റാന്നി: പെട്രോൾ, ഡീസല്, പാചകവാതകം എന്നിവയുടെ വിലവര്ധനവ് പിന്വലിക്കുക, നീറ്റ് പരീക്ഷാ ചോദ്യപേപ്പര് ചോര്ച്ചയിലും ക്രമക്കേടിലും പ്രതിഷേധിച്ച് കേന്ദ്ര വിദ്യാഭ്യാസ മന്ത്രി ധര്മ്മേന്ദ്ര പ്രധാന് രാജി വയ്ക്കുക, കേന്ദ്ര ഗവണ്മെന്റ് ജനങ്ങളോട് നീതി പാലിക്കുക എന്നീ ആവശ്യങ്ങള് ഉന്നയിച്ചു കേരള കോണ്ഗ്രസ്-എം റാന്നി നിയോജക മണ്ഡലം കമ്മിറ്റിയുടെ നേതൃത്വത്തില് റാന്നി പോസ്റ്റ് ഓഫീസിനു മുന്നില് പ്രതിഷേധ ധര്ണയും മാര്ച്ചും സംഘടിപ്പിച്ചു.
റാന്നി പെരുമ്പുഴ ബസ് സ്റ്റാന്ഡില് നിന്നും ആരംഭിച്ച പ്രകടനം പോസ്റ്റ് ഓഫീസിനു മുന്നില് എത്തി പ്രതിഷേധ ധര്ണ നടത്തി. കേന്ദ്ര സര്ക്കാരിന്റെ ജനദ്രോഹ നയങ്ങള്ക്കെതിരേ വരും ദിവസങ്ങളിലും ശക്തമായ സമരപരിപാടികളുമായി മുന്നോട്ട് പോകുമെന്ന് നിയോജക മണ്ഡലം കമ്മിറ്റി അറിയിച്ചു.
കേരളാ കോണ്ഗ്രസ്-എം സംസ്ഥാന സ്റ്റീയറിംഗ് കമ്മിറ്റിയംഗം മനോജ് മാത്യു പ്രതിഷേധ ധര്ണ ഉദ്ഘാടനം ചെയ്തു. കേരള കോണ്ഗ്രസ്-എം റാന്നി നിയോജകമണ്ഡലം പ്രസിഡന്റ് ജോര്ജ് ഏബ്രഹാം അധ്യക്ഷത വഹിച്ചു.
കെഎസ്സിഎം സംസ്ഥാന ജനറല് സെക്രട്ടറി റിന്റോ തോപ്പില്, ദളിത് ഫ്രണ്ട് എം സംസ്ഥാന ജനറല് സെക്രട്ടറി എം.സി. ജയകുമാർ, ജോണ് വി. തോമസ്, ടോമി വടക്കേമുറിയിൽ, ബെഹനാന് ജോസഫ്, സാബു കുറ്റിയിൽ, അങ്ങാടി പഞ്ചായത്തംഗം മെറിന് അനീഷ്, ശോഭ ചാര്ലി, സിബി ജയിംസ്, മാത്യുക്കുട്ടി ഏഴകുന്നേൽ, വി.ജി. റെജി, ബിറ്റോ മാപ്പൂർ, ജോമോന് ജോസ്, അഭിജിത് വിഷ്ണു, കുഞ്ഞുമോന് അയൂര്, റെജി പുത്തെന്പറമ്പിൽ, അനൂപ് ജീരകത്തിനാല്, സരണ് നമ്പൂതിരി, തോമസ് ജേക്കബ്, ആന്റണി കരീക്കുന്നേല് എന്നിവര് പ്രസംഗിച്ചു.
Tags : nattu vishesham Protest dharna