ഓവുചാൽ മണ്ണിട്ട് മൂടിയ നിലയിൽ.
പെരുമ്പടവ്: കാലവർഷം ആരംഭിച്ചതോടെ മലയോര മേഖലയിലെ പൊതുമരാമത്ത് വകുപ്പിന്റെ കീഴിലും തദ്ദേശസ്വയംഭരണ സ്ഥാപനങ്ങളുടെ കീഴിലുമുള്ള റോഡുകളുടെ ഓവുചാലുകൾ പുനഃക്രമീകരിക്കണമെന്ന ആവശ്യം ശക്തമായി.
ഭൂരിഭാഗം റോഡുകളുടെയും ഓവുചാലുകൾ മണ്ണിട്ട് മൂടിയ നിലയിലാണ്. ചില സ്ഥലങ്ങളിൽ മാലിന്യങ്ങൾകൊണ്ട് വെള്ളത്തിന്റെ ഒഴുക്ക് തടസപ്പെടുന്നുണ്ട്.
ചില ഇടങ്ങളിൽ സ്വകാര്യ വ്യക്തികൾ സൗകര്യാർഥം വാഹനങ്ങൾ കയറ്റുന്നതിന് വേണ്ടി ഓവുചാലുകൾ മണ്ണിട്ടും മറ്റും നികത്തിയ നിലയിലാണ്. ഇതു കാരണം മഴയിൽ വെള്ളം ശക്തമായി റോഡിലൂടെ കുത്തിയൊഴുകി ചരലും മറ്റ് മാലിന്യങ്ങളും റോഡിലേക്ക് ഒഴുകിയെത്തുന്നുണ്ട്.
ഇത് വാഹന യാത്രക്കാർക്ക് വലിയ ഭീഷണിയായി മാറുന്നതിനൊപ്പം അപകടങ്ങളും പതിവാണ്. എത്രയും പെട്ടന്ന് പ്രശ്നത്തിന് പരിഹാരം കണ്ടെത്തണമെന്നാണ് പ്രദേശവാസികളുടെ ആവശ്യം.
Tags : Nattuvishesham District news