10

നെ​യ്യാ​റ്റി​ന്‍​ക​ര: സൈ​ക്കി​ളി​ല്‍ നാ​ടാ​കെ ചു​റ്റി വൃ​ക്ഷ​ത്തൈ​ക​ളും വി​ത്തു​ക​ളും വി​ത​ര​ണം ചെ​യ്യു​ന്ന ഹ​രി​ത​മാ​ന​വ​ൻ. കാ​രോ​ട് മ​ണ്ണാം​വി​ള ഗ്രീ​ന്‍ ഭ​വ​നി​ല്‍ രാ​ജാ​മ​ണി എ​ന്ന പ​രി​സ്ഥി​തി സ്നേ​ഹി എ​ത്ര​യോ കാ​ല​മാ​യി ഈ ​നിശ​ബ്ദസേ​വ​നം തു​ട​രു​ന്നു. പ്ര​കൃ​തി​യെ സ്വ​ന്തം ഹൃ​ദ​യ​ത്തു​ടി​പ്പി​നോ​ടൊ​പ്പം ചേ​ര്‍​ത്ത് ജീ​വി​ക്കു​ന്ന ഈ ​പ​ച്ച​മ​നു​ഷ്യ​ന് സം​സ്ഥാ​ന വ​നം​വ​കു​പ്പി​ന്‍റെ വ​ന​മി​ത്ര പു​ര​സ്കാ​രം ഇന്നു സ​മ്മാ​നി​ക്കും.

പി​താ​വ് ജ്ഞാ​ന​ച​ന്ദ്ര​നി​ല്‍ നി​ന്നാ​ണ് മ​ണ്ണി​നോ​ടും കൃ​ഷി​യോ​ടും പ​രി​സ്ഥി​തി​യോ​ടു​മൊ​ക്കെ​യു​ള്ള ആ​ഴ​മേ​റി​യ സ്നേ​ഹ​ത്തി​ന്‍റെ ത​ന്മാ​ത്ര​ക​ള്‍ രാ​ജാ​മ​ണി​യി​ലേ​യ്ക്ക് പ്ര​സ​രി​ച്ച​ത്. ഒ​ന്നു മു​ത​ല്‍ പ​ത്തു വ​രെ ക്ലാ​സു​ക​ളി​ല്‍ പ​ഠി​ച്ച നാ​ലു വി​ദ്യാ​ല​യ​ങ്ങ​ളി​ലും പി​ന്നീ​ട് മു​തി​ര്‍​ന്ന​പ്പോ​ള്‍ വൃ​ക്ഷ​ത്തൈ​ക​ള്‍ ന​ട്ടു​പി​ടി​പ്പി​ക്കാ​നാ​യെന്നു പ​റ​യു​ന്പോ​ള്‍ ഈ ​നാ​ട്ടി​ന്‍​പു​റ​ത്തു​കാ​ര​ന്‍റെ വാ​ക്കു​ക​ളി​ല്‍ അ​ക്ഷ​ര​വി​ന​യ​സ്പ​ര്‍​ശം.

ആ​യു​സി​ന്‍റെ പു​സ്ത​ക​ത്തി​ല്‍ പ്രാ​യം 65 ആ​യി​ട്ടും ഇ​പ്പോ​ഴും യാ​ത്ര പ​ഴ​യ സൈ​ക്കി​ളി​ല്‍ ത​ന്നെ. വ​ട്ട​ത്തി​ല്‍ ച​വി​ട്ടു​ന്പോ​ള്‍ നീ​ള​ത്തി​ല്‍ ഓ​ടു​ന്ന ഇ​രു​ച​ക്ര​ത്തി​ന്‍റെ പി​റ​കി​ല്‍ വൃ​ക്ഷ​ത്തൈ​ക​ള്‍ ക​രു​താ​നാ​യി ഒ​രു പെ​ട്ടി ഘ​ടി​പ്പി​ച്ചി​ട്ടു​ണ്ട്. കൈ​യി​ലു​ള്ള തു​ണി​സ​ഞ്ചി നി​റ​യെ പ​ച്ച​ക്ക​റി മു​ത​ൽ പ​ഴ​വ​ർ​ഗ​ങ്ങ​ൾ വ​രെ​യു​ള്ള​വ​യു​ടെ അ​രു​മ​യാ​ർ​ന്ന വി​ത്തി​ന​ങ്ങ​ളു​ണ്ടാ​കും. വി​ദ്യാ​ല​യ​ങ്ങ​ള്‍, സാ​ക്ഷ​ര​താ കേ​ന്ദ്ര​ങ്ങ​ള്‍ എ​ന്നി​ങ്ങ​നെ എ​വി​ടെ​യും വൃ​ക്ഷ​ത്തൈ​ക​ളോ വി​ത്തു​ക​ളോ മ​ണ്ണി​ല്‍ ന​ടാ​ന്‍ രാ​ജാ​മ​ണി സ​ദാ സ​ന്ന​ദ്ധ​നാ​ണ്.

ആ​വ​ശ്യ​ത്തി​ന് ഇ​ട​മു​ള്ള വ​ഴി​യോ​ര​ത്ത് ത​ണ​ല്‍​വൃ​ക്ഷ​ങ്ങ​ളും ന​ട്ടി​ട്ടു​ണ്ട്. വീ​ട്ടു​വ​ള​പ്പി​ലെ തോ​ട്ട​ത്തി​ല്‍ ത​യാ​റാ​ക്കു​ന്ന വി​ത്തു​ക​ള്‍ പാ​യ്ക്ക​റ്റു​ക​ളി​ലാ​ക്കി വി​ല്‍​ക്കു​ന്ന​തും പ​തി​വ്. എ​ന്നാ​ല്‍ അ​തി​നെ​ക്കാ​ളൊ​ക്കെ എ​ത്ര​യോ ഇ​ര​ട്ടി അ​ദ്ദേ​ഹം വൃ​ക്ഷ​ത്തൈ​ക​ളും വി​ത്തു​ക​ളും ആ​വ്യ​ക്കാ​ര്‍​ക്ക് സൗ​ജ​ന്യ​മാ​യി ന​ല്‍​കി​യി​ട്ടു​ണ്ടെ​ന്ന​തും വാ​സ്ത​വം.

നെ​യ്യാ​ര്‍ മു​ത​ല്‍ പൊ​ഴി​ക്ക​ര വ​രെ മു​ള​വ​ച്ചു പി​ടി​പ്പി​ക്ക​ല്‍, കു​ള​ങ്ങ​ളു​ടെ ക​ര​യി​ല്‍ രാ​മ​ച്ചം ന​ടീ​ല്‍ മു​ത​ലാ​യ പ​ദ്ധ​തി​ക​ളു​ടെ​യും ഭാ​ഗ​മാ​കാ​നും നേ​തൃ​ത്വ​മേ​കാ​നും അ​ദ്ദേ​ഹം മു​ന്‍​നി​ര​യി​ലു​ണ്ടാ​യി​രു​ന്നു. സാ​ഹ​സി​ക പ​രി​ശീ​ല​ന അ​ക്കാ​ദ​മി​യാ​യ അ​മാ​സ് കേ​ര​ള​യു​ടെ അ​സി. ഡ​യ​റ​ക്ട​ര്‍ കൂ​ടി​യാ​യ രാ​ജാ​മ​ണി​ക്ക് 2015 ല്‍ ​പ്ര​കൃ​തി​മി​ത്ര പു​ര​സ്കാ​രം ല​ഭി​ച്ചു. വി​വി​ധ സം​ഘ​ട​ന​ക​ളു​ടെ ശ്രേ​ഷ്ഠ​സേ​വാ ബ​ഹു​മ​തി​ക്കും ജൈ​വ​ക​ര്‍​ഷ​ക പു​ര​സ്കാ​ര​ത്തി​നും അ​ര്‍​ഹ​നാ​യി​ട്ടു​ണ്ട്.

ഔ​ഷ​ധ​സ​സ്യ​ങ്ങ​ളു​ടെ അ​റി​വ് പ​ക​രാ​നും പ​രി​സ്ഥി​തി ബോ​ധ​വ​ത്ക​ര​ണ​ത്തി​നും മ​റ്റും പ്രാ​ധാ​ന്യം ന​ല്‍​കു​ന്ന ക്ലാ​സു​ക​ളും ന​ല്‍​കു​ന്നു.​പ്ര​തി​ഭാ​ധ​ന​നാ​യ ക​ര​കൗ​ശ​ല വി​ദ​ഗ്ധ​നു​മാ​ണ് രാ​ജാ​മ​ണി. അ​യ്ങ്കാ​മം ഗ​വ. സ്കൂ​ളി​ലെ രാ​ജാം​ബി​ക​യാ​ണ് ഭാ​ര്യ. മ​ക്ക​ള്‍ ശ്രീ​രാ​ജ്, രാ​ജ​ശ്രീ.

പു​തു​ത​ല​മു​റ പ​രി​സ്ഥി​തി പ്ര​വ​ര്‍​ത്ത​ന​ങ്ങ​ളി​ല്‍ ആ​ത്മാ​ര്‍​ഥ​മാ​യി പ​ങ്കു ചേ​രു​ന്ന​തു വ​ള​രെ സ​ന്തോ​ഷ​ക​ര​മാ​ണെ​ന്നും സ​ദാ ഹ​രി​താ​ഭ​മാ​യ പ്ര​കൃ​തി​യാ​ണ് ത​ന്‍റെ സ്വ​പ്ന​മെ​ന്നും മു​ന്‍ സ്കൗ​ട്ട് മാ​സ്റ്റ​ര്‍ കൂ​ടി​യാ​യ രാ​ജാ​മ​ണി കൂ​ട്ടി​ച്ചേ​ര്‍​ത്തു.

Tags : Local News Nattuvishesham Thiruvananthapuram