19

കാ​സ​ർ​ഗോ​ഡ്: ചു​റ്റു​പാ​ടും പ​ട​ർ​ന്നു​ക​യ​റി​യ കാ​ടി​നും പ​ട​ർ​പ്പു​ക​ൾ​ക്കും ഇ​ട​യി​ൽ ഓ​ടു​മേ​ഞ്ഞ ഏ​താ​നും കെ​ട്ടി​ട​ങ്ങ​ൾ. അ​വി​ടെ​യെ​ത്താ​നു​ള്ള റോ​ഡും പൊ​ട്ടി​പ്പൊ​ളി​ഞ്ഞ് കി​ട​ക്കു​ന്നു. കാ​ല​പ്പ​ഴ​ക്കം മൂ​ലം ദ്ര​വി​ച്ചു​തു​ട​ങ്ങി​യ മേ​ൽ​ക്കൂ​ര​യ്ക്കു മു​ക​ളി​ൽ ചോ​ർ​ച്ച ത​ട​യാ​ൻ വ​ലി​ച്ചു​കെ​ട്ടി​യ പ്ലാ​സ്റ്റി​ക് ഷീ​റ്റു​ക​ൾ. കാ​ടു​മൂ​ടി​യ പ​രി​സ​ര​ങ്ങ​ളി​ൽ കാ​ട്ടു​പ​ന്നി​ക​ളും പാ​മ്പു​ക​ളും പ​തി​വു​സാ​ന്നി​ധ്യം. പ​റ​ഞ്ഞു​വ​രു​ന്ന​ത് ഏ​തെ​ങ്കി​ലും ഉ​പേ​ക്ഷി​ക്ക​പ്പെ​ട്ട എ​സ്റ്റേ​റ്റി​നു ന​ടു​വി​ലു​ള്ള കെ​ട്ടി​ട​ങ്ങ​ളു​ടെ കാ​ര്യ​മ​ല്ല. ഇ​ത് ജി​ല്ലാ ആ​സ്ഥാ​ന​ത്തെ ഗ​വ. കോ​ള​ജി​നോ​ടു ചേ​ർ​ന്നു​ള്ള സ്റ്റാ​ഫ് ക്വാ​ർ​ട്ടേ​ഴ്സി​ന്‍റെ അ​വ​സ്ഥ​യാ​ണ്.

ഈ ​കെ​ട്ടി​ട​ങ്ങ​ൾ ഇ​പ്പോ​ഴും പൂ​ർ​ണ​മാ​യി ഉ​പേ​ക്ഷി​ക്ക​പ്പെ​ട്ട നി​ല​യി​ല​ല്ല. ആ​കെ​യു​ള്ള 22 ക്വാ​ർ​ട്ടേ​ഴ്സു​ക​ളി​ൽ 12 എ​ണ്ണ​ത്തി​ൽ ഇ​പ്പോ​ൾ താ​മ​സ​ക്കാ​രു​ണ്ട്. കോ​ള​ജി​ലെ അ​ധ്യാ​പ​ക​രും അ​ന​ധ്യാ​പ​ക​രും കു​ട്ടി​ക​ള​ട​ങ്ങു​ന്ന കു​ടും​ബ​ത്തോ​ടൊ​പ്പം ഇ​തി​ന​ക​ത്തു ക​ഴി​യു​ന്നു​ണ്ട്. പ​ക്ഷേ മി​ക്ക​വ​രും അ​ടി​യ​ന്ത​ര സാ​ഹ​ച​ര്യ​ങ്ങ​ളി​ൽ ഇ​വി​ടെ താ​മ​സി​ക്കേ​ണ്ടി​വ​ന്നാ​ലും ക​ഴി​വ​തും​വേ​ഗ​ത്തി​ൽ പു​റ​ത്തു​ള്ള ഏ​തെ​ങ്കി​ലും സ്വ​കാ​ര്യ ക്വാ​ർ​ട്ടേ​ഴ്സോ വീ​ടോ വാ​ട​ക​യ്ക്കെ​ടു​ത്ത് മാ​റു​ക​യാ​ണ് ചെ​യ്യു​ന്ന​ത്.

കോ​ള​ജി​ന്‍റെ തു​ട​ക്ക​കാ​ല​ത്ത് നി​ർ​മി​ക്ക​പ്പെ​ട്ട​താ​ണ് ഈ ​സ്റ്റാ​ഫ് ക്വാ​ർ​ട്ടേ​ഴ്സു​ക​ൾ. അ​ര നൂ​റ്റാ​ണ്ടി​ല​ധി​ക​മു​ള്ള കാ​ല​പ്പ​ഴ​ക്ക​വും കൃ​ത്യ​മാ​യ സം​ര​ക്ഷ​ണ​ത്തി​ന്‍റെ​യും അ​റ്റ​കു​റ്റ​പ​ണി​ക​ളു​ടെ​യും അ​ഭാ​വ​വു​മാ​ണ് ഇ​വ​യെ ഈ ​സ്ഥി​തി​യി​ലാ​ക്കി​യ​ത്. വി​ദ്യാ​ന​ഗ​ർ-​സീ​താം​ഗോ​ളി റോ​ഡി​ൽ​നി​ന്ന് ഈ ​ക്വാ​ർ​ട്ടേ​ഴ്‌​സു​ക​ളി​ലേ​ക്ക് ക​യ​റു​ന്ന റോ​ഡി​ന്‍റെ ഓ​ര​ത്ത് പ്രി​ൻ​സി​പ്പ​ലി​നും വൈ​സ് പ്രി​ൻ​സി​പ്പ​ലി​നു​മാ​യി നി​ർ​മി​ച്ച കോ​ൺ​ക്രീ​റ്റ് ക്വാ​ർ​ട്ടേ​ഴ്സു​ക​ളു​മു​ണ്ട്. ര​ണ്ടും വ​ർ​ഷ​ങ്ങ​ളാ​യി ആ​ൾ​താ​മ​സ​മി​ല്ലാ​തെ ഉ​പ​യോ​ഗ​ശൂ​ന്യ​മാ​ണ്. ഇ​തി​നേ​ക്കാ​ൾ കാ​ടു​മൂ​ടി​യ അ​വ​സ്ഥ​യി​ലു​മാ​ണ്. കാ​ട്ടു​പ​ന്നി​ക​ളും തെ​രു​വു​നാ​യ്ക്ക​ളും പാ​മ്പു​ക​ളു​മെ​ല്ലാം ഇ​വി​ടെ താ​വ​ള​മ​ടി​ക്കു​ന്നു.

ഈ ​ക്വാ​ർ​ട്ടേ​ഴ്സു​ക​ൾ പൊ​ളി​ച്ചു​മാ​റ്റി പ​ക​രം പു​തി​യ ഫ്ളാ​റ്റ് സ​മു​ച്ച​യം നി​ർ​മി​ക്കാ​ൻ 13 വ​ർ​ഷം മു​മ്പ് ഉ​മ്മ​ൻ ചാ​ണ്ടി സ​ർ​ക്കാ​രി​ന്‍റെ കാ​ല​ത്ത് പ​ദ്ധ​തി ത​യ്യാ​റാ​ക്കി മൂ​ന്ന​ര​ക്കോ​ടി രൂ​പ അ​നു​വ​ദി​ച്ചി​രു​ന്നു. പ​ക്ഷേ തു​ട​ർ​ന​ട​പ​ടി​ക​ളി​ല്ലാ​തെ ആ ​പ​ദ്ധ​തി മ​ര​വി​ച്ചു​പോ​യി. ര​ണ്ടേ​ക്ക​റി​ല​ധി​കം സ്ഥ​ല​മാ​ണ് ഈ ​ക്വാ​ർ​ട്ടേ​ഴ്സു​ക​ൾ​ക്കു ചു​റ്റു​മാ​യി കാ​ടു​പി​ടി​ച്ചു കി​ട​ക്കു​ന്ന​ത്. ഫ്ളാ​റ്റ് നി​ർ​മി​ക്കു​ന്ന​തി​നൊ​പ്പം അ​വ​ശേ​ഷി​ക്കു​ന്ന സ്ഥ​ലം ഉ​ന്ന​ത വി​ദ്യാ​ഭ്യാ​സ വ​കു​പ്പി​ന്‍റെ മ​റ്റു വി​ക​സ​ന ആ​വ​ശ്യ​ങ്ങ​ൾ​ക്കു പ്ര​യോ​ജ​ന​പ്പെ​ടു​ത്തു​ക​യോ സൗ​ന്ദ​ര്യ​വ​ത്ക​ര​ണ​ത്തി​ലൂ​ടെ കോ​ള​ജി​നും നാ​ടി​നും​മു​ത​ൽ​ക്കൂ​ട്ടാ​ക്കി മാ​റ്റു​ക​യോ ചെ​യ്യാ​വു​ന്ന​താ​ണെ​ന്ന് നാ​ട്ടു​കാ​ർ ചൂ​ണ്ടി​ക്കാ​ട്ടു​ന്നു.

Tags : Staff quarters NattuVishasham DistrictNews