18

ഹരി​പ്പാ​ട്: കെ​എ​സ്ആ​ർ​ടി​സി മി​ന്ന​ൽ ബ​സി​ൽ സ​ഹ​യാ​ത്ര​ക്കാ​രി​യാ​യ യു​വ​തി​ക്കുനേ​രേ ലൈം​ഗി​കാ​തി​ക്ര​മം ന​ട​ത്തി​യ പ്ര​തി​യെ പോ​ലീ​സ് അ​റ​സ്റ്റ് ചെ​യ്തു. ക​ണ്ണൂ​ർ ത​ല​ശേ​രി തി​രു​വ​ങ്ങാ​ട്ട് ചേ​ര​ക്ക​ര സു​ഹാ​റ മ​ൻ​സി​ലി​ൽ ഷെ​ബീ​ർ (41) ആ​ണ് ഹ​രി​പ്പാ​ട് പോ​ലീ​സി​ന്‍റെ പി​ടി​യി​ലാ​യ​ത്.

ഇന്നലെ വെ​ളു​പ്പി​ന് 4.30ന് ​ബ​സ് ഹ​രി​പ്പാ​ട് എ​ത്തു​ന്ന​തി​ന് തൊ​ട്ടു​മു​ൻ​പാ​യി​രു​ന്നു സം​ഭ​വം. പാ​ല​ക്കാ​ട് സ്വ​ദേ​ശി​നി​യാ​യ യു​വ​തി, പാ​ല​ക്കാ​ട്ടു​നി​ന്നു തി​രു​വ​ന​ന്ത​പു​ര​ത്തേ​ക്ക് മി​ന്ന​ൽ ബ​സി​ൽ യാ​ത്ര ചെ​യ്യു​ക​യാ​യി​രു​ന്നു. കൊ​ച്ചി​യി​ൽനി​ന്നു ബ​സി​ൽ ക​യ​റി​യ പ്ര​തി, യു​വ​തി​യു​ടെ തൊ​ട്ടു​പി​ന്നി​ലെ സീ​റ്റി​ലാ​യി​രു​ന്നു ഇ​രു​ന്നി​രു​ന്ന​ത്.

ബ​സ് ഹ​രി​പ്പാ​ട് എ​ത്താ​റാ​യ​പ്പോ​ൾ പ്ര​തി ലൈം​ഗി​കാ​തി​ക്ര​മ​ത്തി​ന് മു​തി​രു​ക​യാ​യി​രു​ന്നു. അ​പ്ര​തീ​ക്ഷി​ത​മാ​യു​ണ്ടാ​യ അ​തി​ക്ര​മ​ത്തി​ൽ ഭ​യ​ന്നു​പോ​യ യു​വ​തി ബ​ഹ​ളം വ​ച്ച​തോ​ടെ പ്ര​തി മാ​പ്പ് പ​റ​ഞ്ഞ് ര​ക്ഷ​പ്പെ​ടാ​ൻ ശ്ര​മി​ച്ചു. എ​ന്നാ​ൽ, മ​റ്റ് യാ​ത്ര​ക്കാ​രും ബ​സ് ജീ​വ​ന​ക്കാ​രും ചേ​ർ​ന്ന് ഇ​യാ​ളെ ത​ട​ഞ്ഞു​വ​യ്ക്കു​ക​യാ​യി​രു​ന്നു. തു​ട​ർ​ന്ന് ബ​സ് ഹ​രി​പ്പാ​ട് പോ​ലീ​സ് സ്റ്റേ​ഷ​നി​ലേ​ക്ക് എ​ത്തി യു​വ​തി​യു​ടെ പ​രാ​തി​യു​ടെ അ​ടി​സ്ഥാ​ന​ത്തി​ൽ കേ​സ് ര​ജി​സ്റ്റ​ർ ചെ​യ്തു. അ​റ​സ്റ്റി​ലാ​യ പ്ര​തി ഷെ​ബീ​റി​നെ കോ​ട​തി​യി​ൽ ഹാ​ജ​രാ​ക്കി റി​മാ​ൻ​ഡ് ചെ​യ്തു.

Tags : nattu vishesham Sexual assault young woman