ആലക്കോട്: മലയോര ഹൈവേയിൽ രയറോം കാക്കടവ് ബസ് സ്റ്റോപ്പിൽ കെഎസ്ആർടിസി പ്രിയദർശിനി ബസുകൾ നിർത്തുന്നില്ലെന്ന് പരാതി. നേരത്തെ ഇവിടെ നിർത്തിയിരുന്നതാണ്. പ്രിയദർശിനി സർവീസുകൾ തുടങ്ങിയതിന് ശേഷമാണ് യാത്രക്കാർ കൈനീട്ടിയാലും ബസ് നിർത്താതെ പോകുന്നതെന്നാണ് നട്ടുകാർ പറയുന്നത്.
ആർടിഒ അംഗീകൃത ബസ് സ്റ്റോപ്പാണ് കാക്കടവ്. മലയോര മേഖലയിൽ നിന്ന് ഇരിട്ടി-ചെറുപുഴ- വെള്ളരിക്കുണ്ട് മേഖലകളിലേക്ക് സഞ്ചരിക്കുന്ന യാത്രക്കാർ ഇത് മൂലം ബുദ്ധിമുട്ടുകയാണ്. മണിക്കൂറുകൾ കഴിഞ്ഞാലാണ് അടുത്ത എസ്ആർടിസി ബസുകൾ എത്തുന്നത്. അംഗീകൃത സ്റ്റോപ്പിൽ ബസ് നിർത്താത്തതിനെതിരേ ആർടിഒ യ്ക്ക് പരാതി നൽകാനുള്ള തീരുമാനത്തിലാണ് നട്ടുകാർ.