11

തി​രു​വ​ല്ല: നി​ര​ണം സെ​ന്‍റ് മേ​രീ​സ് ഹൈ​സ്കൂ​ളി​ലെ വെ​ള്ള​പ്പൊ​ക്ക ദു​രി​താ​ശ്വാ​സ ക്യാ​മ്പി​ൽ ക​ഴി​യു​ന്ന ഒ​രു അ​മ്മ​യും മാ​ന​സി​ക വെ​ല്ലു​വി​ളി​ക​ൾ നേ​രി​ടു​ന്ന ര​ണ്ട് ആ​ൺ​മ​ക്ക​ളും വ​യോ​ധി​ക​നാ​യ പി​താ​വും നൊ​ന്പ​ര കാ​ഴ്ച​യാ​യി മാ​റു​ന്നു.

ത​ള​ർ​ന്നു കി​ട​ക്കു​ന്ന അ​മ്മ​യ്ക്ക് കൂ​ട്ടാ​ണ് 45ഉം 42 ​ഉം വ​യ​സു​ള്ള ര​ണ്ട് ആ​ൺ മ​ക്ക​ൾ. ഇ​രു​വ​രും മാ​ന​സി​ക വെ​ല്ലു​വി​ളി നേ​രി​ടു​ന്ന​വ​രാ​ണ്. ഇ​വ​ർ​ക്ക് കൂ​ട്ടാ​യു​ള്ള പി​താ​വി​നു പ്രാ​യം 79. നി​ര​ണം ഗ്രാ​മ പ​ഞ്ചാ​യ​ത്ത് രണ്ടാം വാ​ർ​ഡി​ൽ നി​ര​ണം വ​ട​ക്കും​ഭാ​ഗം തൈ​പ്പ​റ​മ്പി​ൽ മു​ഹ​മ്മ​ദ് കു​ഞ്ഞി​ന്‍റ് കു​ടും​ബ​മാ​ണ് വെ​ള്ള​പ്പൊ​ക്ക​ത്തി​ന്‍റെ ദു​ര​ന്ത​ത്തി​ൽ ദു​രി​താ​ശ്വാ​സ ക്യാ​മ്പി​ലെ​ത്തി​യ​ത്.

പ​ല വി​ധ​മാ​യ രോ​ഗ​ങ്ങ​ളാ​ൽ ത​ള​ർ​ന്ന് കി​ട​ക്കു​ന്ന75 വ​യ​സു​കാ​രി ഷെ​രീ​ഫാ ബീ​വി​യും മൂ​ത്ത മ​ക​ൻ ആ​ഷീ​മും ഇ​ള​യ മ​ക​ൻ ആ​രീ​ഷു​മാ​ണ് ദു​രി​താ​ശ്വാ​സ ക്യാ​മ്പി​ൽ ആ​രെ​യും വേ​ദ​നി​പ്പി​ക്കു​ന്ന കാ​ഴ്ച​യാ​കു​ന്നത്.

ത​ക​ർ​ച്ച​യി​ലാ​യ ഇ​വ​രു​ടെ വി​ട്ടീ​ൽ ക​ഴി​ഞ്ഞ ഒ​ന്നി​നു രാ​വി​ലെ വെ​ള്ളം ക​യ​റി​യ​തി​നേ തു​ട​ർ​ന്ന് നാ​ട്ടു​കാ​രും വാ​ർ​ഡ് മെം​ബ​റും ചേ​ർ​ന്ന് എ​ല്ലാ​വ​രെ​യും നി​ര​ണം സെ​ന്‍റ് മേ​രീ​സ് ഹൈ​സ്കൂ​ളി​ലെ ദു​രി​താ​ശ്വാ​സ ക്യാ​മ്പി​ൽ എ​ത്തി​ക്കു​ക​യാ​യി​രു​ന്നു.

തുട​ർ​ന്ന് സ്കൂ​ളി​ലെ സ്റ്റേ​ജി​ൽ ഇ​വ​രെ കി​ട​ത്തി. മ​ക്ക​ളാ​യ ആ​ഷി​മും ആ​രീ​ഷും അ​മ്മ​യു​ടെ കാ​ൽ​ക്ക​ൽ ഇ​രി​ക്കാ​ൻ തു​ട​ങ്ങി. പ്രാ​ഥ​മി​ക കാ​ര്യ​ങ്ങ​ൾ നി​ർ​വഹി​ക്കാ​ൻ അ​ല്ലാ​തെ ഇ​വ​ർ അ​മ്മ​യു​ടെ കാ​ൽ​ക്ക​ലി​ൽ നി​ന്ന് എ​ഴു​നേ​ൽ​ക്കാ​താ​യ​ത്തോ​ടെ ക്യാ​മ്പു​വാ​സി​ക​ളി​ൽ വേ​ദ​ന​യു​ള​വാ​ക്കി. ഷെ​രീ​ഫ ബീ​വി​യ്ക്ക് ഭ​ർ​ത്താ​വ് മു​ഹ​മ്മ​ദ് കു​ഞ്ഞ് ഭ​ക്ഷ​ണം വ​രെ വാ​രി കൊ​ടു​ക്ക​ണം. ക​ഴി​ഞ്ഞ ഒ​ൻ​പ​ത് ദി​വ​സ​മാ​യി ഈ ​കാ​ഴ്ച​യാ​ണ് ക്യാ​മ്പി​ൽ കാ​ണാ​ൻ സാ​ധി​ക്കു​ന്ന​ത്.​

മു​ഹ​മ്മ​ദ് കു​ഞ്ഞിന്‍റെ മൂ​ത്ത മ​ക​ൻ ആ​ഷിം മു​സ​്ലിയാ​ർ പ​ഠ​നം പൂ​ർ​ത്തി​യാ​ക്കി​യ​തി​ന് ശേഷമാണ് മാ​ന​സി​ക രോ​ഗം പി​ടി​പെട്ട​ത്.
ഇ​ള​യ മ​ക​ൻ ആ​രീ​ഷ് വി​ദേ​ശ​ത്ത് ജോ​ലി ചെ​യ്ത ശേ​ഷം നാ​ട്ടി​ൽ തി​രി​കെ എ​ത്തി​ ഓ​ട്ടോ റി​ക്ഷ ഓ​ടി​ക്കു​മ്പോ​ഴാ​ണ് മാ​ന​സി​ക പ്ര​ശ്ന​ങ്ങ​ൾ ഉ​ണ്ടാ​കു​ന്ന​ത്.

ഇ​വ​ർ താ​മ​സി​ക്കു​ന്ന വീ​ട് ത​ക​ർ​ച്ച നേ​രി​ടു​ന്ന​താ​ണ്. ഇ​വ​ർ​ക്ക് ഒ​രു വീ​ടും ജീ​വി​തം മു​ന്നോ​ട്ട് നീ​ക്കാ​നു​ള്ള മാ​ർ​ഗ​വും അ​നി​വാ​ര്യ​മാ​ണ്. ക്യാ​ന്പി​ൽ സ​ഹാ​യി​ക​ളാ​യി പ​ഞ്ചാ​യ​ത്തം​ഗ​ങ്ങ​ളും ചു​മ​ത​ല​ക്കാ​രു​മൊ​ക്കെ യുണ്ട്. വീ​ട്ടി​ലേ​ക്ക് മ​ട​ങ്ങു​ന്പോ​ഴ​ത്തെ ഇ​വ​രു​ടെ ജീ​വി​തം നാ​ട്ടു​കാ​രു​ടെ​യും വേ​ദ​ന​യാ​ണ്.

Tags : Nattuvishesham DistrictNews DeepikaNews relief camp.