12

നെ​ടു​ങ്ക​ണ്ടം: ഓ​പ്പ​റേ​ഷ​ന്‍ തൂ​ഫാ​ന്‍റെ ഭാ​ഗ​മാ​യി പ​രി​ശോ​ധ​ന ശ​ക്ത​മാ​ക്കി​യ​തോ​ടെ നെ​ടു​ങ്ക​ണ്ടം മേ​ഖ​ല​യി​ല്‍ ല​ഹ​രി​വി​ല്‍​പ്പ​ന​ക്കാ​ര്‍ പു​തു​വ​ഴി തേ​ടു​ന്നു.

പ്ര​ധാ​ന റോ​ഡു​ക​ളി​ലും ടൗ​ണ്‍ കേ​ന്ദ്രീ​ക​രി​ച്ചു​മു​ള്ള പ​രി​ശോ​ധ​ന ശ​ക്ത​മാ​യ​തോ​ടെ​യാ​ണ് കാ​ടു​പി​ടി​ച്ച പ്ര​ദേ​ശ​ങ്ങ​ളും ഒ​റ്റ​പ്പെ​ട്ട ഇ​ട​വ​ഴി​ക​ളും ല​ഹ​രി​വി​ല്‍​പ​ന​യ്ക്കാ​യി ഉ​പ​യോ​ഗി​ക്കു​ന്ന​തെ​ന്നാ​ണ് വി​വ​രം.​ക​ല്ലാ​ര്‍ മു​ത​ല്‍ തൂ​ക്കു​പാ​ലം വ​രെ​യു​ള്ള പ്ര​ധാ​ന റോ​ഡു​ക​ളി​ലെ ആ​ളൊ​ഴി​ഞ്ഞ ഇ​ട​വ​ഴി​ക​ള്‍, കാ​ടു​പി​ടി​ച്ച് കി​ട​ക്കു​ന്ന സ്ഥ​ല​ങ്ങ​ള്‍, വി​ജ​ന​മാ​യ പ്ര​ദേ​ശ​ങ്ങ​ള്‍ എ​ന്നി​വ കേ​ന്ദ്രീ​ക​രി​ച്ചാ​ണ് ഇ​പ്പോ​ള്‍ ല​ഹ​രി കൈ​മാ​റ്റം ന​ട​ക്കു​ന്ന​താ​യി വി​വ​രം.

വാ​ഹ​ന​ങ്ങ​ളി​ലും പൊ​തു​സ്ഥ​ല​ങ്ങ​ളി​ലും പ​രി​ശോ​ധ​ന ശ​ക്ത​മാ​യ​തോ​ടെ നേ​രി​ട്ട് പി​ടി​ക്ക​പ്പെ​ടാ​നു​ള്ള സാ​ധ്യ​ത ഒ​ഴി​വാ​ക്കു​ന്ന​തി​നാ​ണ് വി​ല്‍​പ​ന​ക്കാ​ര്‍ ഇ​ത്ത​രം സ്ഥ​ല​ങ്ങ​ള്‍ തെ​ര​ഞ്ഞെ​ടു​ക്കാ​ന്‍ കാ​ര​ണം. ക​ഞ്ചാ​വ്, രാ​സ​ല​ഹ​രി​വ​സ്തു​ക്ക​ള്‍, നി​രോ​ധി​ത പു​ക​യി​ല ഉ​ത്പ​ന്ന​ങ്ങ​ള്‍ എ​ന്നി​വ​യു​ടെ വി​ല്‍​പ​ന​യും വി​ത​ര​ണ​വും മേ​ഖ​ല​യി​ല്‍ തു​ട​രു​ന്ന​താ​യാ​ണ് വി​വ​രം. ചെ​റി​യ സം​ഘ​ങ്ങ​ളാ​യി പ്ര​വ​ര്‍​ത്തി​ക്കു​ന്ന ഇ​ട​നി​ല​ക്കാ​രാ​ണ് ആ​വ​ശ്യ​ക്കാ​ര്‍​ക്ക് ല​ഹ​രി​വ​സ്തു​ക്ക​ള്‍ എ​ത്തി​ച്ചു​ന​ല്‍​കു​ന്ന​തെ​ന്നും സൂ​ച​ന​യു​ണ്ട്.

തൊ​ഴി​ലാ​ളി​ക​ളെ ല​ക്ഷ്യ​മി​ട്ട് ഇ​ട​നി​ല​ക്കാ​ര്‍

നെ​ടു​ങ്ക​ണ്ടം മേ​ഖ​ല​യി​ലെ വി​വി​ധ സ്ഥാ​പ​ന​ങ്ങ​ളി​ലും ഏ​ല​ത്തോ​ട്ട​ങ്ങ​ളി​ലും നി​ര്‍​മാ​ണ​മേ​ഖ​ല​ക​ളി​ലു​മാ​യി ഏ​ക​ദേ​ശം ര​ണ്ടാ​യി​ര​ത്തോ​ളം അ​തി​ഥി​ത്തൊ​ഴി​ലാ​ളി​ക​ള്‍ താ​മ​സി​ക്കു​ക​യും ജോ​ലി ചെ​യ്യു​ക​യും ചെ​യ്യു​ന്നു​ണ്ടെ​ന്നാ​ണ് ക​ണ​ക്ക്. ഇ​വ​രെ ല​ക്ഷ്യ​മി​ട്ടും ല​ഹ​രി​വി​ല്‍​പ​ന സം​ഘ​ങ്ങ​ള്‍ പ്ര​വ​ര്‍​ത്തി​ക്കു​ന്നു​ണ്ട്. അ​തി​ഥി​ത്തൊ​ഴി​ലാ​ളി​ക​ള്‍ താ​മ​സി​ക്കു​ന്ന മേ​ഖ​ല​ക​ളി​ലേ​ക്കു നേ​രി​ട്ട് എ​ത്താ​തെ ഇ​ട​നി​ല​ക്കാ​രെ ഉ​പ​യോ​ഗി​ച്ചാ​ണ് ല​ഹ​രി​വ​സ്തു​ക്ക​ള്‍ കൈ​മാ​റു​ന്ന​തെ​ന്നാ​ണ് സൂ​ച​ന. ആ​വ​ശ്യ​ക്കാ​രു​മാ​യി ബ​ന്ധ​പ്പെ​ടു​ക​യും സ്ഥ​ല​വും സ​മ​യ​വും നി​ശ്ച​യി​ച്ച് ആ​ളൊ​ഴി​ഞ്ഞ ഇ​ട​ങ്ങ​ളി​ല്‍ എ​ത്തി​ച്ചു​ന​ല്‍​കു​ക​യും ചെ​യ്യു​ന്ന രീ​തി​യാ​ണ് ചി​ല സം​ഘ​ങ്ങ​ള്‍ പി​ന്തു​ട​രു​ന്ന​തെ​ന്നാ​ണ് വി​വ​രം.

ല​ഹ​രി ഉ​പ​യോ​ഗം യു​വാ​ക്ക​ളി​ലേ​ക്കും വ്യാ​പി​ക്കു​ന്ന സാ​ഹ​ച​ര്യ​ത്തി​ല്‍ പ​രി​ശോ​ധ​ന കൂ​ടു​ത​ല്‍ ശ​ക്ത​മാ​ക്ക​ണ​മെ​ന്ന ആ​വ​ശ്യം ഉ​യ​രു​ന്നു​ണ്ട്. സ്‌​കൂ​ള്‍, കോ​ള​ജ് വി​ദ്യാ​ര്‍​ഥി​ക​ളെ​യും യു​വാ​ക്ക​ളെ​യും ല​ക്ഷ്യ​മി​ട്ടു​ള്ള വി​ല്‍​പ​ന ത​ട​യു​ന്ന​തി​നൊ​പ്പം അ​തി​ഥി​ത്തൊ​ഴി​ലാ​ളി​ക​ള്‍ താ​മ​സി​ക്കു​ന്ന കേ​ന്ദ്ര​ങ്ങ​ളി​ലും പ​രി​ശോ​ധ​ന ശ​ക്ത​മാ​ക്ക​ണ​മെ​ന്നാ​ണ് ആ​വ​ശ്യം.

ഒ​റ്റ​പ്പെ​ട്ട കേ​ന്ദ്ര​ങ്ങ​ളി​ല്‍ നി​രീ​ക്ഷ​ണം വേ​ണം

പ്ര​ധാ​ന റോ​ഡു​ക​ളി​ലും വ്യാ​പാ​ര​കേ​ന്ദ്ര​ങ്ങ​ളി​ലും പ​രി​ശോ​ധ​ന ന​ട​ക്കു​മ്പോ​ള്‍ ല​ഹ​രി​വി​ല്‍​പ​ന​ക്കാ​ര്‍ ഒ​റ്റ​പ്പെ​ട്ട സ്ഥ​ല​ങ്ങ​ളി​ലേ​ക്കു മാ​റു​ന്ന​ത് അി​കൃ​ത​ര്‍ ഗൗ​ര​വ​മാ​യി കാ​ണ​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം. രാ​ത്രി​കാ​ല പ​ട്രോ​ളിം​ഗ് ശ​ക്ത​മാ​ക്കു​ക​യും കാ​ടു​പി​ടി​ച്ചു​കി​ട​ക്കു​ന്ന സ്ഥ​ല​ങ്ങ​ളി​ലും ആ​ളൊ​ഴി​ഞ്ഞ ഇ​ട​വ​ഴി​ക​ള​ലും പ​രി​ശോ​ധ​ന ന​ട​ത്തു​ക​യും വേ​ണം.

ഓ​പ്പ​റേ​ഷ​ന്‍ തൂ​ഫാ​ന്‍റെ ഭാ​ഗ​മാ​യി ല​ഹ​രി​വി​ല്‍​പ​ന​യും ഉ​പ​യോ​ഗ​വും ത​ട​യാ​ന്‍ വി​വി​ധ വ​കു​പ്പു​ക​ളു​ടെ സം​യു​ക്ത പ​രി​ശോ​ധ​ന തു​ട​രു​ക​യാ​ണ്. ല​ഹ​രി​വി​ത​ര​ണ ശൃം​ഖ​ല​യി​ലെ പ്ര​ധാ​ന ക​ണ്ണി​ക​ളെ ക​ണ്ടെ​ത്തു​ന്ന​തി​നൊ​പ്പം ഇ​ട​നി​ല​ക്കാ​രെ​യും നി​രീ​ക്ഷി​ക്ക​ണ​മെ​ന്ന ആ​വ​ശ്യ​വും ശ​ക്ത​മാ​ണ്.

ല​ഹ​രി​വി​ല്‍​പ​ന​യു​ടെ രീ​തി​ക​ള്‍ മാ​റു​മ്പോ​ള്‍ പ​രി​ശോ​ധ​ന​യും നി​രീ​ക്ഷ​ണ​വും അ​തി​ന​നു​സ​രി​ച്ച് വ്യാ​പി​പ്പി​ക്ക​ണ​മെ​ന്ന​താ​ണ് ഉ​യ​രു​ന്ന ആ​വ​ശ്യം.

Tags : District News Nattuvishesham Operation Toofan Drug Mafia New Avenues