20

ഇ​ടു​ക്കി: പ​തി​വ് തെ​റ്റി​ക്കാ​തെ നാ​ല്‍​പ്പ​താം വ​ര്‍​ഷ​വും റോ​ഷി​യും സം​ഘ​വും കാ​ല്‍​ന​ട​യാ​യി മ​ല​യാ​റ്റൂ​രി​ലേ​ക്ക് പു​റ​പ്പെ​ട്ടു. തെ​ര​ഞ്ഞെ​ടു​പ്പ് പ്ര​ചാ​ര​ണ​ത്തി​ന് അ​വ​ധി കൊ​ടു​ത്താ​ണ് മ​ല​യാ​റ്റൂ​രി​ലേ​ക്കു പു​റ​പ്പെ​ട്ട​ത്. ഇ​ന്ന് അ​ര്‍​ധ​രാ​ത്രി​ക്ക് മു​ന്‍​പാ​യി കു​രി​ശു​മ​ല ച​വി​ട്ടാ​ന്‍ ക​ഴി​യു​മെ​ന്നാ​ണ് ക​രു​തു​ന്ന​ത്.

ബ​ന്ധു​ക്ക​ളും സു​ഹൃ​ത്തു​ക്ക​ളും അ​ട​ങ്ങു​ന്ന വ​ലി​യൊ​രു സം​ഘ​ത്തോ​ടൊ​പ്പ​മാ​ണ് യാ​ത്ര. രാ​മ​പു​രം, കൂ​ത്താ​ട്ടു​കു​ളം, മൂ​വാ​റ്റു​പു​ഴ, കീ​ഴി​ല്ലം, കു​റു​പ്പം​പ​ടി, കോ​ട​നാ​ട് വ​ഴി​യാ​ണ് സം​ഘം യാ​ത്ര ചെ​യ്യു​ന്ന​ത്. പ​ത്താം ക്ലാ​സ് പ​രീ​ക്ഷ​യ്ക്കു ശേ​ഷ​മു​ള്ള അ​വ​ധി​ക്കാ​ല​ത്താ​ണു കാ​ല്‍ന​ട​യാ​യി മ​ല​യാ​റ്റൂ​രി​ലേ​ക്ക് യാ​ത്ര ആ​രം​ഭി​ച്ച​ത്.

1985ല്‍ ​തു​ട​ങ്ങി​യ യാ​ത്ര മു​ട​ങ്ങി​യ​ത് കോ​വി​ഡ് കാ​ല​ത്ത് മാ​ത്ര​മാ​ണ്. മു​മ്പ് പു​തു ഞാ​യ​റാ​ഴ്ച​യാ​യി​രു​ന്നു മ​ല​യാ​റ്റൂ​ര്‍ യാ​ത്ര. 1996ല്‍ ​പേ​രാ​മ്പ്ര​യി​ല്‍ സ്ഥാ​നാ​ര്‍​ഥി​യാ​യി കേ​ര​ള കോ​ണ്‍​ഗ്ര​സ് നേ​തൃ​ത്വം പ്ര​ഖ്യാ​പി​ച്ച​തോ​ടെ തെ​ര​ഞ്ഞെ​ടു​പ്പു ചൂ​ടി​ലാ​യി. ഇ​തോ​ടെ യാ​ത്ര പെ​സ​ഹാ ദി​വ​സ​ത്തേ​ക്ക് മാ​റ്റി. ച​ക്കാ​മ്പു​ഴ​യി​ലെ ത​റ​വാ​ട്ട് വീ​ട്ടി​ല്‍​നി​ന്നു പെ​സ​ഹ അ​പ്പം മു​റി​ച്ച​തി​നു ശേ​ഷ​മാ​ണ് യാ​ത്ര തി​രി​ക്കു​ന്ന​ത്. അ​മ്മ ലീ​ലാ​മ്മ കൊ​ന്ത ന​ല്‍​കി അ​നു​ഗ്ര​ഹി​ക്കും.

വി​ശ്വാ​സ തീ​ക്ഷ്ണ​ത​യും മ​ല ക​യ​റു​മ്പോ​ള്‍ ല​ഭി​ക്കു​ന്ന ദൈവാ​നു​ഗ്ര​ഹ​വു​മാ​ണ് ത​ന്‍റെ ഊ​ര്‍​ജ​മെ​ന്ന് റോ​ഷി പ​റ​യു​ന്നു. ആ​റു വ​ര്‍​ഷം മു​ന്‍​പ് പെ​സ​ഹ വ്യാ​ഴാ​ഴ്ച​യ്ക്കു മു​ന്‍​പാ​യി കെ​എ​സ്ആ​ര്‍​ടി​സി​യി​ല്‍ യാ​ത്ര ചെ​യ്യു​മ്പോ​ള്‍ അ​പ​ക​ടം നേ​രി​ട്ടെ​ങ്കി​ലും ഒ​രു പോ​റ​ല്‍ പോ​ലും ഏ​ല്‍​ക്കാ​തി​രു​ന്ന​ത് ഇ​തി​നു തെ​ളി​വാ​ണെ​ന്ന വി​ശ്വാ​സ​മാ​ണ് റോ​ഷി​യെ ന​യി​ക്കു​ന്ന​ത്.

Tags : Roshi Augustine nattuvishesham local news