​ന്ന ലി​റ്റി​ൽ കൈ​റ്റ്സ് ജി​ല്ലാ​ത​ല സ​ഹ​വാ​സ് ക്യാ​മ്പ് ഏ​ഴ്, എ​ട്ട് തീ​യ​തി​ക​ളി​ൽ ആ​ല​പ്പു​ഴ സെന്‍റ് ജോ​സ​ഫ് ഗേ​ൾ​സ് ഹ​യ‍​ർ സെ​ക്ക​ൻഡറി സ്കൂ​ളി​ൽ ന​ട​ക്കും.

പൊ​തു​വി​ദ്യാ​ഭ്യാ​സ വ​കു​പ്പി​ന് കീ​ഴി​ലെ കേ​ര​ള ഇ​ൻ​ഫ്രാ​സ്ട്ര​ക്ച​ർ ആ​ൻ​ഡ് ടെ​ക്നോ​ള​ജി ഫോ​ർ എ​ഡ്യൂ​ക്കേ​ഷ​ൻ (കൈ​റ്റ്) സം​ഘ​ടി​പ്പി​ക്കു​ന്ന ക്യാ​മ്പി​ൽ ഐ​ഒ​ടി ഉ​പ​ക​ര​ണ​ങ്ങ​ൾ ത​മ്മി​ൽ ആ​ശ​യ​വി​നി​മ​യം ന​ട​ത്താ​ൻ സ​ഹാ​യി​ക്കു​ന്ന എംക്യൂ ടി ​ടി ("മെ​സേജ് ക്യൂ​യിം​ഗ് ടെ​ലി​മെ​ട്രി ട്രാ​ൻ​സ്‌​പോ​ർ​ട്ട്") പ്രോ​ട്ടോ​ക്കോ​ൾ ഉ​പ​യോ​ഗി​ച്ചാ​ണ് കു​ട്ടി​ക​ൾ റോ​വ​റു​ക​ൾ നി​യ​ന്ത്രി​ക്കു​ന്ന​ത്.

ഗ്ര​ഹ​ങ്ങ​ൾ, ഖ​നി​ക​ൾ, മാ​ൻ​ഹോ​ളു​ക​ൾ തു​ട​ങ്ങി മ​നു​ഷ്യ​ർ​ക്ക് എ​ത്താ​ൻ പ്ര​യാ​സ​മു​ള്ള ഇ​ട​ങ്ങ​ളി​ൽ പ​രീ​ക്ഷ​ണ​ങ്ങ​ൾ​ക്കും ര​ക്ഷാ​പ്ര​വ​ർ​ത്ത​ന​ങ്ങ​ൾ​ക്കും ഉ​പ​യോ​ഗി​ക്കു​ന്ന വി​ദൂ​ര​നി​യ​ന്ത്രി​ത റോ​വ​ർ ഉ​പ​ക​ര​ണ​ങ്ങ​ൾ ത​യാ​റാ​ക്കാ​ൻ കു​ട്ടി​ക​ൾ ഇ​തി​ലൂ​ടെ പ​രി​ശീ​ല​നം നേ​ടു​ന്നു.
കൈ​റ്റ് പു​തു​താ​യി സ്‌​കൂ​ളു​ക​ൾ​ക്ക് ന​ൽ​കു​ന്ന ഇ.​എ​സ്.​പി 32 മൈ​ക്രോ ക​ൺ​ട്രോ​ള​ർ ഉ​ൾ​പ്പെ​ട്ട അ​ഡ്വാ​ൻ​സ്‌​ഡ് റോ​ബോ​ട്ടി​ക് കി​റ്റു​ക​ളാ​ണ് ഇ​തി​നാ​യി ഉ​പ​യോ​ഗി​ക്കു​ന്ന​ത്.

ലി​റ്റി​ൽ കൈ​റ്റ്സ് പ​ദ്ധ​തി​യി​ലെ വി​വി​ധ പ്ര​വ​ർ​ത്ത​ന​ങ്ങ​ളു​ടെ തു​ട​ർ​ച്ച​യാ​യി സ​ബ് ജി​ല്ലാ ക്യാ​മ്പു​ക​ളി​ൽനി​ന്ന് തെര​ഞ്ഞെ​ടു​ക്ക​പ്പെ​ട്ട 82 കു​ട്ടി​ക​ളാ​ണ് ക്യാ​മ്പി​ൽ പ​ങ്കെ​ടു​ക്കു​ന്ന​ത്.
ശ​നി​യാ​ഴ്ച രാ​വി​ലെ പ​ത്തി​ന് കൈ​റ്റ് സി​ഇ​ഒ കെ. ​അ​ൻ​വ​ർ സാ​ദ​ത്ത് കു​ട്ടി​ക​ളു​മാ​യി ക്യാ​മ്പി​ൽ സം​വ​ദി​ക്കും.

ജി​ല്ല​യി​ലെ സ്‌​കൂ​ളു​ക​ൾ​ക്കു​ള്ള അ​ഡ്വാ​ൻ​സ്ഡ് റോ​ബോ​ട്ടി​ക് കി​റ്റു​ക​ളു​ടെ വി​ത​ര​ണ​വും തു​ട​ർ​ന്ന് ന​ട​ത്തും.

Tags : Little Kites nattuvishesham local news