മുഹമ്മദ് സാബിത്.
പേരാമ്പ്ര: പന്തിരിക്കരയില് കുഴല്പ്പണ വേട്ട. 20 ലക്ഷം രൂപയുമായി കൊടുവള്ളി സ്വദേശി പിടിയില്. വടകര റൂറല് എസ്പിക്ക് ലഭിച്ച രഹസ്യ വിവരത്തെ തുടര്ന്ന് എസ്പിയുടെ സ്പെഷല് സ്ക്വാഡും പേരാമ്പ്ര ഡിവൈഎസ്പിയുടെ സ്ക്വാഡും പെരുവണ്ണാമൂഴി പോലീസും ചേര്ന്ന് നടത്തിയ പരിശോധനയിലാണ് കൊടുവള്ളി ഉള്ളിയാടന് കുന്നുമ്മല് മുഹമ്മദ് സാബിത് (27) പിടിയിലായത്.
ഇന്നലെ വൈകുന്നേരം പന്തിരിക്കര മഹിമ പാലത്തിന് സമീപത്ത് വച്ചാണ് പ്രതിയെ പിടികൂടിയത്. സ്കൂട്ടറിന്റെ ഡിക്കിയില് ബാഗില് ഒളിപ്പിച്ച നിലയിലായിരുന്നു പണം. കൊടുവള്ളിയില് നിന്ന് കല്ലാച്ചിയിലേക്ക് വിതരണം ചെയ്യാനായി കൊണ്ടുപോകുന്ന പണമാണെന്നും ജില്ലയിലെ പല ഭാഗങ്ങളിലേക്കും ഇയാള് കുഴല്പ്പണം വിതരണം ചെയ്യാറുണ്ടെന്നും പോലീസ് പറഞ്ഞു.
പെരുവണ്ണാമൂഴി സബ് ഇന്സ്പെക്ടര്മാരായ കെ. മുനീര്, എന്.കെ. ദിനേശ്, എസ്സിപിഒ എം.പി. അനൂപ്, സിഞ്ചുദാസ്, സ്ക്വാഡ് അംഗങ്ങളായ അസിസ്റ്റന്റ് സബ് ഇന്സ്പെക്ടര് സി.എം. സുനില്കുമാര്, സിപിഒമാരായ ഡി.ബി. ലിധിന്, മിഥുന് മോഹന് എന്നിവരാണ് സംഘത്തില് ഉണ്ടായിരുന്നത്.
Tags : Local News Nattuvishesham Kozhikode