20

തു​റ​വൂ​ർ: യാ​ത്ര​ക്കാ​ർ​ക്ക് മ​തി​യാ​യ ഇ​രി​പ്പി​ട സൗ​ക​ര്യ​മി​ല്ലാ​തെ സ​ർ​വീ​സ് ന​ട​ത്തി​യ​താ​യി ക​ണ്ടെ​ത്തി​യ​തി​നെത്തുട​ർ​ന്ന് കു​മ്പ​ള​ങ്ങി ജ​ന​ത​ക്ക​ട​ത്ത് ജ​ങ്കാ​ർ സ​ർ​വീ​സി​ന് തു​റ​മു​ഖ വ​കു​പ്പി​ന്‍റെ എ​ൻ​ഫോ​ഴ്‌​സ്‌​മെ​ന്‍റ് സ്‌​ക്വാ​ഡ് സ്റ്റോ​പ്പ് മെ​മ്മോ ന​ൽ​കി.

കൊ​ടു​ങ്ങ​ല്ലൂ​രി​ൽനി​ന്നെ​ത്തി​യ സ്‌​ക്വാ​ഡ് ന​ട​ത്തി​യ മി​ന്ന​ൽ പ​രി​ശോ​ധ​ന​യെത്തുട​ർ​ന്നാ​ണ് ന​ട​പ​ടി. ജ​ങ്കാ​റി​ൽ യാ​ത്ര​ക്കാ​രെ സു​ര​ക്ഷാ മാ​ന​ദ​ണ്ഡ​ങ്ങ​ൾ പാ​ലി​ക്കാ​തെ നി​റു​ത്തി​ക്കൊ​ണ്ടു​പോ​കു​ന്ന​താ​യി പ​രി​ശോ​ധ​ന​യി​ൽ ക​ണ്ടെ​ത്തി​യ​തി​നെ തു​ട​ർ​ന്ന് സ​ർ​വീ​സ് താ​ത്കാലി​ക​മാ​യി നി​ർ​ത്തി​വ​യ്ക്കാ​ൻ നി​ർ​ദേ​ശം ന​ൽ​കി.

ആ​വ​ശ്യ​മാ​യ ഇ​രി​പ്പി​ട​ങ്ങ​ൾ ഉ​ൾ​പ്പെ​ടെ​യു​ള്ള സു​ര​ക്ഷാക്ര​മീ​ക​ര​ണ​ങ്ങ​ൾ ഒ​രു​ക്കി വീ​ണ്ടും പ​രി​ശോ​ധ​ന ന​ട​ത്തി അ​നു​മ​തി ല​ഭി​ക്കു​ന്ന​തു​വ​രെ സ​ർ​വീ​സ് ന​ട​ത്ത​രു​തെ​ന്നാ​ണ് സ്റ്റോ​പ്പ് മെ​മ്മോ​യി​ലെ നി​ർ​ദേ​ശം.​

സ്‌​ക്വാ​ഡി​ന്‍റെ നി​ർ​ദേ​ശ​പ്ര​കാ​രം ജ​ങ്കാ​റി​ൽ അ​ധി​ക ഇ​രി​പ്പി​ട​ങ്ങ​ൾ സ്ഥാ​പി​ക്കു​ന്ന​തു​ൾ​പ്പെ​ടെ​യു​ള്ള അ​റ്റ​കു​റ്റ​പ്പ​ണി​ക​ൾ ന​ട​ത്തേ​ണ്ടി​വ​രു​മെ​ന്ന് ക​രാ​റു​കാ​ര​ൻ അ​റി​യി​ച്ചു. ജോ​ലി​ക​ൾ പൂ​ർ​ത്തി​യാ​ക്കി വീ​ണ്ടും പ​രി​ശോ​ധ​ന ന​ട​ത്തി അ​നു​മ​തി ല​ഭി​ക്കാ​ൻ കു​റ​ഞ്ഞ​ത് മൂ​ന്നു ദി​വ​സ​മെ​ങ്കി​ലും വേ​ണ്ടി​വ​രു​മെ​ന്നാ​ണ് വി​ല​യി​രു​ത്ത​ൽ. ഇ​തോ​ടെ കു​മ്പ​ള​ങ്ങി-​അ​രൂ​ർ മേ​ഖ​ല​യി​ൽ ദി​വ​സേ​ന ജ​ന​ത​ക്ക​ട​ത്ത് സ​ർ​വീ​സി​നെ ആ​ശ്ര​യി​ക്കു​ന്ന നൂ​റു​ക​ണ​ക്കി​ന് യാ​ത്ര​ക്കാ​ർ​ക്ക് ബ​ദ​ൽ യാ​ത്രാ​മാ​ർ​ഗ​ങ്ങ​ൾ തേ​ടേ​ണ്ടി​വ​രും.

ഇ​തി​നി​ടെ, ക​ഴി​ഞ്ഞ ദി​വ​സം ചേ​ർ​ന്ന അ​രൂ​ർ ​പ​ഞ്ചാ​യ​ത്ത് ക​മ്മി​റ്റി ജ​ന​ത​ക്ക​ട​ത്ത് സ​ർ​വീ​സി​ന്‍റെ യാ​ത്രാ​നി​ര​ക്ക് വ​ർ​ധി​പ്പി​ച്ചു. യാ​ത്ര​ക്കാ​രു​ടെ നി​ര​ക്ക് അ​ഞ്ചു രൂ​പ​യി​ൽനി​ന്ന് 10 രൂ​പ​യാ​യും ഇ​രു​ച​ക്ര​വാ​ഹ​ന​ങ്ങ​ളു​ടെ നി​ര​ക്ക് 10 രൂ​പ​യി​ൽനി​ന്ന് 20 രൂ​പ​യാ​യും ഉ​യ​ർ​ത്തി. കാ​ർ ഉ​ൾ​പ്പെ​ടെ​യു​ള്ള ലൈ​റ്റ് മോ​ട്ടോ​ർ വാ​ഹ​ന​ങ്ങ​ൾ​ക്ക് 50 രൂ​പ​യാ​ണ് പു​തി​യ നി​ര​ക്ക് നി​ശ്ച​യി​ച്ച​ത്.
സ​ർ​വീ​സ് പു​ന​രാ​രം​ഭി​ക്ക​ണ​മെ​ന്ന് പ്ര​ദേ​ശ​വാ​സി​ക​ൾ ആ​വ​ശ്യ​പ്പെ​ട്ടു.

Tags : Nattuvishesham District News