21

മം​ഗ​ല​പു​രം: പെ​ട്ടി​ക്ക​ട ന​ട​ത്തു​ന്ന മ​ധ്യ​വ​യ​സ് ക​നെ മ​ർ​ദിച്ച കേ​സി​ലെ ര​ണ്ടാം പ്ര​തി​യെ​യും മം​ഗ​ല​പു​രം പൊ​ലീ​സ് അ​റ​സ്റ്റു ചെ​യ് തു.​കാ​ട്ടാ​യി​ക്കോ​ണം അ​യി​രൂ​പ്പാ​റ ഒ​രു​വാ​മൂ​ല അ​ന്നുവി​ളാ​ക​ത്തി​ൽ ശി​വപ്ര​സാ​ദ് (29) ആ​ണ് പി​ടി​യി​ലാ​യ​ത്. ശി​വ​പ്ര​സാ​ദി​നു നാ​ലോ​ളം ക്രി​മി​ന​ൽ കേ​സു​കൾ നിലവിലുണ്ട്.

കേ​സി​ലെ ഒ​ന്നാം പ്ര​തി മം​ഗ​ല​പു​രം എ​എ​സ്ആ​ർ മ​ൻ​സി​ലി​ൽ ക​ഞ്ചാ​വ് കു​ട്ട​ൻ എ​ന്ന​റി​യ​പ്പെ​ടു​ന്ന ഷെ​ഹി​ൻ (28) നെ ​അ​റ​സ്റ്റു ചെ​യ്ത് കോ​ട​തി​യി​ൽ ഹാ​ജ​രാ​ക്കി റി​മാ​ൻ​ഡ് ചെ​യ് തി​രു​ന്നു. ഒ​ന്നാം പ്ര​തി​യാ​യ ഷെ​ഹി​ന്‍റെ പേ​രി​ൽ 17 ക്രി​മി​ന​ൽ കേ​സു​ക​ൾ ഉ​ണ്ട്. ര​ണ്ടു ത​വ​ണ കാ​പ്പാ കേ​സി​ൽ അ​റ​സ്റ്റി​ലാ​യി​രു​ന്നു. ര​ണ്ടു മാ​സം മു​ൻ​പാ​ണ് ശി​ക്ഷ ക​ഴി​ഞ്ഞി​റ​ങ്ങി​യ​ത്. ബുധനാഴ്ച വൈകുന്നേരം ഏ​ഴി​നു കാ​ര​മൂ​ടി​നു സ​മീ​പം പെ​ട്ടി​ക്ക​ട ന​ട​ത്തു​ന്ന സ​ക്കീ​ർ ഹുസൈനെ പ്രതി​ക​ൾ മ​ർ​ദി​ക്കുക​യാ​യി​രു​ന്നു.

മ​ദ്യ ല​ഹ​രി​യി​ൽ ബൈ​ക്കി​ലെ​ത്തി​യ പ്ര​തി​ക​ൾ സ​ക്കീ​ർ ഹു​സൈ​നോ​ട് സി​ഗ​റ​റ്റ് ആ​വ​ശ്യ​പ്പെ​ട്ടിരുന്നു. എന്നാൽ മു​ൻ​പ​രി​ച​യ​മി​ല്ല​ത്ത​തി​നാ​ൽ ന​ൽ​കി​യി​ല്ല. തു​ട​ർ​ന്ന് വാ​ക്കേ​റ്റ മു​ണ്ടാ​യി. ഇതോടെ പ്രതികൾ സ​ക്കീ​ർ ഹു​സൈ​നെ മ​ർ​ദി​ക്കു​ക​യായിരുന്നു. മം​ഗ​ല​പു​രം എ​സ്എ​ച്ച്ഒ ലൈ​സാ​ദ് മു​ഹ​മ്മ​ദ്, എ​സ്ഐ സു​മേ​ഷ്, സി​പി​ഒ മാ​രാ​യ ജി​ഷ്ണു, കി​ര​ൺ, വൈ​ശാ​ഖ്, അ​ജി​ത് എ​ന്നി​വ​രാ​ണ് പ്ര​തി​ക​ളെ അ​റ​സ്റ്റു ചെ​യ്ത​ത്. പ്ര​തി​യെ കോ ടതി റി​മാ​ൻ​ഡ് ചെ​യ്തു.

Tags : Local News Nattuvishesham Thiruvananthapuram