നിലന്പൂർ: വികസനത്തിൽ ജനപങ്കാളിത്തം ഉറപ്പുവരുത്തണമെന്ന് ആര്യാടൻ ഷൗക്കത്ത് എംഎൽഎ. നിലന്പൂർ മണ്ഡലത്തിന്റെ സമഗ്ര വികസന പദ്ധതിയായ വികാസ് വിഷൻ 2040ന്റെ ഭാഗമായി നടത്തിയ തദ്ദേശ സ്ഥാപന അധ്യക്ഷൻമാരുടെ യോഗം ഉദ്ഘാടനം ചെയ്യുകയായിരുന്നു അദ്ദേഹം. ജനങ്ങളുടെ ആവശ്യങ്ങളും നിർദേശങ്ങളും പരിഗണിച്ചുവേണം വികസന പദ്ധതികൾക്ക് രൂപം നൽകാൻ.
കേന്ദ്ര, സംസ്ഥാന സർക്കാർ ഫണ്ടുകളും തദ്ദേശ സ്ഥാപനങ്ങളുടെയും എംഎൽഎ, എംപി ഫണ്ടുകളും സംയോജിപ്പിച്ച് വികസനപദ്ധതികൾ ശ്രമിക്കുമെന്നും എംഎൽഎ വ്യക്തമാക്കി.
ബ്ലോക്ക് പഞ്ചായത്ത് പ്രസിഡന്റ് ബോബി സി. മാന്പ്ര ആധ്യക്ഷത വഹിച്ചു. ഡോ. ബാബു വർഗീസ് പദ്ധതി വിശദീകരിച്ചു. തദ്ദേശ സ്വയംഭരണ സ്ഥാപനങ്ങളിലെ അധ്യക്ഷന്മാരുടെയും ഉപാധ്യക്ഷന്മാരുടെയും സാന്നിധ്യത്തിൽ വിവിധ ഗ്രൂപ്പുകളായി 14 മേഖലകളെക്കുറിച്ച് ചർച്ച നടത്തി നിർദേശങ്ങൾ അവതരിപ്പിച്ചു. ജില്ലാ പഞ്ചായത്ത് അംഗങ്ങളായ എൻ.എ. കരീം, അഡ്വ. ജോസ്മി തോമസ്, നിലന്പൂർ നഗരസഭാ അധ്യക്ഷ പത്മിനി ഗോപിനാഥ്, ഇഖ്ബാൽ മുണ്ടേരി, വി.എ. കരീം, എ. ഗോപിനാഥ് എന്നിവർ പ്രസംഗിച്ചു.