കോഴിക്കോട്: കോഴിക്കോട് നഗരത്തില് വര്ധിച്ചുവരുന്ന മയക്കുമരുന്ന് മാഫിയകള്ക്കെതിരേ പോലീസ് ആരംഭിച്ച ഓപറേഷന് തൂഫാന് പ്രകാരം 17 ദിവസത്തിനുളളില് രജിസ്റ്റര് ചെയ്തത് 339 കേസുകള്.
കോഴിക്കോട് സിറ്റി പോലീസ് നടത്തിയ പ്രത്യേക പരിശോധനയില് 344 പ്രതികളെ അറസ്റ്റു ചെയ്തു. പോലീസ് പുറത്തുവിട്ട കണക്കുകള് പ്രകാരം എന്ഡിപിഎസ് ആക്ട് പ്രകാരം 299 കേസുകളാണ് രജിസ്റ്റര് ചെയ്തത്.
വലിയ അളവില് മയക്കുമരുന്ന് കൈവശം വച്ചതുമായി ബന്ധപ്പെട്ട് അഞ്ച് കൊമേഴ്സ്യല് കേസുകളും ഇടത്തരം അളവ് മയക്കുമരുന്ന് പിടികൂടിയതിന് രണ്ടു കേസുകളും രജിസ്റ്റര് ചെയ്തിട്ടുണ്ട്. പിടിച്ചെടുത്ത മയക്കുമരുന്നുകളുടെ വിവരങ്ങള്: കഞ്ചാവ്: 962.03 ഗ്രാം, എംഡിഎംഎ: 274.07 ഗ്രാം, ഹാഷിഷ് ഓയില്: 4.32 ഗ്രാം, ബ്രൗണ് ഷുഗര്: 0.18 ഗ്രാം. കഞ്ചാവ് ചെടികള്: രണ്ട് എണ്ണം.
കഞ്ചാവ് ബീഡികള് ഉപയോഗിച്ചതുമായി ബന്ധപ്പെട്ട് 293 കേസുകളാണ് റിപ്പോര്ട്ട് ചെയ്തത്. ഈ മാസം ഏഴിനാണ് കൂടുതല് കേസുകള് രജിസ്റ്റര് ചെയ്തത്. 31 എണ്ണം.
മൂന്ന്, നാല് തീയതികളില് 29 കേസുകള് വീതമാണ് റിപ്പോര്ട്ട് ചെയ്തത്. വരും ദിവസങ്ങളിലും ലഹരി വിപണനത്തിനും ഉപയോഗത്തിനുമെതിരേ നഗരത്തില് പരിശോധനകള് കൂടുതല് ശക്തമാക്കുമെന്ന് സിറ്റി പോലീസ് അറിയിച്ചു.
Tags : Local News Nattuvishesham Kozhikode