22

കുമര​കം: ആ​ല​പ്പു​ഴ പു​ന്ന​മ​ടക്കാ​യ​ലി​ൽ ഇ​ന്നു ന​ട​ക്കു​ന്ന ഓ​ള​പ്പ​ര​പ്പി​ലെ ഒ​ളിമ്പി​ക്സ് എ​ന്ന​റി​യ​പ്പെ​ടു​ന്ന നെ​ഹ്റു​ട്രോ​ഫി മ​ത്സ​ര​ത്തി​ൽ വി​ജ​യി​ച്ച് ഇ​ന്ത്യ​യു​ടെ പ്ര​ഥ​മ പ്ര​ധാ​ന​മ​ന്ത്രി പ​ണ്ഡി​റ്റ് ജ​വ​ഹ​ർ​ലാ​ൽ നെ​ഹ്റു​വി​ന്‍റെ ക​യ്യൊ​പ്പ് പ​തി​ഞ്ഞ വെ​ള്ളി​ക്ക​പ്പി​ൽ മു​ത്ത​മി​ടാ​ൻ കു​മ​ര​ക​ത്തുനി​ന്ന് ഇ​ക്കു​റി മൂ​ന്ന് ജ​ല​രാ​ജാ​ക്ക​ന്മാ​ർ മാ​റ്റു​ര​യ്ക്കും.

വി​വി​ധ ആ​രാ​ധ​നാ​ല​യ​ങ്ങ​ളി​ൽ നേ​ർ​ച്ച​ക​ൾ നേ​ർ​ന്ന് പ്രാ​ർ​ഥ​ന​യോ​ടെ ത​ങ്ങ​ളു​ടെ ക​ര​യി​ൽനി​ന്നും മ​ത്സ​രി​ക്കു​ന്ന ചു​ണ്ട​ൻവ​ള്ളം നെ​ഹ്റു ട്രോ​ഫി ഈ ​വ​ർ​ഷം നേ​ടിയെ​ടു​ക്കു​ന്ന​ത് കാ​ണാ​ൻ വ​ള്ളം​ക​ളി പ്രേ​മി​ക​ൾ ആ​ത്മ​വി​ശ്വാ​സ​ത്തോ​ടെ കാ​ത്തി​രി​പ്പി​ലാ​ണ്. പ​തി​റ്റാ​ണ്ടു​ക​ൾ മു​ൻ​പ് കു​മ​ര​കം ബോ​ട്ട് ക്ല​ബ്ബ് എ​ന്ന പേ​രി​ൽ ഒ​രേയൊരു ക്ല​ബ്ബാ​ണ് കു​മ​ര​ക​ത്തുനി​ന്നും മ​ത്സ​രി​ച്ചി​രു​ന്ന​ത്. പി​ന്നീ​ട് പ​ല ക്ല​ബ്ബു​ക​ളും നെ​ഹ്റു ട്രോ​ഫി​യി​ൽ പ​ങ്കെ​ടു​ക്കു​ക​യും വി​ജ​യി​ക്കു​ക​യും ചെ​യ്തി​രു​ന്നു. എ​ന്നാ​ൽ സാ​മ്പ​ത്തി​ക ബാ​ധ്യ​ത​ക​ളെ​ത്തു​ട​ർ​ന്ന് പ​ല ക്ല​ബ്ബു​ക​ളും വ​ള്ളം​ക​ളി രം​ഗ​ത്ത് നി​ന്നും ഒ​ഴി​വാ​യി. എ​ല്ലാ ടീ​മു​ക​ളും ത​ങ്ങ​ളു​ടെ ശ​ക്തി​യും മെ​യ്ക്കരു​ത്തും പ​രി​ശീ​ല​ന തു​ഴ​ച്ചി​ലി​ൽ പ്ര​ദ​ർ​ശി​പ്പി​ച്ചി​രു​ന്നു.

കു​മ​ര​കം ടൗ​ൺ ബോ​ട്ട് ക്ലബ് പു​ണ്യാ​ള​ൻ നി​ര​ണം ചു​ണ്ട​നി​ലും കു​മ​ര​കം ഇ​മ്മാ​നു​വേ​ൽ ബോ​ട്ട് ആ​ർ​പ്പൂ​ക്ക​ര ചു​ണ്ട​നി​ലും കെ​ടി​ബി​സി ഫാ​ൻ​സ് ക്ല​ബ് കു​മ​ര​കം ഇ​തു​വ​രെ നെ​ഹ്റു ട്രോ​ഫി നേ​ടി​യി​ട്ടി​ല്ലാ​ത്ത ശ്രീ​വി​നാ​യ​ക​ൻ ചു​ണ്ട​നി​ലു​മാ​ണ് കു​മ​ര​ക​ത്തി​നാ​യി മ​ത്സ​രി​ക്കു​ക.

നെ​ഹ്റു ട്രോ​ഫി പോ​രാ​ട്ട​ത്തി​ൽ കു​മ​ര​ക​ത്തെ വ​ള്ള​ങ്ങ​ൾ ഒ​രേ ഹീ​റ്റ്സി​ൽ മ​ത്സ​രി​ക്കുന്ന​ത് ഇ​ത്ത​വ​ണ കൗ​തു​കം ഉ​ണ​ർ​ത്തു​ന്നു. കു​മ​ര​കം ടൗ​ൺ ബോ​ട്ട് ക്ല​ബ്ബി​ന്‍റെ പു​ണ്യാ​ള​ൻ നി​ര​ണം ചു​ണ്ട​നും, ഇ​മ്മാ​നു​വേ​ൽ ബോ​ട്ട് ക്ല​ബ്ബി​ന്‍റെ ആ​ർ​പ്പു​ക്ക​ര ചു​ണ്ട​നും ത​മ്മി​ൽ അ​ഞ്ചാം ഹീ​റ്റ്സി​ൽ പ​ര​സ്പ​രം ഏ​റ്റു​മു​ട്ടും.

Tags : Nattuvishesham District News Nehru Trophy Water Festival