8

കാ​ഞ്ഞി​ര​പ്പ​ള്ളി: കാ​ഞ്ഞി​ര​പ്പ​ള്ളി​പോ​ലീ​സ് സ്റ്റേ​ഷ​ൻ സ്കൂ​ൾ സേ​ഫ്റ്റി ഗ്രൂ​പ്പി​ന്‍റെ ആ​ഭി​മു​ഖ്യ​ത്തി​ൽ സം​സ്ഥാ​ന സ​ർ​ക്കാ​രി​ന്‍റെ മ​യ​ക്കു​മ​രു​ന്നു​വി​രു​ദ്ധ പ​ദ്ധ​തി​യാ​യ ഓ​പ്പേ​റ​ഷ​ൻ തൂ​ഫാ​നു​മാ​യി ബ​ന്ധ​പ്പെ​ട്ട് കൂ​വ​പ്പ​ള്ളി സെ​ന്‍റ് ജോ​സ​ഫ് ഹൈ​സ്കൂ​ളി​ൽ സ്കൂ​ൾ പ്രൊ​ട്ട​ക്‌​ഷ​ൻ ഗ്രൂ​പ്പ് മീ​റ്റിം​ഗും കു​ട്ടി​ക​ൾ​ക്കും അ​ധ്യാ​പ​ക​ർ​ക്കു​മു​ള്ള ബോ​ധ​വ​ത്ക​ര​ണ ക്ലാ​സും ന​ട​ത്തി.

എ​രു​മേ​ലി സ​ബ് ഇ​ൻ​സ്‌​പെ​ക്‌​ട​ർ നെ​ൽ​സ​ൺ ക്ലാ​സ് ന​യി​ക്കു​ക​യും വി​ദ്യാ​ർ​ഥി​ക​ളു​മാ​യി സം​വ​ദി​ക്കു​ക​യും ചെ​യ്തു. പി​ടി​എ പ്ര​സി​ഡ​ന്‍റ് എം.​എ​ൻ. മ​നോ​ജ്, വാ​ർ​ഡ് മെം​ബ​ർ ജോ​സ​ഫ് സെ​ബാ​സ്റ്റ്യ​ൻ, വ്യാ​പാ​രി പ്ര​തി​നി​ധി സോ​ണി സെ​ബാ​സ്റ്റ്യ​ൻ, ഓ​ട്ടോ ഡ്രൈ​വ​ർ യൂ​ണി​യ​ൻ പ്ര​തി​നി​ധി ലി​ജോ​മോ​ൻ, എം​പി​ടി​എ പ്ര​സി​ഡ​ന്‍റ് മ​ജി​ത ബി​ജു, സ​ജി​മോ​ൾ സു​രേ​ഷ്, കാ​ഞ്ഞി​ര​പ്പ​ള്ളി പോ​ലീ​സ് സ്റ്റേ​ഷ​ൻ എ​സ്ഐ അ​നി​ൽ​കു​മാ​ർ, എ​എ​സ്ഐ സീ​ന, സി​പി​ഒ ബി​നോ​യ്മോ​ൻ എ​ന്നി​വ​ർ പ്ര​സം​ഗി​ച്ചു.

പു​തി​യ അ​ധ്യ​യ​ന വ​ർ​ഷ​ത്തി​ൽ വി​ദ്യാ​ർ​ഥി​ക​ളു​ടെ സു​ര​ക്ഷ ഉ​റ​പ്പാ​ക്കു​ന്ന​തി​നും ല​ഹ​രി​വി​പ​ത്തി​നെ​തി​രേ പ്ര​തി​രോ​ധം തീ​ർ​ക്കു​ന്ന​തി​നു​മാ​യി സ്കൂ​ൾ സം​ര​ക്ഷ​ണ​സ​മി​തി​യു​ടെ പ്ര​ത്യേ​ക യോ​ഗം ചേ​ർ​ന്നു. ഹെ​ഡ്മി​സ്ട്ര​സ് ജോ​ഷി​ന മേ​രി അ​ധ്യ​ക്ഷ​ത വ​ഹി​ച്ചു. സ്കൂ​ൾ​സ​മ​യ​ത്തി​നു​ശേ​ഷം കു​ട്ടി​ക​ൾ ടൗ​ണി​ൽ കൂ​ടു​ത​ൽ സ​മ​യം ചു​റ്റി​ത്തി​രി​യു​ന്ന​തും പു​ക​യി​ല ഉ​ത്പ​ന്ന​ങ്ങ​ൾ ഉ​പ​യോ​ഗി​ക്കു​ന്ന​തും ത​ട​യാ​ൻ യോ​ഗ​ത്തി​ൽ തീ​രു​മാ​ന​മെ​ടു​ത്തു.

കു​ട്ടി​ക​ൾ​ക്ക് ല​ഹ​രി​വ​സ്തു​ക്ക​ൾ വി​ല്പ​ന ന​ട​ത്തു​ന്ന വ്യാ​പാ​രി​ക​ളു​ടെ വി​വ​ര​ങ്ങ​ൾ ശേ​ഖ​രി​ച്ച് പോ​ലീ​സി​ന് കൈ​മാ​റും. ഇ​ത്ത​രം ക​ട​ക​ൾ​ക്കെ​തി​രേ ഉ​ട​ന​ടി നി​യ​മ​ന​ട​പ​ടി സ്വീ​ക​രി​ക്കു​മെ​ന്ന് യോ​ഗ​ത്തി​ൽ പ​ങ്കെ​ടു​ത്ത പോ​ലീ​സ് പ്ര​തി​നി​ധി​ക​ൾ പ​റ​ഞ്ഞു. വി​ദ്യാ​ർ​ഥി​ക​ൾ സ്കൂ​ൾ​വി​ട്ട​തി​നു​ശേ​ഷം സു​ര​ക്ഷി​ത​മാ​യി ബ​സു​ക​ളി​ൽ ക​യ​റി പോ​കു​ന്നു​ണ്ടെ​ന്ന് ഉ​റ​പ്പാ​ക്കാ​ൻ അ​ധ്യാ​പ​ക​ർ​ക്ക് ബ​സ് സ്റ്റോ​പ്പ് പ​രി​സ​ര​ങ്ങ​ളി​ൽ റൊ​ട്ടേ​ഷ​ൻ അ​ടി​സ്ഥാ​ന​ത്തി​ൽ പ്ര​ത്യേ​ക ഡ്യൂ​ട്ടി നി​ശ്ച​യി​ച്ചു.

വ​രും​ദി​വ​സ​ങ്ങ​ളി​ൽ കു​ട്ടി​ക​ൾ​ക്കാ​യി ട്രാ​ഫി​ക് പ​രി​ശീ​ല​നം, ല​ഹ​രി​വി​രു​ദ്ധ ബോ​ധ​വ​ത്ക​ര​ണം, സോ​ഷ്യ​ൽ മീ​ഡി​യ കെ​ണി​ക​ൾ എ​ന്നി​വ​യെ​ക്കു​റി​ച്ച് വി​ദ​ഗ്ധ​രെ പ​ങ്കെ​ടു​പ്പി​ച്ച് ക്ലാ​സു​ക​ൾ സം​ഘ​ടി​പ്പി​ക്കും.

Tags : nattu vishesham Operation Toofan