21

അ​മ്പ​ല​പ്പു​ഴ: പു​ന്ന​പ്ര​യു​ടെ വി​പ്ല​വസൂ​ര്യ​ൻ വിഎ​സ് വി​ടപ​റ​ഞ്ഞി​ട്ട് ഒ​രാ​ണ്ട്. ല​ക്ഷ​ക്ക​ണ​ക്കി​ന് ആ​രാ​ധ​ക​രു​ടെ മ​ന​സി​ൽ അ​ഴി​മ​തി​ക്കെ​തി​രേ ക​ടു​ത്ത നി​ല​പാ​ടെ​ടു​ത്ത വി​.എ​സ്. അച്യുതാനന്ദൻ ഇ​ന്നും ജീ​വി​ക്കു​ന്നു. മു​ഖ്യ​മ​ന്ത്രി, പ്ര​തി​പ​ക്ഷ നേ​താ​വ് തു​ട​ങ്ങി​യ പ​ദ​വി​യി​ൽ ഇ​രി​ക്കു​മ്പോ​ഴും പു​ന്ന​പ്ര​യി​ലെ വ​സ​തി​യി​ൽ എ​ത്തു​ന്ന​ത് അ​റി​ഞ്ഞാ​ല്‍ കൊ​ച്ചു​കു​ട്ടി​ക​ള്‍ക്ക് പോ​ലും ആ​വേ​ശ​മാ​യി​രു​ന്നു. പു​ന്ന​പ്ര വ​യ​ലാ​ര്‍ ര​ക്ത​സാ​ക്ഷി​ത്വ വാ​ര്‍ഷി​ക വാ​രാ​ച​ര​ണ പ​രി​പാ​ടി​ക​ളി​ല്‍ മു​ഖ്യ​സ്ഥാ​ന​മാ​ണ് വിഎ​സ് എ​ന്ന സ​മ​ര​പോ​രാ​ളി​ക്ക് ഉ​ണ്ടാ​യി​രു​ന്ന​ത്.

രാ​ഷ്‌​ട്രീ​യ​ത്തി​ലെ എ​ത്ര പ്ര​മു​ഖ​ര്‍ പ​ങ്കെ​ടു​ത്താ​ലും പു​ന്ന​പ്ര വ​യ​ലാ​ര്‍ ര​ക്ത​സാ​ക്ഷി​ത്വ വാ​രാ​ച​ര​ണം ഉ​ദ്‌​ഘാ​ട​നം ചെ​യ്തി​രു​ന്ന​ത് അ​തി​ന് അ​ര്‍ഹ​നാ​യ വി​എ​സ് ത​ന്നെ​യാ​യി​രു​ന്നു.

കു​ടും​ബ​ത്തോ​ടൊ​പ്പം വേ​ലി​ക്ക​ക​ത്ത് വീ​ട്ടി​ലാ​ണ് വി​എ​സ് വി​ശേ​ഷ ദി​വ​സം ഒ​ത്തു​ചേ​ര്‍ന്നി​രു​ന്ന​ത്. ഓ​ണം, വി​ഷു തു​ട​ങ്ങി​യ വി​ശേ​ഷ ദി​വ​സ​ങ്ങ​ളി​ല്‍ വീ​ട്ടി​ല്‍ എ​ത്തു​ന്ന​വ​ര്‍ക്ക് പാ​യ​സം ന​ല്‍കി​യാ​ണ് സ്വീ​ക​രി​ച്ചി​രു​ന്ന​ത്. ലു​ങ്കി​യും ബ​നി​യ​നും ധ​രി​ച്ച് വേ​ലി​ക്ക​ക​ത്തെ വീ​ട്ടു​മു​റ്റ​ത്ത് ചാ​രു​ക​സേ​ര​യി​ല്‍ പു​ഞ്ചി​രി​യോ​ടെ വ​ര​വേ​ല്‍ക്കു​ന്ന വി​എ​സി​നോ​ടൊ​പ്പം സൗ​ഹൃ​ദം പ​ങ്കി​ടാ​ന്‍ സു​ഹൃ​ത്തു​ക്ക​ളും എ​ത്തി​യി​രു​ന്നു. ഇ​ന്ന് ആ ​വീ​ടി​ന്‍റെ ചു​വ​രു​ക​ളി​ൽ നി​റ​യെ ഒ​രു കാ​ല​ഘ​ട്ട​ത്തി​ൽ വി​എ​സ് ന​ട​ത്തി​യ സ​മ​ര പോ​രാ​ട്ട​ങ്ങ​ൾ അ​ട​യാ​ള​പ്പെ​ടു​ത്തു​ന്ന ചി​ത്ര​ങ്ങ​ളാ​ണ്.

വി​എ​സ് ദി​ന​മാ​യാ​ണ് ഇ​ന്ന് സി​പി​എം ആ​ച​രി​ക്കു​ന്ന​ത്. അ​ദ്ദേ​ഹം അ​ന്ത്യ​വി​ശ്ര​മം കൊ​ള്ളു​ന്ന വ​ലി​യ ചു​ടു​കാ​ട് ര​ക്ത​സാ​ക്ഷി മ​ണ്ഡ​പ​ത്തി​ൽ ന​ട​ക്കു​ന്ന അ​നു​സ്മ​ര​ണ ച​ട​ങ്ങി​ൽ സി​പി​എം നേ​താ​ക്ക​ളാ​യ പി​ണ​റാ​യി വി​ജ​യ​ൻ, എം.​വി. ഗോ​വി​ന്ദ​ൻ മാ​ഷ് തു​ട​ങ്ങി നി​ര​വ​ധി നേ​താ​ക്ക​ളും​പ്ര​വ​ർ​ത്ത​ക​രും പ​ങ്കെ​ടു​ക്കും.

Tags : Nattuvishesham DistrictsNews DeepikaNews