18

കൊ​ല്ലം: കേ​ര​ള​ത്തി​ല്‍ ല​ഹ​രി മാ​ഫി​യ​യ്ക്കെ​തി​രെ പോ​ലീ​സ് ആ​രം​ഭി​ച്ച ‘ഓ​പ്പ​റേ​ഷ​ന്‍ തൂ​ഫാ​ന്‍' പ​ദ്ധ​തി പ്ര​കാ​രം, കൊ​ല്ലം ജി​ല്ല​യി​ല്‍ വി​വി​ധ പ​രി​ശോ​ധ​ന​ക​ളി​ലാ​യി നാ​നൂ​റോ​ളം കേ​സു​ക​ള്‍ ര​ജി​സ്റ്റ​ര്‍ ചെ​യ്യു​ക​യും ല​ഹ​രി-​മ​ദ്യ ഉ​ത്പ​ന്ന​ങ്ങ​ള്‍ പി​ടി​കൂ​ടു​ക​യും ചെ​യ്ത​താ​യി പോ​ലീ​സ് അ​റി​യി​ച്ചു.

തൂ​ഫാ​ന്‍ പ​ദ്ധ​തി ന​ട​പ്പി​ലാ​ക്കു​ന്ന​തി​ല്‍ പോ​ലീ​സി​നു വ​ലി​യ മു​ന്നേ​റ്റ​മു​ണ്ടാ​ക്കാ​നാ​യ​താ​യി മു​തി​ര്‍​ന്ന പോ​ലീ​സ് ഉ​ദ്യോ​ഗ​സ്ഥ​ര്‍ അ​റി​യി​ച്ചു. ല​ഹ​രി വേ​ട്ട​യ്ക്കി​റ​ങ്ങു​ന്ന പോ​ലീ​സ് സം​ഘ​ത്തി​ന് വി​വ​ര​ങ്ങ​ള്‍ കൈ​മാ​റാ​ന്‍ ഓ​രോ സ്റ്റേ​ഷ​നി​ലും ര​ണ്ടു സി​വി​ല്‍ പോലീ​സ് ഓ​ഫീ​സ​ര്‍​മാ​രെ​യും വി​വ​ര​ങ്ങ​ള്‍ ഏ​കോ​പി​പ്പി​ക്കാ​ന്‍ ര​ണ്ട് എ​സ്‌​ഐ​മാ​രെ​യും പ്ര​ത്യേ​കം നി​യോ​ഗി​ച്ച​താ​യും മു​തി​ര്‍​ന്ന പോ​ലീ​സ് ഉ​ദ്യോ​ഗ​സ്ഥ​ര്‍ അ​റി​യി​ച്ചു. കോ​ട​തി​ക​ളി​ലും ആ​ശു​പ​ത്രി​ക​ളി​ലും സ്‌​പെ​ഷ​ല്‍ ബ്രാ​ഞ്ച് ഉ​ദ്യോ​ഗ​സ്ഥ​രോ​ട് കൂ​ടു​ത​ല്‍ ശ്ര​ദ്ധി​ക്കാ​നും നി​ര്‍​ദേ​ശി​ച്ചി​ട്ടു​ണ്ട്. അ​തേ​സ​മ​യം, പോ​ലീ​സി​ന്‍റെ പ്ര​വ​ര്‍​ത്ത​നം തൃ​പ്തി​ക​ര​മ​ല്ലെ​ന്ന ആ​ക്ഷേ​പ​വും ഉ​യ​രു​ന്നു​ണ്ട്.

ല​ഹ​രി​മാ​ഫി​യ​ക​ള്‍​ക്കെ​തി​രേ ശ​ക്ത​മാ​യ നി​യ​മ​ന​ട​പ​ടി​ക​ള്‍ സ്വീ​ക​രി​ക്കു​ക, പൊ​തു​ജ​ന പ​ങ്കാ​ളി​ത്ത​ത്തോ​ടെ വ​ലി​യൊ​രു ജ​ന​കീ​യ പ്ര​തി​രോ​ധം തീ​ര്‍​ക്കു​ക എ​ന്നി​വ​യാ​ണ് ഈ ​പ​ദ്ധ​തി​യി​ലൂ​ടെ പോ​ലീ​സ് ല​ക്ഷ്യ​മി​ടു​ന്ന​ത്. സി​ന്ത​റ്റി​ക് മ​രു​ന്നു​ക​ളു​ടെ അ​തി​വേ​ഗ വ്യാ​പ​ന​ത്തെ പ്ര​തി​രോ​ധി​ക്കാ​ന്‍ ഡി​ജി​റ്റ​ല്‍ യു​ഗ​ത്തി​ന് അ​നു​യോ​ജ്യ​മാ​യ രീ​തി​യി​ലാ​ണ് ഈ ​പ​ദ്ധ​തി വി​ഭാ​വ​നം ചെ​യ്തി​രി​ക്കു​ന്ന​ത്. ല​ഹ​രി മാ​ഫി​യ​ക​ള്‍​ക്ക് നി​യ​മ​ത്തി​ന്‍റെ ക​ര്‍​ക്ക​ശ​മാ​യ മു​ന്ന​റി​യി​പ്പ് ന​ല്‍​കു​ന്ന​തി​നോ​ടൊ​പ്പം സാ​ധാ​ര​ണ​ക്കാ​ര്‍​ക്ക് പൂ​ര്‍​ണ സു​ര​ക്ഷി​ത​ത്വ​ബോ​ധം ഉ​റ​പ്പാ​ക്കാ​നും ഈ ​ദൗ​ത്യം ല​ക്ഷ്യ​മി​ടു​ന്നു.

400 കേ​സു​ക​ള്‍; 400 അ​റ​സ്റ്റ്

റൂ​റ​ല്‍, സി​റ്റി പോലീ​സ് ജി​ല്ല​ക​ള്‍​ക്ക് കീ​ഴി​ല്‍ ഏ​ക​ദേ​ശം 400 കേ​സു​ക​ളും അ​ത്ര​യും ത​ന്നെ പ്ര​തി​ക​ളെ​യും അ​റ​സ്റ്റ് ചെ​യ്തി​ട്ടു​ണ്ടെ​ന്നാ​ണ് തൂ​ഫാ​ന്‍ സം​ഘ​വു​മാ​യി ബ​ന്ധ​പ്പെ​ട്ട​വ​ര്‍ അ​വ​കാ​ശ​പ്പെ​ടു​ന്ന​ത്. കൊ​ല്ലം റൂ​റ​ല്‍ ജി​ല്ല​യി​ല്‍ മാ​ത്രം ജൂ​ണ്‍ 15 വ​രെ 177 കേ​സു​ക​ളി​ല്‍ 181 പേ​രെ അ​റ​സ്റ്റ് ചെ​യ്തി​ട്ടു​ണ്ട്. 428 ഗ്രാം ​ക​ഞ്ചാ​വും 16 ക​ഞ്ചാ​വ് ചെ​ടി​ക​ളും പി​ടി​കൂ​ടി​യി​ട്ടു​ണ്ട്.

ഇ​വ​യി​ല്‍ ഭൂ​രി​ഭാ​ഗ​വും ചെ​റി​യ അ​ള​വി​ല്‍ ക​ഞ്ചാ​വ് കൈ​വ​ശം വെ​ച്ച​തി​നും പൊ​തു​സ്ഥ​ല​ങ്ങ​ളി​ല്‍ ല​ഹ​രി ഉ​പ​യോ​ഗി​ച്ച​തി​നു​മെ​തി​രെ​യു​ള്ള കേ​സു​ക​ളാ​ണ്. കൂ​ടാ​തെ ക്രി​മി​ന​ല്‍ പ​ശ്ചാ​ത്ത​ല​മു​ള്ള​വ​രെ​യും അ​ന​ധി​കൃ​ത മ​ദ്യ​വി​ല്പന​ക്കാ​രെ​യും പോ​ലീ​സ് ക​സ്റ്റ​ഡി​യി​ലെ​ടു​ക്കു​ന്നു​ണ്ട്.

ഓ​പ്പ​റേ​ഷ​ന്‍റെ ഭാ​ഗ​മാ​യി കൊ​ല്ലം ഈ​സ്റ്റ് പോ​ലീ​സ് ന​ട​ത്തി​യ റെ​യ്ഡി​ല്‍ 20 ലി​റ്റ​റി​ല​ധി​കം ഇ​ന്ത്യ​ന്‍ നി​ര്‍​മി​ത വി​ദേ​ശ​മ​ദ്യ​വും സ​മീ​പ പ്ര​ദേ​ശ​മാ​യ പ​ത്ത​നാ​പു​ര​ത്ത്‌​ നി​ന്ന് 15 ല​ക്ഷം രൂ​പ വി​ല​മ​തി​ക്കു​ന്ന നി​രോ​ധി​ത ല​ഹ​രി പ​ദാ​ര്‍​ഥ​ങ്ങ​ളും പി​ടി​ച്ചെ​ടു​ത്തി​ട്ടു​ണ്ട്. മ​റ്റ് ജി​ല്ല​ക​ളെ അ​പേ​ക്ഷി​ച്ച് കൊ​ല്ല​ത്ത് വ്യാ​പാ​രി​ക​ളെ ല​ക്ഷ്യ​മി​ട്ടു​ള്ള വ​ലി​യ സി​ന്ത​റ്റി​ക് ഡ്ര​ഗ് വേ​ട്ട​ക​ള്‍ കു​റ​വാ​ണെ​ങ്കി​ലും എം​ഡി​എം​എ അ​ട​ക്ക​മു​ള്ള ല​ഹ​രി വ​സ്തു​ക്ക​ള്‍ പി​ടി​കൂ​ടി​യി​ട്ടു​ണ്ട്.

യു​വാ​ക്ക​ള്‍​ക്ക് കൗ​ണ്‍​സ​ലിം​ഗ്

നി​യ​മ​പ്ര​കാ​രം ഒ​രു കി​ലോ​ഗ്രാം വ​രെ​യു​ള്ള ക​ഞ്ചാ​വ് കൈ​വ​ശം വെ​ക്കു​ന്ന​ത് ജാ​മ്യം ല​ഭി​ക്കാ​വു​ന്ന കു​റ്റ​മാ​ണ്. അ​തു​കൊ​ണ്ട് ത​ന്നെ, ചെ​റി​യ അ​ള​വി​ല്‍ ല​ഹ​രി​വ​സ്തു​ക്ക​ളു​മാ​യി പി​ടി​ക്ക​പ്പെ​ടു​ന്ന ചെ​റു​പ്പ​ക്കാ​രെ കൗ​ണ്‍​സി​ലിം​ഗി​ലൂ​ടെ​യും എ​ക്‌​സൈ​സ് വ​കു​പ്പി​ന്‍റെ ‘വി​മു​ക്തി' പ​ദ്ധ​തി​യി​ലൂ​ടെ​യും ല​ഹ​രി​യു​ടെ പി​ടി​യി​ല്‍​നി​ന്നു മോ​ചി​പ്പി​ക്കാ​നു​ള്ള ക​ര്‍​ശ​ന​മാ​യ തി​രു​ത്ത​ല്‍ ന​ട​പ​ടി​ക​ള്‍​ക്കും പോ​ലീ​സ് മു​ന്‍​ഗ​ണ​ന ന​ല്‍​കു​ന്നു​ണ്ട്. ജി​ല്ലാ പോലീ​സി​ന്‍റെ നേ​തൃ​ത്വ​ത്തി​ല്‍ ല​ഹ​രി ഒ​ഴു​ക്കും പ്രാ​ദേ​ശി​ക വി​ത​ര​ണക്കാ​രെ​യും ത​ക​ര്‍​ക്കാ​ന്‍ ലക്ഷ്യ​മി​ട്ട് ന​ട​ത്തു​ന്ന ഈ ​സു​ര​ക്ഷാ പ​ദ്ധ​തി​ക്ക് പൊ​തു​ജ​ന​ങ്ങ​ളി​ല്‍​ നി​ന്നു വ​ലി​യ പി​ന്തു​ണ​യാ​ണ് ല​ഭി​ച്ചു​കൊ​ണ്ടി​രി​ക്കു​ന്ന​ത്.

പോ​ലീ​സി​ന്‍റെ പ്ര​വ​ര്‍​ത്ത​നം പോ​രെ​ന്ന് എ​ന്‍​ജി​ഒ​ക​ള്‍

മ​യ​ക്കു​മ​രു​ന്നി​നും ല​ഹ​രി വ്യാ​പ​ന​ത്തി​നു​മെ​തി​രേ പ്ര​വ​ര്‍​ത്തി​ക്കു​ന്ന സ​ന്ന​ദ്ധ​സം​ഘ​ട​ന​ക​ള്‍ ജി​ല്ല​യി​ല്‍ പോ​ലീ​സി​ന്‍റെ പ്ര​വ​ര്‍​ത്ത​നം പോ​രെ​ന്ന് കു​റ്റ​പ്പെ​ടു​ത്തു​ന്നു.

പി​ടി​ക്കു​ന്ന കേ​സു​ക​ളു​ടെ വി​വ​ര​ങ്ങ​ള്‍​വ​ച്ച് കൊ​ട്ടി​ഘോ​ഷി​ക്ക​ലും വാ​ര്‍​ത്ത ന​ല്‍​ക​ലും ന​ട​ക്കു​ന്നു​ണ്ടെ​ങ്കി​ലും അ​വ​യെ​ല്ലാം വ​ള​രെ നി​സാ​ര കേ​സു​ക​ളാ​ണെ​ന്നും അ​ന്വേ​ഷ​ണ​ത്തി​നും ന​ട​പ​ടി​ക്കും ഒ​ട്ടും വേ​ഗം പോ​രെ​ന്നു​മാ​ണ് മി​ക്ക എ​ന്‍​ജി​ഒ​ക​ളും പ​റ​യു​ന്ന​ത്.

ല​ഹ​രി​വി​രു​ദ്ധ വേ​ട്ട​ക​ള്‍​ക്ക് ക്വ​യി​ലോ​ണ്‍ സോ​ഷ്യ​ല്‍ സ​ര്‍​വീ​സ് സൊ​സൈ​റ്റി, കാ​പ്റ്റ​ന്‍​സ് സോ​ഷ്യ​ല്‍ ഫൗ​ണ്ടേ​ഷ​ന്‍, വി​വി​ധ സ​ഭാ-​സാ​മു​ദാ​യി​ക സം​ഘ​ട​ന​ക​ള്‍ നേ​തൃ​ത്വം ന​ല്‍​കു​ന്ന ല​ഹ​രി വി​മോ​ച​ന സ​മി​തി​ക​ള്‍ തു​ട​ങ്ങി​യ സ​ന്ന​ദ്ധ​സം​ഘ​ട​ന​ക​ള്‍ വ​ലി​യ രീ​തി​യി​ലു​ള്ള പ്രാ​ദേ​ശി​ക പി​ന്തു​ണ​യും വി​വ​ര​ശേ​ഖ​ര​ണ സ​ഹാ​യ​വും ന​ല്‍​കി​വ​രു​ന്നു​ണ്ട്.

ല​ഹ​രി മ​രു​ന്നു ക​ട​ത്തു​മാ​യി ബ​ന്ധ​പ്പെ​ട്ട് പോ​ലീ​സി​നു വി​വ​രം ല​ഭി​ക്കു​ന്നു​ണ്ടെ​ങ്കി​ലും റെ​യ്ഡു ന​ട​ത്താ​നോ പ്ര​തി​ക​ളെ പി​ന്തു​ട​ര്‍​ന്ന് വ​ലി​യ സം​ഘ​ങ്ങ​ളി​ലേ​ക്കെ​ത്താ​നോ പോ​ലീ​സി​നു ശു​ഷ്‌​കാ​ന്തി പോ​ര. ക​ഞ്ചാ​വും സി​ന്ത​റ്റി​ക്ക് മ​യ​ക്കു​മ​രു​ന്നും കേ​ര​ള​ത്തി​ലെ​ത്തു​ന്ന​ത് മ​റ്റു​സം​സ്ഥാ​ന​ങ്ങ​ളി​ല്‍​നി​ന്നാ​ണ്. അ​ത് പോ​ലീ​സും സ​മ്മ​തി​ക്കു​ന്നു.

ട്രെ​യി​നു​ക​ളി​ലും അ​ന്ത​ര്‍​സം​സ്ഥാ​ന ബ​സു​ക​ളി​ലു​മാ​യാ​ണ് ഇ​വ​യെ​ത്തു​ന്ന​ത്. എ​ന്നാ​ല്‍, ജി​ല്ല​യി​ല്‍ ട്ര​യി​നു​ക​ളി​ലും അ​ന്ത​ര്‍​സം​സ്ഥാ​ന ബ​സു​ക​ളി​ലും റെ​യി​ല്‍​വേ സ്റ്റേ​ഷ​നു​ക​ളി​ലും കാ​ര്യ​മാ​യ പ​രി​ശോ​ധ​ന​ക​ള്‍ ന​ട​ത്തു​ന്നി​ല്ലെ​ന്നും എ​ന്‍​ജി​ഒ​ക​ള്‍ കു​റ്റ​പ്പെ​ടു​ത്തു​ന്നു. ക​ര്‍​ണാ​ട​ക പോ​ലു​ള്ള അ​ന്യ​സം​സ്ഥാ​ന ന​ഗ​ര​ങ്ങ​ളി​ല്‍​നി​ന്നു ട്രെ​യി​നു​ക​ളി​ലും സ്വ​കാ​ര്യ വാ​ഹ​ന​ങ്ങ​ളി​ലു​മാ​യി പാ​ര്‍​ട്ടി ഡ്ര​ഗ്‌​സാ​യ എം​ഡി​എം​എ എ​ത്തി​ക്കു​ന്ന വ​ലി​യ ശൃം​ഖ​ല​ക​ളി​ലെ ക​ണ്ണി​ക​ള്‍ ജി​ല്ല​യി​ല്‍ സ​ജീ​വ​മാ​ണെ​ന്നു പോ​ലീ​സ് പ​റ​യു​ന്നു.
പേ​രി​ന് ചി​ല അ​റ​സ്റ്റ​ല്ലാ​തെ ശൃം​ഖ​ല ത​ക​ര്‍​ക്കു​ന്ന ന​ട​പ​ടി​ക​ളൊ​ന്നും പോ​ലീ​സ് എ​ടു​ത്തി​ട്ടി​ല്ലെ​ന്ന ആ​ക്ഷേ​പ​വും നി​ല​നി​ല്‍​ക്കു​ന്നു.

വാ​ഹ​ന​പ​രി​ശോ​ധ​ന​യും ഡ്രോ​പ് പോ​യി​ന്‍റിലെ പ​രി​ശോ​ധ​ന​യും ശോ​കം 

മ​റ്റു സം​സ്ഥാ​ന​ങ്ങ​ളി​ല്‍​നി​ന്നു ജി​ല്ല​യി​ലെ​ത്തു​ന്ന ല​ഹ​രി​വ​സ്തു​ക്ക​ള്‍ പി​ടി​ച്ചെ​ടു​ക്കു​ന്ന​തി​ല്‍ പ്ര​ധാ​ന പ​ങ്കു വ​ഹി​ക്കു​ന്ന​ത് വാ​ഹ​ന പ​രി​ശോ​ധ​ന​യി​ലൂ​ടെ​യാ​ണ്. എ​ന്നാ​ല്‍ അ​ക്കാ​ര്യ​ത്തി​ല്‍ പോ​ലീ​സി​നു വ​ലി​യ താ​ത്പ​ര്യ​മി​ല്ലെ​ന്നാ​ണ് ആ​ക്ഷേ​പം.

കൃ​ത്യ​മാ​യ വി​വ​രം ല​ഭി​ച്ചി​ട്ടും വാ​ഹ​ന​ങ്ങ​ള്‍ പ​രി​ശോ​ധി​ക്കു​ന്ന​തി​ല്‍ ന​ട​പ​ടി​യി​ല്ല. മ​യ​ക്കു​മ​രു​ന്നു കേ​സു​ക​ളി​ല്‍ ഏ​റ്റ​വും പ്ര​ധാ​ന​പ്പെ​ട്ട വി​വ​രം ല​ഭി​ക്കു​ന്ന​ത് ഫോ​ണു​ക​ളി​ലൂ​ടെ​യാ​ണ്.

ല​ഹ​രി​ക്ക​ട​ത്തു​മാ​യി ബ​ന്ധ​പ്പെ​ട്ടു പ്ര​വ​ര്‍​ത്തി​ക്കു​ന്ന​വ​രു​ടെ ഫോ​ണ്‍ ന​മ്പ​റു​ക​ള്‍ കേ​ന്ദീ​ക​രി​ച്ച് അ​ന്വേ​ഷ​ണം ന​ട​ത്തി​യാ​ല്‍​പ്പോ​ലും ഇ​പ്പോ​ഴു​ള്ള​തി​നെ​ക്കാ​ള്‍ കൂ​ടു​ത​ല്‍ ഫ​ല​മു​ണ്ടാ​വും. പ​ക്ഷേ, അ​ക്കാ​ര്യ​ത്തി​ലും പോ​ലീ​സ് മെ​ല്ല​പ്പോ​ക്കു ന​യ​മാ​ണു പി​ന്തു​ട​രു​ന്ന​തെ​ന്നു നാ​ട്ടു​കാ​ര്‍​ക്ക് ആ​ക്ഷേ​പ​മു​ണ്ട്.

ജി​ല്ല​യി​ല്‍ എ​ത്തി​ച്ച് ചി​ല്ല​റ വി​പ​ണ​ന​ക്കാ​ര്‍​ക്ക് ല​ഹ​രി വ​സ്തു​ക്ക​ള്‍ കൈ​മാ​റു​ന്ന​ത് പി​ടി​ച്ചാ​ല്‍​ത്ത​ന്നെ വ​ലി​യ നേ​ട്ട​മാ​ണ്. എ​ന്നാ​ല്‍ അ​തി​നു പ​ക​രം വ​ള​രെ ചെ​റി​യ അ​ള​വു​മാ​ത്രം കൈ​വ​ശം വ​യ്ക്കു​ന്ന ചി​ല്ല​റ​ക്കാ​രെ പി​ടി​ക്കാ​നാ​ണ് പോ​ലീ​സി​നി​ഷ്ടം. കാ​ര​ണം റി​സ്‌​ക് കു​റ​വാ​ണ​ല്ലോ.
ആ​ള്‍​ത്ത​മ​സ​മി​ല്ലാ​ത്ത വീ​ടു​ക​ളി​ലും കെ​ട്ടി​ട​ങ്ങ​ളി​ലും ആ​രു​ടെ​യും ശ്ര​ദ്ധ​യി​ല്‍​പ്പെ​ടാ​തെ ല​ഹ​രി​വ​സ്തു​ക്ക​ള്‍ സൂ​ക്ഷി​ക്കു​ന്ന​താ​ണ് ല​ഹ​രി​ക്ക​ട​ത്തു സം​ഘം പു​തി​യ​താ​യി പ​രീ​ക്ഷി​ക്കു​ന്ന രീ​തി​യെ​ന്നാ​ണ് പോ​ലീ​സ് പ​റ​യു​ന്ന​ത്.

ഡ്രോ​പ് പോ​യി​ന്‍റ് എ​ന്നാ​ണ് പോ​ലീ​സ് ഇ​ത്ത​രം സ്ഥ​ല​ങ്ങ​ളെ വി​ശേ​ഷി​പ്പി​ക്കു​ന്ന​ത്. കെ​ട്ട​ിട​ങ്ങ​ളു​ടെ ഭി​ത്തി​ക​ളി​ല്‍ രൂ​പ​പ്പെ​ട്ടി​രി​ക്കു​ന്ന സു​ഷി​ര​ങ്ങ​ളില്‍ ല​ഹ​രി​വ​സ്തു​ക്ക​ള്‍ ആ​രു​ടേ​യും ക​ണ്ണി​ല്‍​പ്പെ​ടാ​തെ സൂ​ക്ഷി​ക്കാ​മ​ല്ലോ. ഡ്രോ​പ് പോ​യി​ന്‍റുക​ള്‍ ക​ണ്ട​ത്താ​നു​ള്ള പ​രി​ശോ​ധ​ന​ക​ള്‍ ന​ട​ത്തു​ന്ന​തി​ലും ഇ​ത്ത​ര​ത്തി​ല്‍ ര​ഹ​സ്യ വി​വ​രം ല​ഭി​ച്ചാ​ല്‍ ന​ട​പ​ടി​യെ​ടു​ക്കു​ന്ന​തി​ലും പോ​ലീ​സ് പി​ന്നോ​ക്കം പോ​വു​ക​യാ​ണെ​ന്ന ആ​ക്ഷേ​പ​വും നി​ല​വി​ലു​ണ്ട്. ഇ​ത്ത​രം കേ​സു​ക​ളി​ല്‍ പ്രേ​ദേ​ശ​വാ​സി​ക​ളാ​ണ് പോ​ലീ​സി​നു വി​വ​രം ന​ല്‍​കാ​റു​ള്ള​ത്.

ഇ​ത്ത​രം വി​വ​രം ന​ല്‍ ന​ല്‍​കി​യാ​ലും പ​ല​പ്പോ​ഴും പോ​ലീ​സ് എ​ത്താ​ന്‍ വൈ​കാ​റു​ണ്ടെ​ന്നാ​ണു നാ​ട്ടു​കാ​ര്‍ കു​റ്റ​പ്പെ​ടു​ത്തു​ന്ന​ത്. മി​ക്ക​പ്പോ​ഴും പ്ര​തി​ക​ള്‍ ര​ക്ഷ​പ്പെ​ട്ട ശേ​ഷ​മാ​വും പോ​ലീ​സ് സ്ഥ​ല​ത്തെ​ത്താ​റെ​ന്നും നാ​ട്ടു​കാ​ര്‍ പ​റ​യു​ന്നു.

മ​യ​ക്കു​മ​രു​ന്ന് കേ​സു​ക​ൾ

കൊ​ല്ലം ജി​ല്ല​യി​ല്‍ 2025-2026 കാ​ല​യ​ള​വി​ല്‍ റി​പ്പോ​ര്‍​ട്ട് ചെ​യ്യ​പ്പെ​ട്ട മ​യ​ക്കു​മ​രു​ന്ന് കേ​സു​ക​ളു​ടെ വി​വ​ര​ങ്ങ​ള്‍എ​ക്‌​സൈ​സ് വ​കു​പ്പി​ന്‍റെ മാ​ത്രം ക​ണ​ക്കു​ക​ള്‍ പ്ര​കാ​രം കേ​സു​ക​ളു​ടെ എ​ണ്ണം: 1,083 കേ​സു​ക​ള്‍.

അ​റ​സ്റ്റി​ലാ​യ​വ​ര്‍: ആ​കെ 1,172 പ്ര​തി​ക​ളി​ല്‍, 1,118 പേ​രെ അ​റ​സ്റ്റ് ചെ​യ്തു. 2024-ല്‍ ​ജി​ല്ല​യി​ല്‍ 676 കേ​സു​ക​ളാ​യി​രു​ന്നു ഉ​ണ്ടാ​യി​രു​ന്ന​ത്. എ​ന്നാ​ല്‍ 2025 ആ​യ​പ്പോ​ഴേ​ക്കും കേ​സു​ക​ളു​ടെ എ​ണ്ണ​ത്തി​ല്‍ ഇ​ര​ട്ടി​യോ​ള​മാ​ണ് വ​ര്‍​ധ​ന​വു​ണ്ടാ​യ​ത്.

പിഴ 19 ലക്ഷത്തിലേറെ

ക​ഞ്ചാ​വ്-188.495 കി​ലോ​ഗ്രാം (കൂ​ടാ​തെ 96 ക​ഞ്ചാ​വു​ചെ​ടി​ക​ള്‍ ന​ശി​പ്പി​ച്ചു), എം​ഡി​എം​എ- 514.670 ഗ്രാം, ​മെ​ത്താം​ഫെ​റ്റാ​മി​ന്‍- 61.903 ഗ്രാം, ​ബ്രൗ​ണ്‍ ഷു​ഗ​ര്‍- 49.801 ഗ്രാം, ​ഹൈ​ബ്രി​ഡ് ക​ഞ്ചാ​വ്- 41.137 ഗ്രാം, ​നൈ​ട്രോ​സെ​പാം ഗു​ളി​ക​ക​ള്‍- 236.152 ഗ്രാം, ​ഹെ​റോ​യി​ന്‍- 6.4 ഗ്രാം, ​എ​ല്‍​എ​സ്ഡി- 0.089 ഗ്രാം, ​പു​ക​യി​ല ഉ​ത്പ​ന്ന​ങ്ങ​ള്‍ വി​റ്റ​തു​മാ​യി ബ​ന്ധ​പ്പെ​ട്ട് 9,940 കേ​സു​ക​ള്‍ ജി​ല്ല​യി​ല്‍ ര​ജി​സ്റ്റ​ര്‍ ചെ​യ്യു​ക​യും ഏ​ക​ദേ​ശം 19.88 ല​ക്ഷം രൂ​പ പി​ഴ ഈ​ടാ​ക്കു​ക​യും ചെ​യ്തി​ട്ടു​ണ്ട്.

‘ജ്വാ​ല 2026' വ​നി​താ​സം​ഗ​മം ഇ​ന്ന്

കൊല്ലം: കേ​ര​ള​ത്തെ ല​ഹ​രി​മു​ക്ത​മാ​ക്കാ​നു​ള്ള ആ​ഭ്യ​ന്ത​ര വ​കു​പ്പി​ന്‍റെ ജ​ന​കീ​യ ദൗ​ത്യ​മാ​യ ഓ​പ്പ​റേ​ഷ​ന്‍ തൂ​ഫാ​ന് പി​ന്തു​ണ പ്ര​ഖ്യാ​പി​ച്ച് ‘ജ്വാ​ല 2026' വ​നി​താ​സം​ഗ​മം ഇ​ന്ന് വൈ​കു​ന്നേ​രം നാ​ലി​ന് കൊ​ല്ലം കോ​ര്‍​പ​റേ​ഷ​ന്‍ ടൗ​ണ്‍ ഹാ​ളി​ല്‍ ന​ട​ക്കും.ആ​ഭ്യ​ന്ത​ര മ​ന്ത്രി ര​മേ​ശ് ചെ​ന്നി​ത്ത​ല പ​രി​പാ​ടി ഉ​ദ്ഘാ​ട​നം ചെ​യ്യും.

Tags : nattu vishesham thufan kerala police