4

അ​ടി​മാ​ലി: മാ​മ​ല​ക്ക​ണ്ടം പി​ണ​വൂ​ർ ചെ​റു​കി​ട ജ​ല​വൈ​ദ്യു​ത പ​ദ്ധ​തി​ക്കെ​തി​രേ പ്ര​തി​ഷേ​ധ​വു​മാ​യി പ്ര​ദേ​ശ​വാ​സി​ക​ൾ. പ​ദ്ധ​തി ന​ട​പ്പാ​ക്കി​യാ​ൽ പ്ര​ദേ​ശ​ത്തെ ടൂ​റി​സം സാ​ധ്യ​ത ഇ​ല്ലാ​താ​കു​മെ​ന്നും പാ​രി​സ്ഥി​തി​ക പ്ര​ശ്ന​ങ്ങ​ൾ നേ​രി​ടേ​ണ്ടി വ​രു​മെ​ന്നു​മാ​ണ് പ്ര​ദേ​ശ​വാ​സി​ക​ളു​ടെ ആ​രോ​പ​ണം. പ​ദ്ധ​തി​യു​ടെ മ​റ​വി​ൽ പാ​റ തു​ര​ന്ന് ക​രി​ങ്ക​ല്ല് ക​ട​ത്താ​നാ​ണ് ല​ക്ഷ്യംവ​യ്ക്കു​ന്ന​തെ​ന്നും നാ​ട്ടു​കാ​ർ ആ​രോ​പി​ച്ചു.

എ​റ​ണാ​കു​ളം, ഇ​ടു​ക്കി ജി​ല്ല​ക​ളു​ടെ അ​തി​ർ​ത്തി​യാ​യ മാ​മ​ല​ക്ക​ണ്ട​ത്താ​ണ് സ്വ​കാ​ര്യവ്യ​ക്തി ചെ​റു​കി​ട ജ​ല​വൈ​ദ്യു​ത പ​ദ്ധ​തി ന​ട​പ്പാ​ക്കാ​ൻ ല​ക്ഷ്യ​മി​ടു​ന്ന​ത്. പ​ദ്ധ​തി​യു​ടെ ഭാ​ഗ​മാ​യി ഉ​രു​ളി​ക്കു​ഴി മു​ത​ൽ ആ​ന​ന്ദ കു​ടിവ​രെ മൂ​ന്നു മ​ല​ക​ൾ തു​ര​ന്നാ​ണ് വെ​ള്ളം കൊ​ണ്ടുപോ​കു​ന്ന​തി​നാ​യി ട​ണ​ൽ നി​ർ​മി​ക്കാ​ൻ ല​ക്ഷ്യ​മി​ട്ടി​രി​ക്കു​ന്ന​ത്. ഇ​ത് പ്ര​ദേ​ശ​ത്ത് വ​ലി​യ​തോ​തി​ലു​ള്ള മ​ണ്ണി​ടി​ച്ചി​ലിനും മ​നു​ഷ്യ-വ​ന്യ​ജീ​വി സം​ഘ​ർ​ഷ​ത്തി​നും ഇ​ട​യാ​ക്കും. ട​ണ​ൽ ക​ട​ന്നുപോ​കു​ന്ന​ത് വ​ന​മേ​ഖ​ല​യി​ൽക്കൂ​ടി​യാ​ണ്. പ​ദ്ധ​തി​യു​ടെ ഭാ​ഗ​മാ​യി പാ​റ ഖ​ന​നം ന​ട​ത്തു​മ്പോ​ൾ ആ​നയ​ട​ക്ക​മു​ള്ള വ​ന്യ​ജീ​വി​ക​ളു​ടെ സ്വൈരവിഹാ​ര​ത്തി​ന് ത​ട​സ​മാ​കു​ക​യും പ്ര​ദേ​ശ​ത്ത് രൂ​ക്ഷ​മാ​യ മ​നു​ഷ്യ-വ​ന്യ​ജീ​വി സം​ഘ​ർ​ഷ​ത്തി​ന് ഇ​ട​വ​രു​ത്തു​ക​യും ചെ​യ്യും.

ഉ​രു​ളി​ക്കു​ഴി വെ​ള്ള​ച്ചാ​ട്ടം കാ​ണാ​ൻ നി​ര​വ​ധി സ​ഞ്ചാ​രി​ക​ളാ​ണ് ഇ​വി​ടെ​യെ​ത്തു​ന്ന​ത്. വ​ർ​ഷ​ത്തി​ൽ അ​ഞ്ചു​ മാ​സം​ മാ​ത്ര​മേ ഉ​രു​ളി​ക്കു​ഴി തോ​ട്ടി​ൽ വെ​ള്ളം ഉ​ണ്ടാ​കു​ക​യു​ള്ളൂ. വ​ർ​ഷ​ങ്ങ​ൾ​ക്കു മു​മ്പ് ഇ​വി​ടെ മ​റ്റൊ​രു പ​ദ്ധ​തി​ക്ക് തു​ട​ക്ക​മി​ട്ടി​രു​ന്നു. വെ​ള്ള​മി​ല്ലാ​തെ വ​ന്ന​തോ​ടെ ഈ ​പ​ദ്ധ​തി​യും നി​ല​ച്ചു. ക​ഴി​ഞ്ഞ പ​ഞ്ചാ​യ​ത്ത് ഭ​ര​ണ​സ​മി​തി​യാ​ണ് പ​ദ്ധ​തി​ക്ക് അ​നു​മ​തി ന​ൽ​കി​യ​ത്. ഇ​തി​ന്‍റെ ഭാ​ഗ​മാ​യി ഉ​ദ്യോ​ഗ​സ്ഥ​ർ സ​ർ​വേ​യ്ക്ക് എ​ത്തി​യ​പ്പോ​ഴാ​ണ് പ്ര​ദേ​ശ​വാ​സി​ക​ൾ പ​ദ്ധ​തി​യു​ടെ വി​വ​ര​ങ്ങ​ൾ അ​റി​ഞ്ഞ​ത്.

പ​ദ്ധ​തി ന​ട​പ്പാ​ക്കി​യാ​ൽ മാ​മ​ല​ക്ക​ണ്ടം മേ​ഖ​ല​യി​ൽ വ​ലി​യതോ​തി​ലു​ള്ള പാ​രി​സ്ഥി​തികാ​ഘാ​ത​ങ്ങ​ൾ ഉ​ണ്ടാ​കു​മെ​ന്നും ഇ​തി​നെ​തി​രേ ശ​ക്ത​മാ​യ പ്ര​തി​ഷേ​ധ​വു​മാ​യി രം​ഗ​ത്തി​റ​ങ്ങു​മെ​ന്നും നാ​ട്ടു​കാ​ർ മു​ന്ന​റി​യി​പ്പ് ന​ൽ​കി.

Tags : Nattuvishesham District news